Sib Piv thiab Txuag Nyiaj: Txoj Kev Npaj Hloov Pauv Tus Nqi Tej Zaum Yuav Txo Tau PG&E Cov Neeg Siv Hluav Taws Xob Cov Nqi Hluav Taws Xob

Nroog Oakland, Xeev Calif. — Ib qho kev hloov pauv yooj yim tuaj yeem ua tau ib qhov kev sib txawv loj hauv koj daim nqi hluav taws xob. Pacific Gas and Electric Company (PG&E) yog txhawb cov neeg siv hluav taws xob los kuaj xyuas tias lawv puas yog nyob rau ntawm tus nqi qis tshaj plaws rau lawv lub tsev los sis chaw lag luam.

Cov neeg siv hluav taws xob tuaj yeem nrhiav lawv tus nqi pheej yig qis tshaj plaws los ntawm kev nkag mus rau hauv lawv tus as khauj online ntawm PG&E thiab kev siv lub cuab yeej Kev Sib Piv Tus Nqi (Rate Comparison).

PG&E kwv yees tias yuav tsis muaj cov kev nce nqi hluav taws xob ntau ntxiv nyob rau ncua sij hawm uas tseem tshuav ntawm lub xyoo 2025. Lub tuam txhab npaj siab tias cov nqi roj nkev (gas) thiab hluav taws xob uas muab sib ntxiv ua ke ntsig txog chaw nyob kom nyob tus txhob hloov mus los nyob rau ncua sij hawm uas tseem tshuav ntawm lub xyoo no thiab kho kom nqis nyob rau xyoo 2026.

Tab txaws tias cov nqi yuav nyob tus txij li thaum pib xyoo 2024 los, cov neeg siv hluav taws xob tej zaum yuav pom cov nqi nce siab dua qub nyob rau cov hli caij ntuj sov yog tias lawv siv hluav taws xob ntau dua qub los ua kom lawv cov vaj tsev thiab cov lag luam txias tuaj.

Xyuas kom cov neeg siv khoom nyob rau ntawm tus nqi qis tshaj plaws rau lawv tsev neeg los sis chaw lag luam tuaj yeem pab lawv tswj cov nqi hluav taws xob yog tias lawv siv hluav taws xob ntau dua thaum lub caij cov hli ntuj sov.

“Sib faib cov kev daws teeb meem yooj yim tuaj yeem pab peb cov neeg siv hluav taws xob tswj hwm kev siv lawv li hluav taws xob thiab txuag nyiaj tau,” Vincent Davis, PG&E tus lwm thawj feem saib xyuas kev paub dhau los ntawm neeg siv hluav taws xob hais li ntawd. “Kev hloov mus rau qhov kev npaj them nqi qis tshaj plaws yog qhov yooj yim li 1-2-3. Nkag mus rau hauv koj tus as khauj hauv online, sib piv cov phiaj xwm tus nqi uas siv cov cuab yeej online thiab xaiv cov phiaj xwm nqi qis tshaj rau koj.”

Cov neeg siv hluav taws xob uas hloov mus siv tus nqi qis dua tsis tas yuav hloov kev siv lawv li hluav taws xob kom txuag tau nyiaj. Qhov ntawd yog vim PG&E lub cuab yeej kev sib piv tus nqi los txheeb cais lawv cov kev siv hluav taws xob hauv 12 lub hlis dhau los txhawm rau txiav txim siab lawv tus nqi qis tshaj.

Txawm li cas los xij, cov neeg siv hluav taws xob tuaj yeem txuag tau nyiaj ntau dua los ntawm kev hloov mus rau lub si jhawm siv tus nqi thiab hloov qee qhov kev siv hluav taws xob kom qis dua cov sij hawm tshaj tawm, thaum xav tau kev siv hluav taws xob tsawg dua.

Kev Txuag Nyiaj Ntawm Cov Neeg Siv Hluav Taws Xob hauv Nroog Fresno

PG&E tau txheeb cais cov as khauj neeg siv hluav taws xob nyob hauv vaj tsev uas nyob hauv Nroog Fresno, uas yog ib qho chaw uas huab cua kub tshaj plaws hauv nws qhov chaw pab cuam, kom pom tias cov neeg siv hluav taws xob yuav txuag tau ntau npaum li cas ntawm lawv tus nqi qis tshaj plaws.

Saib ntawm lawv txoj kev siv hauv ncua sij hawm 12 lub hlis ua ntej dhau los, PG&E pom ntau dua 24,800 tsev neeg tuaj yeem txuag tau nyiaj tag nrho $13.4 lab (million) hauv ib xyoos los ntawm kev hloov mus rau lawv tus nqi qis tshaj. Feem ntau lawm cov as khauj ntawm Nroog Fresno tuaj yeem txuag tau nyiaj ntau dua $300 toj ib xyoo thiab qee tus as khuaj tuaj yeem txuag tau ntau ntxiv—txog $1,000 toj ib xyoos.

Kwv yees li 70% ntawm cov neeg siv hluav taws xob tuaj yeem txuag tau nyiaj txhua xyoo los ntawm kev hloov tawm ntawm tus nqi paj ntsig E-1. Tus nqi no muaj ob theem nqi uas yog raws li kev siv hluav taws xob. Koj yim siv hluav taws xob ntau npaum li cas, tus nqi yuav siab dua raws li kev siv hluav raws xob. Los ntawm kev hloov mus rau lub sij hawm siv tus nqi cov neeg siv hluav taws xob tuaj yeem txuag nyiaj tau. Cov nqi no yuav txawv ntawm tus nqi nyob ntawm seb koj siv hluav taws xob thaum nruab hnub, lub lim piam thiab lub caij nyoog.

Thaum cov neeg siv hluav taws xob hauv Nroog Fresno no tuaj yeem txuag tau nyiaj yam tsis hloov lawv cov kev siv hluav taws xob, lawv yuav txuag tau nyiaj ntau dua los ntawm kev hloov lawv cov kev siv hluav taws xob mus rau lub sij hawm li ib txwm.

PG&E tseem muab tag nrho cov neeg siv hluav taws xob tsim nyog nyob hauv qhov kev sib piv tus nqi txhua xyoo ntawm lawv lub hli ua hauj lwm.

Cov hau kev yooj yim txhawm rau pab txuag nyiaj tseg nyob rau lub caij ntuj sov no

PG&E muab lwm yam cuab yeej uas tsis tau them nqi thiab tus nqi qis los pab cov neeg siv hluav taws xob txuag hluav taws xob thiab txuag nyiaj txiag. Kuaj xyuas cov kev xaiv no kom pom tias koj tuaj yeem tswj hwm koj txoj kev siv hluav taws xob thiab cov nqi hluav taws xob.

• Kev Sau Nyiaj Nqi Hluav Taws Xob xam qhov nruab nrab ntawm koj cov nqi hluav taws xob nyob rau ncua sij hawm 12 lub hlis dhau los txhawm rau txiav txim siab koj cov nyiaj them txhua hli thiab zam lub caij nyoog nce nqi siab ntxiv thiab kev xa nyiaj tsis txaus siab.
• Home Energy Checkup yog ib qho cuab yeej online pab dawb uas pab cov neeg siv hluav taws xob ntsuam xyuas txog lawv qhov kev siv hluav taws xob thiab muab cov lus taw qhia txog kev txuag hluav taws xob kom tau raws li siab nyiam.
• HomeIntel yog ib qho txheej txheem pab cuam kev txuag hluav taws xob pab dawb uas muaj xam nrog rau ib lub twj Smart Audit thiab ib tus xib fwb qhia txog hluav taws xob ntawm ntiag tug. Cov neeg siv hluav taws xob uas nyob rau hauv lawv li vaj tsev tau ntev tshaj ib lub xyoos lawm thiab twb tau nruab ib lub twj ntsuas tshaj lij rau lawm ntawd muaj cai tsim nyog tau koom tes nrog.
• Savings Finder yog cov cuab yeej online pub dawb uas muab cov lus pom zoo rau tus kheej rau kev pab nyiaj txiag, kev tswj hwm daim nqi thiab lwm yam kev pab cuam kom yooj yim rau cov nqi hluav taws xob txhua hli.

Cov neeg siv hluav taws xob uas tawm tsam them lawv cov nqi hluav taws xob kuj tseem tsim nyog tau txais kev pab nyiaj txiag. Saib seb puas muaj cai tsim nyog tau txais kev pab:

• California Alternate Rates for Energy (CARE) Program: muab cov kev luv nqi txhua hli li ntawm 20% ntawm cov roj thiab xam ua qhov nruab nrab kwv yees ntawm li 35% ntawm cov nqi hluav taws xob (piv rau cov neeg siv hluav taws xob uas tsis tau muab xam rau CARE).
• Family Electric Rate Assistance (FERA) Program: cov lus qhia txog kev muaj cai tsim nyog tau txais kev pab tshiab muab ib qho kev txo nqi txhua hli li ntawm 18% rau ntawm hluav taws xob, tsis hais tsev neeg yuav coob los tsawg li cas.  
• Energy Savings Assistance (ESA) Program muab qee cov kev txhim kho ntsig txog kev txuag hluav taws xob yam tsis tau them nqi dab tsi li.
• Relief for Energy Assistance through Community Help (REACH): muab nyiaj khes div hauv daim ntawv sau nqi txog li $300 los mus pab cov neeg siv hluav taws xob uas muaj cai tsim nyog tau txais kev pab cuam uas muaj cov nyiaj tshuav tsis tau them yav dhau los txhawm rau tiv thaiv kev cuam tshuam kev pab cuam.
• PG&E Match My Payment Program: muab ib qho kev sib dhos kom sib haum raws ib duas las-rau-ib duas las, ntau txog $1,000, pab rau cov neeg siv hluav taws xob uas muaj qhov nyiaj khwv tau los nyob rau theem qis txog rau theem nrab them lawv cov nqi uas tseem tsis tau them yav dhau los kom tsis txhob raug muab hluav taws xob kaw. Cov neeg siv hluav taws xob yuav tsum tau them nyiaj yam tsawg kawg yog $50 rau lawv cov nqi them txhua zaus kom tau txais cov nyiaj sib npaug.
• Low Income Energy Assistance Program (LIHEAP): yog ib qho txheej txheem muab kev pab uas tau txais kev pab nyiaj los ntawm tsoom fwv yam muaj kev saib xyuas los ntawm lub xeev uas muab ib qho kev them nqi ib zaug txog li $1,500 rau cov ntawv sau nqi hluav taws xob uas tseem tsis tau them nyob rau yav dhau los txhawm rau pab cov tsev neeg uas muaj nyiaj khwv tau los nyob rau theem qis them rau cov nqi cua sov los sis cua txias nyob rau hauv lawv tej vaj tsev.

Hais Txog PG&E

Pacific Gas and Electric Company, ib lub tuam txhab me ncau los ntawm koom haum PG&E Corporation (NYSE: PCG), yog ib lub chaw tsim roj nkev (gas) tha mab xaj thiab hluav taws xob ob yam tib si uas xa mus rau ntau tshaj kaum rau sawm (million) leej neeg nyob thoob plaws 70,000 mais puag ncig nyob rau hauv Sab Qaum Teb thiab Sab Nruab Nrab Teb ntawm Xeev California. Rau lus qhia paub ntau ntxiv, mus saib tau rau ntawm pge.com thiab pge.com/news