PG&E Txo Cov Nqi Hluav Taws Xob Ntsig Txog Chaw Nyob kom tsawg nyob rau Lub Cuaj Hlis Ntuj 1; Cov Neeg Siv Hluav Taws Xob Tau Txais Qhov Nyiaj Khes Div Huab Cua Hauv Xeev California (California Climate Credit) rau Cov Nqi Hluav Taws Xob thaum Lub Kaum Hlis Ntuj

PG&E Cov Nqi Hluav Taws Xob Poob Qis Nyob Rau Lub Sij Hawm Uas Kwv Yees Tias Tus Nqi Thoob Teb Chaws yuav Nce Siab Xyoo Tom Ntej

Nroog Oakland, Xeev Calif.. — Cov nqi hluav taws xob rau tag nrho cov neeg siv hluav taws xob hauv vaj tsev chaw nyob ntawm tuam txhab Pacific Gas and Electric Company (PG&E) tau qis txog 2.1% thaum Lub Cuaj Hlis tim 1 no. Rau tus neeg siv hluav taws xob hauv vaj tsev chaw nyob uas keev siv txog 500 kis lus vav (kilowatt) xuab moos ib lub hlis thiab tsis tau txais cov kev txo nqi, tus nqi txhua hli yuav qis txog thaj tsam $5.

Cov nqi hluav taws xob tau nqis qis vim PG&E tau ua tiav ntau cov khoos kas los ua rau muaj kev nyab xeeb ntau tuaj kom txhob muaj hluav taws kub hav zoov hav tsuag thiab pab daws tej teeb meem xwm txheej kub ceev. Cov nqi xuaj qhaus (ib ntus) no tau muab tshem tawm ntawm cov nqi ntawd, txhawm rau los pab txo cov nqi kom qis dua qub.

Dhau ntawd kev nqis tus nqi hluav taws xob lawm, cov neeg siv hluav taws xob rau hauv vaj tsev chaw nyob kuj tseem yuav tau txais ib qho nyiaj khes div $58.23 los ntawm qhov Nyiaj Khes Div Ntawm Feem Huab Cua Hauv Xeev Californias (California Climate Credit) nyob rau hauv lawv zeeg sij hawm kev sau nqi Lub Kaum Hlis Ntuj no.

PG&E ua hauj lwm hnyav los ua kom cov nqi hluav taws xob nyob ruaj los ntawm cov kev pab cuam txuag nyiaj thoob plaws lub tuam txhab thiab ua hauj lwm los txo cov kev siv nyiaj txiag kom qis dua qub. Cov nqi hluav taws xob ntsig txog chaw nyob tau poob qis txog peb npaug nyob rau 15 lub hlis dhau los, uas tau ua rau tsis muaj cov kev nce siab txaus nyob rau lub sij hawm ntawd, thiab cov nqi no kuj tseem cia siab ntsoov tias yuav rov nqis dua ntxiv hauv xyoo 2026.

“Nyob rau lub sij hawm peb ua kom cov nqi hluav taws xob nyob ruaj rau peb cov neeg siv hluav taws xob mus ntxiv, peb paub tias muaj ntau yam hauj lwm yuav tau ua ntxiv,” Carla Peterman, tus lwm thawj tswj hwm ntawm feem saib xyuas txoj cai (executive vice president) ntawm PG&E ntawm tus neeg ua hauj lwm ntawm feem saib xyuas hauj lwm txhua fab ntawm tuam txhab thiab kev ruaj ntseg tseem ceeb (corporate affairs and chief sustainability officer) tau hais li ntawd. “Peb txoj kev tsom kwm yog ua kom peb lub lab npauv nyab xeeb dua qub tuaj thiab cia siab tau ntau dua qub rau cov neeg siv hluav taws xob txhua txhua hnub, thaum tswj hwm peb cov kev siv nyiaj los ceev cov nqi kom qis li qhov ua tau.”

Hauv peb lub xyoos dhau los, PG&E tau txuag tau nyiaj txog thaj tsam li $2.5 billion hauv fab kev khiav hauj lwm thiab cov nqi peev nyiaj los ntawm kev ua hauj lwm tau zoo dua qub tuaj thiab siv cov tev naus laus zis (technologies) tshiab thiab cov txheej txheem kev lis dej num uas txhim kho zoo dua qub tuaj lawm ntawd, xws li kev siv cov nrus ya (drones) los tshuaj xyuas txog cov cuab yeej thiab cov khoos kas hluav taws xob hauv tuam tsev loj los mus ua tib feem ntawm kev ua hauj lwm. PG&E tau siv cov kev txuag nyiaj tseg los mus ua cov hauj lwm ntsig txog kev nyab xeeb thiab kev ntseeg siab tau ntau dua qub rau cov neeg siv hluav taws xob tau ceev dua qub thiab los them qee cov nqi ntawm txoj hauj lwm ntawd.

PG&E cov kev mob siab sib zog los ua kom cov nqi hluav taws xob nyob ruaj yog ua los tawm tsam tus nqi thoob teb chaws rau cov nqi hluav taws xob uas tau kwv yees tseg ntawd. Nyob rau lub sij hawm PG&E cov nqi hluav taws xob ntsig txog chaw nyob tab tom nqis qis hauv Lub Cuaj Hlis Ntuj thiab cia siab ntsoov yuav rov nqis dua hauv xyoo 2026, Feem Tuav Tswj Ntaub Ntawv Qhia Txog Hluav Taws Xob Ntawm Teb Chaws Mes Kas (U.S. Energy Information Administration) kws yees tseg tias tej zaum cov nqi hluav taws xob thoob teb chaws yuav nce siab nyob rau xyoo 2026, uas yuav dhau tshaj qhov kev nce nqis uas tau kwv yees tseg ntawd.

Nyiaj Khes Div Ntawm Feem Huab Cua Hauv Xeev California (California Climate Credit)

Cov neeg siv hluav taws xob rau hauv vaj tsev chaw nyob yuav tau txais ib qho Nyiaj Khes Div Ntawm Feem Huab Cua (Climate Credit) Lub Kaum Hlis Ntuj li ntawm $58.23 rau ntawm lawv daim ntawv sau nqi. Tsis tas li ntawd cov neeg siv hluav taws xob hauv lub lag luam me uas muaj cai tsim nyog tau txais kev pab cuam kuj tseem yuav tau txais ib qho Nyiaj Khes Div Ntawm Feem Huab Cua (Climate Credit) thiab.

Cov neeg siv hluav taws xob ntawm PG&E yuav tau txais Nyiaj Khes Div Ntawm Feem Huab Cua Hauv Xeev California (California Climate Credit) ob zaug txhua xyoo, hauv lub caij nplooj ntoos hlav thiab lub caij nplooj ntoos zeeg.

Qhov Nyiaj Khes Div Ntawm Huab Cua Hauv Xeev California (California Climate Credit) yog ib feem ntawm lub xeev txoj kev mob siab los tawm tsam txoj kev hloov pauv ntawm huab cua thiab yog muab los ntawm PG&E los pab cov neeg siv hluav taws xob nyob rau lub sij hawm hloov mus rau lub neej yav pem suab uas siv pa tshuaj muaj nyob nrog pob zeb tsawg.

Nqi Roj Nkev (Gas) Qis Lub Cuaj Hlis Ntuj

Qhov kev hloov tus nqi Lub Cuaj Hlis Ntuj kuj tseem muaj cov nqi roj nkev (gas) nqis qis txog 0.4%, uas txuag tau feem ntau (31 therms/hli) rau tus neeg siv hluav taws xob hauv vaj tsev chaw nyob thaj tsam li $0.39 tauj hli rau ntawm lawv cov nqi hluav taws xob.

Lwm Cov Kev los Txuag Nyiaj

PG&E muab lwm cov cuab yeej tsis sau nqi thiab sau tus nqi qis los mus pab cov neeg siv hluav taws xob txuag hluav taws xob thiab nyiaj.

Budget Billing muab koj cov nqi them hluav taws xob hauv 12 lub hlis dhau los coj los tso rau qhov nruab nrab (average) los txiav txim kom paub koj qhov nyiaj them txhua hli thiab kom zam txhob muaj qhov kev siv heev thaum lub caij ntawd thiab kom them tus nqi.
Home Energy Checkup yog ib lub twj pab dawb online los pab cov neeg siv hluav taws xob ntsuam xyuas txog lawv qhov kev siv hluav taws xob thiab muab cov lus taw qhia txog kev txuag hluav taws xob kom tau raws li siab nyiam.
HomeIntel yog ib qho txheej txheem pab cuam kev txuag hluav taws xob pab dawb uas muaj xam nrog rau ib lub twj Smart Audit thiab ib tus xib fwb qhia txog hluav taws xob ntawm ntiag tug. Cov neeg siv hluav taws xob uas nyob rau hauv lawv li vaj tsev tau ntev tshaj ib lub xyoos lawm thiab twb tau nruab ib lub twj ntsuas tshaj lij rau lawm ntawd muaj cai tsim nyog tau koom tes nrog.
Savings Finder yog ib lub twj pab dawb online uas muab cov lus pom zoo kom ua rau kev pab fab nyiaj txiag, cov kev pab tswj hwm tej nqi them thiab lwm cov kev pab los ua kom cov nqi them hluav taws xob txhua hli txhob hnyav dhau.

Cov kev pab cuam fab nyiaj txiag yog muaj rau cov neeg siv hluav taws xob uas muaj cai tsim nyog tau txais kev pab uas muaj xam nrog rau:

California Alternate Rates for Energy (CARE) Program: muab ib tus nqi txo txhua hli 20% rau ntawm cov nqi roj (gas) thiab ib qho nyob rau nruab nrab (average) thaj tsam li 35% ntawm cov nqi fais fab (yog muab piv rau cov non-CARE bundled customers).
Family Electric Rate Assistance (FERA) Program: cov lus qhia txog kev muaj cai tsim nyog tau txais kev pab tshiab muab ib qho kev txo nqi txhua hli li ntawm 18% rau ntawm hluav taws xob, tsis hais tsev neeg yuav coob los tsawg li cas.
Energy Savings Assistance Program (ESA): muab cov kev txhim kho ntsig txog kev txuag hluav taws xob yam tsis tau them nqi dab tsi li.
PG&E Relief for Energy Assistance through Community Help (REACH): ib qho txheej txheem pab cuam uas muab nyiaj khes div hauv daim ntawv sau nqi txog li $300 los mus pab cov neeg siv hluav taws xob uas muaj cai tsim nyog tau txais kev pab cuam raws qhov nyiaj khwv tau los uas muaj cov nyiaj tshuav tsis tau them yav dhau los.
PG&E Match My Payment Program: muab ib qho kev sib dhos kom sib haum raws ib duas las-rau-ib duas las, ntau txog $1,000, pab rau cov neeg siv hluav taws xob uas muaj qhov nyiaj khwv tau los nyob rau theem qis txog rau theem nrab them lawv cov nqi uas tseem tsis tau them yav dhau los kom tsis txhob raug muab hluav taws xob kaw. Cov neeg siv hluav taws xob yuav tsum them tsawg kawg $50 rau lawv qhov nqi uas tsis tau them txhua zaus kom thiaj tau txais cov nyiaj sib tw (matching dollars) ntawd.
Low Income Energy Assistance Program (LIHEAP): yog ib qho txheej txheem muab kev pab uas tau txais kev pab nyiaj los ntawm tsoom fwv uas saib xyuas los ntawm lub xeev uas muab ib qho kev them nqi ib zaug txog li $1,500 rau cov ntawv sau nqi hluav taws xob uas tseem tsis tau them nyob rau yav dhau los txhawm rau pab cov tsev neeg uas muaj nyiaj khwv tau los nyob rau theem qis them rau cov nqi cua sov los sis cua txias nyob rau hauv lawv tej vaj tsev.