Crossings TV Asian Television
Nyiaj Khes Div (Credit) Hauv Daim Ntawv Sau Nqi txhawm rau los mus Tawm Tsam Kev Hloov Pauv Ntawm Feem Ntuj Siab, Dej Nag Thiab Huab Cua ntawm Lub Xeev Kom Thiaj Li Txuag Tau Cov Neeg Qhua Uas Siv Hluav Taws Xob Ntawm PG&E Li Nyiaj
NROOG SAN FRANCISCO, Xeev Calif. — Cov neeg qhua uas siv hluav taws xob uas muaj chaw nyob yuav tau txais Nyiaj Khes Div Ntawm Feem Ntuj Siab, Dej Nag Thiab Huab Cua Hauv Xeev California yam tsis siv neeg tswj nyob rau lub hli no uas yog tau tsim tawm los ntawm California Public Utilities Commission (CPUC) los mus tawm tsam kev hloov pauv ntawm feem ntuj siab, dej nag thiab huab cua. Pacific Gas and Electric Company (PG&E) txaus siab los mus muab nyiaj khes div kom raws sij hawm es thiaj li yuav pab txo tau cov ntawv sau nqi hluav taws xob ntawm tus neeg siv hluav taws xob nyob rau lub hli no.
Rau cov neeg qhua uas siv hluav taws xob uas muaj chaw nyob uas siv roj nkev (gas) tha mab xaj, qhov nyiaj khes div yuav yog li $47.83, thiab rau cov neeg qhua uas siv hluav taws xob uas muaj chaw nyob, qhov nyiaj khes div yuav yog li $39.30. Cov neeg siv hluav taws xob uas tau txais ob yam ntawm cov kev pab cuam tib si yuav tau txais ib qho nyiaj khes div tag nrho yog $87.13.
“Qhov nyiaj khes div no yog ib qho xov xwm zoo heev rau cov ntawv sau nqi hluav taws xob ntawm PG&E thiab yuav pab txo cov ntawv sau nqi hluav taws xob kom raug tsawg thiab muab cov cib fim ntau yam ntxiv los mus nqis peev rau hauv feem hluav taws xob-kom ua hauj lwm tau zoo thiab rau cov kev ua tej yam tshiab ntawm fab nyiaj txiag-kom thiaj li txuag tau nyiaj,” Vincent Davis, Tus Lwm Thawj Tswj Hwm Feem Kev Ua Hauj Lwm thiab Kev Qhib Siv Hauj Lwm Rau Tus Neeg Qhua Uas Siv Hluav Taws Xob Ntawm PG&E tau hais li ntawd.
Xeev California xav kom cov tsev tsim hluav taws xob, cov chaw muag roj nkev (gas) tha mab xaj thiab lwm cov lag luam ub xam hab kas loj (large industries) uas tso cov cua phem ua rau vaum yuav tsum tau yuav cov ntawv tso cai tsim tau pa qias uas muaj tshuaj nyob nrog pob zeb (carbon pollution permits) los ntawm cov chaw muag khoom tom tshav puam uas tswj xyuas los ntawm California Air Resources Board. Nyiaj Khes Div Ntawm Feem Ntuj Siab, Dej Nag Thiab Huab Cua Hauv Xeev California yog ib qho nyiaj sib koom ntawm cov kev them nqi ntawm cov neeg siv hluav taws xob uas tau los ntawm lub xeev qhov txheej txheem pab cuam.
Cov neeg siv hluav taws xob tsis tas yuav tsum tau ua txhua yam es thiaj li tau txais qhov nyiaj khes div nod, nws yeej yuav pom tshwm tias muaj ib qho kev hloov-txav nyob rau hauv tus neeg siv hluav taws xob daim ntawv sau nqi raws li Tshooj Lus Hais Txog Cov Kev Hloov-Txav nyob rau ntawm nplooj uas hais txog Cov Nqi Tsub Meej Tseeb.
Cov Hau Kev los mus Txo Cov Ntawv Sau Nqi Hluav Taws Xob
PG&E muab ntau cov txheej txheem pab cuam sib txawv los mus pab cov neeg siv hluav taws xob txuag nyiaj thiab hluav taws xob.
- Txheej Txheem Pab Cuam Txog Cov Kev Ntaus Nqi Sib Quas txog rau Hluav Taws Xob Hauv Xeev California (CARE) txuag tau li 20% los sis ntau dua nyob rau txhua hli ntawm cov ntawv sau nqi hluav taws xob rau cov neeg siv hluav taws xob uas muaj nyiaj khwv tau los tsim nyog.
- Txheej Txheem Pab Cuam Txog Feem Kev Pab Txog Kev Ntaus Nqi Hluav Taws Xob Ntawm Tsev Neeg (FERA) muab txoj kev txo nqi txhua hli rau ntawm cov nqi hluav taws xob rau cov neeg siv hluav taws xob uas muaj nyiaj khwv tau los tsim nyog uas muaj peb los sis ntau leej neeg hauv tsev neeg ntawd.
- Medical Baseline muab tus nqi them txhua hli uas qis dua rau cov neeg siv hluav taws xob uas xav tau hluav taws xob tshwj xeeb vim qee qhov zwj ceeb fab kev kho mob.
- Txheej Txheem Pab Cuam Pob Peev Nyiaj Them Nqi (Budget Billing) xam tus nqi nruab nrab ntawm cov nqi hluav taws xob rau cov kev them nqi txhua hli uas kwv yees tau ntau dua thiab tshem cov teeb meem loj ntawm cov nuj nqis tawm vim muaj kev hloov pauv raws caij nyoog.
- Cov Kev Ceeb Toom Kev Kwv Yees Txog Tus Kee Yav Tom Ntej Ntawm Daim Ntawv Sau Nqi (Bill Forecast Alerts) yog cov kev ceeb toom uas xa hauv email, xa ua lus sau los sis hauv xov tooj tuaj ceeb toom qhia rau tus neeg siv hluav taws xob paub seb lawv daim ntawv sau nqi txhua hli puas yog dhau qho nyiaj tshwj xeeb raws li tau teeb tsim tseg los ntawm tus neeg siv hluav taws xob ntawd.
Cov neeg qhua uas siv hluav taws xob uas muaj chaw nyob yuav tau txais qhov Nyiaj Khes Div Ntawm Feem Ntuj Siab, Dej Nag Thiab Huab Cua ob zaug nyob rau ib lub xyoos, hauv Lub Plaub Hlis Ntuj thiab Lub Kaum Hli Ntuj. Nyob rau xyoo 2022, cov neeg qhua (luj qhab) ntawm lub lag luam me yuav tau txais ob qho nyiaj khes div hauv daim ntawv sau nqi nyob rau Lub Kaum Hli Ntuj.
Txhawm rau kawm paub ntau ntxiv hais txog Nyiaj Khes Div Ntawm Feem Ntuj Siab, Dej Nag Thiab Huab Cua, mus saib tau rau ntawm California Public Utilities Commission (CPUC) nplooj vas sab hais txog Nyiaj Khes Div Ntawm Feem Ntuj Siab, Dej Nag Thiab Huab Cua Hauv Xeev California.
Hais Txog PG&E
Pacific Gas and Electric Company, ib lub tuam txhab me ncau los ntawm koom haum PG&E Corporation (NYSE:PCG), yog ib lub chaw tsim roj nkev (gas) tha mab xaj thiab hluav taws xob ob yam tib si uas xa mus rau ntau tshaj 16 sawm (million) leej neeg nyob thoob plaws 70,000 mais puag ncig nyob rau hauv Sab Qaum Teb thiab Sab Nruab Nrab Teb ntawm Xeev California. Rau lus qhia paub ntau ntxiv, mus saib tau rau ntawm pge.com thiab pge.com/news.
