PG&E Pab Cov Neeg Siv Hluav Taws Xob Kom Nkag Tau Mus rau hauv Cov Kev Txuag Nyiaj Tseg thiab Kev Pab Txhawb Nqa

Cov Kev Txuag Hluav Taws Xob Pib nrog rau Cov Cuab Yeej Uas Zoo, Cov Kev Nqis Tes Ua Uas Yooj Yim thiab Cov Txheej Txheem Muab Kev Pab Cuam

Nroog Oakland, Xeev Calif.. — Ua ke nrog rau kev kwv yees txog tus kee huab cua yav tom ntej txog qhov kub thiab txias feem nrab saum toj saud kom ntaus hla dhau lub caij ntuj sov no mus raws li Cov Chaw Ua Hauj Lwm Txog Kev Ntsuas Huab Cua Ntawm Pacific Gas and Electric Company’s (PG&E), PG&E xav kom cov neeg siv hluav taws xob yuav tsum muaj cov chaw muab kev pab cuam uas lawv xav tau txhawm rau kom nyob nyab xeeb, nyob tau laj siab lug thiab txuag kom lawv cov nqi hluav taws xob raug tsawg.

Nrog rau kev siv hluav taws xob ntau zuj zus nyob rau cov hli ntawm lub caij ntuj sov nod, xav txhawb siab kom cov neeg siv hluav taws xob los mus kuaj xyuas seb lawv puas nyob rau hauv qhov phiaj xwm kev npaj txog ntawm tus nqi uas qis tshaj plaws rau lawv yim neeg txhawm rau ua kom thiaj li txuag nyiaj tseg tau ntau tshaj plaws. Cov neeg siv hluav taws xob tuaj yeem nrhiav lawv tus nqi pheej yig qis tshaj plaws los ntawm kev nkag mus rau hauv lawv tus as khauj oos lais (online) ntawm PG&E thiab kev siv lub cuab yeej Kev Sib Piv Tus Nqi . Cov kev txuag nyiaj tseg yuav sib txawv mus raws li hom ntawm tus neeg siv hluav taws xob thiab kev siv hluav taws xob.

Kev sau npe rau hauv qhov txheej txheem pab cuam Budget Billing thiab kev sau npe nkag rau Bill Forecast Alerts yog cov cuab yeej tsis sau nqi txhawm rau pab cov neeg siv hluav taws xob txo cov nuj nqis hluav taws xob kom raug tsawg. Budget Billing muab koj cov nqi them hluav taws xob hauv 12 lub hlis dhau los coj los tso rau qhov nruab nrab txhawm rau los txiav txim kom paub koj qhov nyiaj them txhua hli, es kom koj tsis txhob muaj cov nqi feem ntau heev nyob rau hauv koj daim ntawv sau nqi.

Bill forecast alerts xa cov kev ceeb toom xa tuaj hauv email, hauv lus sau los sis hauv xov tooj tuaj mus rau cov neeg siv hluav taws xob seb lawv daim ntawv sau nqi txhua hli puas tau dhau tshaj qhov tshwj xeeb uas lawv tau teeb tseg ntawd, raws li txoj kev lawv siv hluav taws xob ntawd.

Tsis tas li ntawd cov neeg siv hluav taws xob kuj tseem tuaj yeem tau txais ib tus xib fwb qhia txog hluav taws xob ntawm ntiag tug pab dawb los ntawm kev sau npe rau hauv qhov txheej txheem pab cuam HomeIntel yam tsis xam nqi dab tsi tib si.

“Peb paub hais tias cov kev nyuaj uas qhov kev kub txias nce siab zuj zus tuaj ntawd muaj peev xwm nqa tau thiab peb xav txuas cov neeg siv hluav taws xob nrog rau cov kev txo nqi thiab cov chaw muab kev pab cuam uas lawv xav tau los mus tswj xyuas cov huab cua sov nyob rau lub caij ntuj sov nod,” Vincent Davis, PG&E Tus Lwm Thawj Tswj Hwm Qib Siab, Feem Saib Xyuas Kev Kawm Paub Txog Tus Neeg Siv Hluav Taws Xob tau hais li ntawd. “Ob peb qho kev hloov pauv me ntsis nyob rau ntawm vaj tsev muaj peev xwm ua rau muaj ib qho kev sib txawv tshwm sim tau, thiab peb xav ua kom paub tseeb hais tias cov tsev neeg muaj kev nkag cuag tau rau cov cuab yeej muab kev pab txhawb nqa thiab cov txheej txheem pab cuam uas muaj peev xwm txo cov nuj nqis hluav taws xob kom rau tsawg.”

Kev Ua Kom Cov Ntawv Sau Nqi Ntawm Tus Neeg Siv Hluav Taws Xob Ruaj Khov

PG&E kwv yees tias yuav tsis muaj cov kev nce siab ntxiv ntsig txog tus nqi hluav taws xob ntau ntxiv nyob rau ncua sij hawm uas tseem tshuav ntawm lub xyoo 2025 nod lawm. Lub tuam txhab xav kom muab cov ntawv sau nqi cua thiab hluav taws xob uas ntxiv ua ke ntsig txog chaw nyob kho qhov tseem ceeb kom tus txhob hloov mus los nyob rau ncua sij hawm uas tseem tshuav ntawm xyoo 2025 nod thiab kho kom nqis nyob rau xyoo 2026.

Tab txaws tias cov ntawv sau nqi yuav ruaj khov tsis hloov pauv lawm los, cov neeg siv hluav taws xob tej zaum yuav pom cov ntawv sau nqi nce siab dua qub nyob rau lub sij hawm cov hli caij ntuj sov yog hais tias lawv siv hluav taws xob ntau dua qub txhawm rau ua kom lawv cov vaj tsev thiab cov lag luam txias zias.

Cov Lus Taws Qhia Txog Kev Siv Hluav Taws Xob Tau Laj Siab Lug thiab Nyob Rau Tus Nqi Zoo Nkauj

Ntawm no yog qee cov hau kev rau cov neeg siv hluav taws xob txhawm rau ua kom cov ntawm sau nqi hluav taws xob txhua hli raug tsawg dua qub thiab nyob rau qhov hluav tau xob ua hauj lwm tau zoo thiab siv tau kaj siab lug nyob rau tag nrho lub caij nyoog mus ntev loo.

Tsis sau nqi:

Ntaus mus rau hauv koj qhov kev kaj siab: Txuag kom tau ntau npaum li ntau tau 5-10% nyob rau ib lub xyoos txog ntawm cov nqi siv hluav taws xob rau kev ua kom txias los ntawm kev txav koj lub tshuab thermostat mus ua 7°-10°F oos xam (degrees) siab dua qub rau 8 xuab moos toj ib hnub los ntawm nws qhov kev teeb qhaj ib txwm, kev tso cai rau siv tau rau fab kev noj qab haus huv.
Cov thaiv Hnub: Ua kom koj lub tsev txias dua qub tuaj thiab txo qhov cua nkag rau ntawm koj lub AC kom muaj tsawg los ntawm kev kaw qee cov ntaub qhov rai los sis cov duab ntxoo txhawm rau thaiv tus duab ci ntawm lub hnub. Qhov kauj ruam yooj yim nod tuaj yeem txuag tau koj li nyiaj txog $30 toj ib lub xyoos.
Tso kiv cua rau nws: Kev siv ib lub kiv cua saum qab nthab los mus txhawb kev kiv mus los ntawd, ua rau koj tuaj yeem txav lub tshuab thermostat kom nce siab me ntsis ntxiv thiab nyob rau kaj siab lug nyob rau lub sij hawm tab tom txo cov nqi AC tau txog li $15 toj ib lub xyoos.
Ua noj haus tau yam txiaj laj siab lug: Kev siv ib lub chaw ua noj ua haus nqaim rau cov pluas mov xwb es tsis txhob siv ib lub qhov cub raws li ib txwm siv ntawd yog ib qho nyab xeeb dua, ceev dua, thiab ua rau hluav taws xob ua hauj lwm tau zoo dua cov chaw ua noj ua haus nqaim uas siv cua los sis hluav taws xob ntawd. Qhov PG&E Induction Cooktop Loaner Program pub cov neeg siv hluav taws xob qiv tau ib qho chaw ua noj ua haus nqaim uas siv qhov cub ib zaug xwb thiab lub yias rau ncua sij hawm ob lim piam yam tsis xam nqi dab tsi.

Tus nqi qis:

Foob cov chaw khoob kom ntom nti: Siv khoom thaiv cua los sis khoom thaiv chaw xeeb pleb txhawm rau foob txhua cov chaw khoob ib puag ncig ntawm cov qhov rooj ua qauv los sis cov qhov rai es kom koj lub AC thiaj li tsis yuav tsum tau ua hauj lwm dhau lub sij hawm. Kev foob cov chaw khoob kom txhob dim cua muaj peev xwm txuag nyiag tseg tau li $120 toj ib lub xyoos txog ntawm cov nqi kev siv hluav taws xob rau es txias.
Tu ntxuav ib cheeb tsam puag ncig ntawm koj lub AC kom huv si: Ua raws li cov kauj ruam yooj yim no txhawm rau txuag kom koj lub AC khiav tau zoo nyob rau qhov ua hauj lwm tau zoo tshaj plaws thiab txuag nyiaj tseg kom tau txog li $15 toj ib lub xyoos.
Txhuam cov tshuab lim cua es txias uas vuab tsuab ntawd kom huv siv: Cov tshuab lim cua es uas txhaws tag lawm ntawd tuaj yeem ua rau koj lub AC ua hauj lwm hnyav tshaj qub tuaj txhawm rau ua kom muaj cua ya ncig mus los tau. Kev txuag cov tshuab lim cua kom tshiab si muaj peev xwm txhim kho rau hluav taws xob ua hauj lwm tau zoo thiab txuag nyiaj tau txog li ntawm $15 toj ib lub xyoos.
Mus rau ntawm qhov tsos ntsuab ua ke nrog rau qhov ntxheb uas zoo: Kev muaj ib qho kev nqis peev rau hauv cov khoom siv pab kom hluav taws xob ua hauj lwm tau zoo, cov neeg qhua siv hluav taws xob tuaj yeem txuag tau ntau pua daus las hauv ib xyoos ntawm lawv cov nqi hluav taws xob los ntawm kev tsim ib qho Energy Efficiency DIY Toolkit.
Khiav koj lub pas dej rau kev ua luam dej ua si kom zoo li ib tus kws tshaj lij: Siv ib qho khoom npog rub hluav taws xob thiab ua zoo xav txog kev nruab ib lub tshuab xuj dej rau lub pas dej rau kev ua luam dej ua si uas ceev thiab sib txawv txhawm rau tsav xyuas cov nqi hluav taws xob siv rau lub pas dej rau kev ua luam dej ua si. Lwm cov lus taw qhia txog kev txuag nyiaj tseg muaj peev xwm ntxiv rau tau thaj tsam li $2,700 hauv cov kev txuag nyiaj tseg txhua xyoo ua ke.

Rau cov chaw muab kev pab cuam ntau ntxiv txhawm rau pab tswj xyuas cov nqi cua txias nyob rau lub caij ntuj sov, muaj xam nrog rau ib qho txheej txheem Home Energy Checkup, SmartRate Program thiab qhov cuab yeej Savings Finder , visit pge.com/summer.

Cov Txheej Txheem Pab Cuam Uas Muaj Cai Tsim Nyog Tau Txais Kev Pab Raws Li Qhov Nyiaj Khwv Tau Los

PG&E muab siab rau kev pab cov neeg siv hluav taws xob uas muaj cai tsim nyog tau txais kev pab cuam raws qhov nyiaj khwv tau los txo tus nqi kom qis thiab tswj xyuas cov ntawv sau nqi hluav taws xob txhua hli:

California Alternate Rates for Energy Program (CARE): muab ib tus nqi txo txhua hli 20% rau ntawm cov nqi roj (gas) thiab ib qho nyob rau nruab nrab 35% ntawm cov nqi hluav taws xob (yog muab piv rau cov neeg siv hluav taws xob koom ua ke uas tsis muaj CARE).
Family Electric Rate Assistance Program (FERA): cov lus qhia tshiab muab ib qho kev txo nqi txhua hli li ntawm 18% ntawm nqi kev siv hluav taws xob, tsis hais yuav yog rau fab twg ntawm qhov coob los sis tsawg ntawm yim neeg ntawd li.
PG&E Relief for Energy Assistance through Community Help (REACH): muab ib qho nyiaj khes div hluav taws xob ib zaug rau cov neeg siv hluav taws xob uas muaj cai tsim nyog tau txais kev pab cuam raws qhov nyiaj khwv tau los txog li ntawm $300 raws li cov nqi dhau sij hawm tsis tau them nyob rau yav tag los.
PG&E Match My Payment Program: muab ib qho kev sib dhos kom sib haum raws ib duas las-rau-ib duas las, ntau txog $1,000, pab rau cov neeg siv hluav taws xob uas muaj qhov nyiaj khwv tau los nyob rau theem qis txog rau theem nrab uas muaj ib qho nqi hluav taws xob uas tseem tshuav tsis tau them uas dhau sij hawm lawm.
Low Income Energy Assistance Program (LIHEAP): yog ib qho txheej txheem muab kev pab uas tau txais kev pab nyiaj los ntawm tsoom fwv uas saib xyuas los ntawm lub xeev uas muab ib qho kev them nqi ib zaug txog li $1,500 rau cov ntawv sau nqi hluav taws xob uas tseem tsis tau them nyob rau yav dhau los txhawm rau pab cov tsev neeg uas muaj nyiaj khwv tau los nyob rau theem qis them rau cov nqi cua sov los sis cua txias nyob rau hauv lawv tej vaj tsev. Tej zaum cov kev them nqi kuj yuav sib txawv raws qhov chaw nyob thiab kev muaj ntawm kev pab nyiaj.

Energy Savings Assistance Program (ESA): muab cov kev txhim kho ntsig txog kev txuag hluav taws xob yam tsis tau them nqi dab tsi.
Arrearage Management Plan (AMP): qho phiaj xwm kev npaj txog kev zam txim nuj nqi rau cov neeg siv hluav taws xob uas muaj chaw nyob uas muaj cai tsim nyog tau txais kev pab.

Lwm cov kev pab cuam xws li qhov Medical Baseline, uas muab ib qho txo tus nqi rau cov neeg siv hluav taws xob uas yuav tsum tau siv fais fab rau qee qhov kev mob nkeeg.