Kev Cia Cov Khw Noj Mov Hauv Zej Zos Qhib Ua Zaub Mov Noj Li Qub Ntawd: PG&E Corporation Foundation Muab Cov Nyiaj Pab Rau Kev Thev Taus Rau Kev Saib Xyuas Cov Khw Noj Mov

Nroog Oakland, Calif. — Nyob rau xyoo sib law liag thib tsib ntawd, koom haum PG&E Corporation Foundation (PG&E Foundation) yuav muab cov nyiaj pab los mus pab txhawb nqa cov tswv ntawm lub khw noj mov ntawm ntiag tug thiab lawv xov neeg ua hauj lwm. Lawv tab tom ua li ntawd los ntawm koom haum California Restaurant Foundation’s (CRF) Restaurants Care Resilience Fund. Cov nyiaj pab nod yuav mus pab txhawb nqa ntau cov khw noj mov nyob rau Sab Qaum Teb thiab Nruab Nrab Teb ntawm California nyob rau xyoo no.

Tseem tab tom txais cov ntawv tso npe thov kev pab kom txog rau Resilience Fund nyob rau ntawm www.restaurantscare.org/resilience mus txog rau Lub Plaub Hlis Tim 26, 2025.

Koom haum PG&E Foundation tab tom muab $1.1 sawm daus las los mus pab rau qhov txheej txheem pab cuam nod nyob rau xyoo no. Qhov kev pab nyiaj zaum nod yuav pab tsim cov ntaub lag luam hauv lub nroog nyob uas nyob taus kom ntau ntxiv rau ncua sij hawm ntev. Xam tag nrho muaj txog 188 cov khw noj mov thiab cov khw lag luam nyob rau hauv cheeb tsam uas muaj kev siv hluav taws xob ntawm Pacific Gas and Electric Company’s (PG&E) yuav tau txais cov nyiaj pab li $5,000. Tus lej tau nce siab tshaj 154 cov neeg uas tau txais qhov nyiaj pab piv rau xyoo dhau los.

Txij li xyoo 2021 los, koom haum PG&E thiab PG&E Foundation tau pab nyiaj txog $4.3 sawm daus las rau CRF’s Restaurants Care Resilience Fund lawm. Qhov no tau muab cov nyiaj pab thaj tsam li $3,000 txog $5,000 rau cov khw noj mov hauv lub zej zos uas nyob rau hauv cheeb tsam muab kev pab cuam ntawm PG&E. Nyob rau qhov kev pab nyiaj xyoo no, muaj txog li 863 cov khw noj mov nyob rau Sab Qaum Teb thiab Nruab Nrab Teb ntawm California yuav tau txais txiaj ntsig pab los ntawm cov nyiaj pab nod.

“Peb cov khw noj mov hauv lub zej zos muaj zaj lus zoo heev los sib qhia paub, muaj xam nrog rau cov zaj lus hais txog ntawm kev ua siab ntev. Tsis tas li ntawd lawv kuj tseem muaj cov ntsiab lus hais txog kev sib sau nyob ua ke rau cov cim fim uas muaj ntsiab lus thiab ua kev zoo siab nyob rau hauv peb cov cheeb tsam zej zos. Kev koom tes nrog koom haum California Restaurant Foundation phiaj yeeg rau pom txog peb txog muab siab rau peb cov khw noj mov uas nyob rau lub nroog nyob hauv. Lawv txog kev huaj vam ua rau peb cov txiaj lag kev luam thiab cov cheeb tsam zej zos hauv lub zej zos muaj zog tuaj,” Carla Peterman, Tus Lwm Thawj Tswj Hwm Ntawm Feem Saib Xyuas Txoj Cai (Executive Vice President), Feem Saib Xyuas Hauj Lwm Txhua Fab Ntawm Tuam Txhab, PG&E Corporation, thiab Tus Thawj Coj ntawm Pawg Thawj Coj, ntawm koom haum PG&E Corporation Foundation tau hais li ntawd.

Kev Pab Txhawb Nqa Cov Neeg Raug Kev Ua Phem Kev Puas Tsuaj Los Ntawm Hluav Taws Kub Hnyiab thiab Kev Pab Rau Cov Zej Zos

Nyob thoob plaws hauv California, CRF’s Restaurants Care Resilience Fund yuav muab ze li ntawm $3.5 sawm daus las pab rau hauv cov nyiaj pab rau khw noj mov. Qhov no muaj xam nrog rau qhov nyiaj pab uas tshwj tseg rau cov khw noj mov uas raug kev puas tsuaj tsis zoo los ntawm cov hluav taws kub hnyiab nyob rau hauv Los Angeles.

Cov nyiaj pab nod muaj peev xwm muab siv rau cov kev xav tau ntawm lub lag luam tseem ceeb muaj xam nrog rau cov kev hloov kho fab tev naus laus zis (technology) thiab khoom cuab yeej siv kom zoo dua qub tuaj. Tsis tas li ntawd lawv kuj tseem muaj peev xwm pab rau kev cob qhia thiab kev tuav tseg tus neeg ua hauj lwm, thiab cov kev nyuaj siab ntsig txog tej yam uas ntsia tsis pom tom ntej tib si.

Nyob rau hauv cov khw noj mov ntawd yog ib ntawm cov neeg uas txais kev pab nyob rau xyoo dhau los uas yog, Whitey’s Jolly Kone. Tau tsim nyob rau xyoo 1963 los ntawm Emile “Whitey” Boisclair. Nws yog ib ntawm cov khw noj mov hauv West Sacramento uas qub tshaj plaws, ntawm cov khw noj mov uas tsev neeg yog tus tswv cuab.

“Kev tau txais qhov nyiaj pab nod yog ib qho xam xeeb zoo heev thiab hnov muaj kev lees paub txog ntawm peb cov kev muab siab sib zog nyob rau ntawm Whitey’s Jolly Kone txhawm rau kom loj hlob thiab pab rau peb cheeb tsam zej zos txuas ntxiv mus. Thaum yog peb yog ib cov tswv nyob rau ntu caij nyoog thib peb, peb npaj siab los txhawb nqa lub koom haum uas peb yawg thiab niam txiv tau tsim rau peb, los ntawm kev nthuav thiab hloov pauv qhov chaw sib raug zoo rau tsev neeg, kom sib raug zoo nrog cov kev xav tau ntawm zej zos Sacramento uas ib txhim li loj hlob,” Jennifer Havson, tus tswv sib koom tes ntawm Whitey’s Jolly Kone tau hais li.

(Mus saib tau rau ntawm peb qhov vis dis aus “From Kitchen to Community” ib qho dhau rau ib qho.  Cov vis dis aus ib qho dhau rau ib qho nod qhia txog xim xoo ntawm cov neeg uas tau txais qhov nyiaj pab rau lub khw noj mov nyob rau hauv cheeb tsam muab kev pab cuam ntawm PG&E.)

CRF tau pib muab Resilience Fund nyob rau hauv xyoo 2021 los lawm. Nws tau pib los mus pab txhawb nqa cov khw noj mov rov qab txhim kho kom rov zoo li qub los ntawm cov kev tshwm sim tsis zoo rau fab kev khwv nyiaj txiag lag luam ntawm kev sib kis mob los ntawm Tus Kab Mob COVID-19. Tus kab mob sib kis nod tau ua rau ntau cov khw noj mov raug kaw lawv tej qhov rooj xuaj qhaus (ib ntus) los sis mus ib txhis. PG&E thiab The PG&E Corporation Foundation tau pab txhawb nqa qhov txheej txheem pab cuam no txij li thaum nws pib los lawm. Lub tuam txhab tau tswj xyuas nws txog kev pab txhawb nqa cov khw noj mov vim muaj cov kev hloov txav fab huab cua txuas ntxiv mus uas cuam tshuam rau fab kev khwv nyiaj txiag lag luam.

“Txoj kev siab loj siab dav thiab kev pab txhawb nqa uas txuas tsis tau ntawm cov neeg (koom haum) pab nyiaj pub dawb xws li PG&E xyuas kom paub tseeb tias xeev California cov khw noj mov ntawm ntiag tug muaj peev xwm nyob taus rau cov kev nyuaj thiab vam meej nyob rau cov xyoo uas yuav los txog tom ntej nod,” Alycia Harshfield, Tus Tuam Thawj ntawm California Restaurant Foundation tau hais li ntawd. “Kev nyob taus ntawm peb cov khw noj mov yog ib qho kev txhawb siab uas yog tshaj plaws. Ua tsaug ntau rau txoj kev siab dawb siab zoo ntawm peb cov neeg (koom haum) pab nyiaj pub dawb, peb muaj peev xwm muab kev pab cuam tseem ceeb txuas ntxiv mus rau cov lag luam haus lub zej zos uas coj txoj kev xav ntawm cheeb tsam zej zos mus rau cov koog zej zos uas nyob thoob plaws hauv California.”

Tso Npe Thov Kev Pab Tam Sim No txog rau Lub Plaub Hlis Tim 26

Tseem tab tom txais cov ntawv tso npe thov nyiaj pab mus txog rau Lub Plaub Hlis Tim 26, 2025. Cov tswv ntawm lub khw noj mov uas nyob rau hauv xeev California thiab cov khw lag luam uas nyob rau hauv cheeb tsam muab kev pab cuam ntawm PG&E muaj peev xwm ua ntawv thov tau. Cov neeg tso npe thov kev pab muaj peev xwm muaj tau txog tsib cov chaw (tab txawm hais tias muaj ib lub chaw nkaus xwb los yeej muaj peev xwm ua ntawv thov tau tib yam). Lawv yuav tsum muaj tsawg tshaj $3 sawm daus las nyob rau hauv qhov nyiaj khwv tau ib xyoos puag ncig rau lub chaw ntawm lub khw noj mov uas ua ntawv thov kev pab ntawd. Tes hauj lwm uas yuav tsum tau ua xub thawj nod yuav raug muab rau cov khw noj mov uas tsis tau txais ib qho nyiaj pab dhau los li. Cov neeg uas tau txais kev pab nyiaj dhau los lawm los tej zaum yeej tseem ua ntawv thov tau tib si.

Koom haum PG&E Foundation qhov kev pab nyiaj rau qhov chaw pab dawb rau kev txom nyem nod yog los ntawm PG&E cov khub koom lag luam ua ke, tsis yog los ntawm PG&E cov neeg siv hluav taws xob.

Kev Pab Cov Khw Noj Mob thiab Cov Lag Luam Me thiab Pes Nrab

PG&E tseem cog lus yuav los muab cov hauv kev rau nws cov neeg siv hluav taws xob uas yog lub chaw lag luam me thiab nruab nrab kom txuag tau hluav taws xob thiab nyiaj txiag, tshwj xeeb mas nyob rau cov sij hawm muaj kev nyuaj kev txom nyem rau fab kev khwv nyiaj txiag lag luam. Ntawm no yog qee cov hau kev uas PG&E tab tom yuav pab nws cov neeg siv hluav taws xob:

• Hais Txog Fab Nyiaj Txiag Ntawm Daim Ntawv Sau Nqi. PG&E muab cov nyiaj txais uas xam paj ntsig 0% rau kev hloov tshiab cov khoom siv uas qub thiab yaig tag lawm nrog rau cov qauv pab kom hluav taws xob-kom ua hauj lwm tau zoo ntau ntxiv. Saib qhov vis dis aus no txhawm rau tshawb nrhiav kom paub txog tias hluav taws xob rov qab nqis peev rov qab rau hauv koj lub lag luam txhawm rau los mus pab txhim kho koj lub hauv paus lag luam tau li cas.
• Cov nyiaj tau txais rov qab rau cov cuab yeej kev pab cuam khoom noj khoom haus. PG&E muab ntau txov txheej txheem pab cuam uas tau txais nyiaj rov qab uas yuav pab koj txuag tau nyiaj thiab txhim kho kev tsim khoom lag luam thaum koj hloov pauv koj cov cuab yeej muab kev pab cuam khoom noj khoom haus tshiab.
• Food Service Technology Center. Nkag cuag tau rau cov txheej txheem pab cuam muab kev cob qhia tseem ceeb, cov neeg pab sab laj tawm tswv yim ntsig txog kev tawm qauv thiab cov kev npaj ntsig txog chaw ua mov noj rau kev xeem ntawv txhawm rau txhim kho koj cov kev ua hauj lwm thiab kev ua hauj lwm tau zoo ntawm hluav taws xob.
• Kev Npaj Pob Peev Nyiaj Tseg Them Nqi Hluav Taws Xob. Yog hais tias koj yog ib tus tswv lag luam me, koj muaj peev xwm siv tau ib daim ntawv sau nqi uas tuaj yeem kwv yees tseg tau txhua hli los ntawm kev sau npe rau hauv qhov Kev Npaj Pob Peev Nyiaj Tseg Them Nqi Hluav Taws Xob. Qhov txheej txheem pab cuam no yuav xyuas txog feem nrab ntawm koj daim ntawv sau nqi txhua hli txhawm rau txiav txim siab txog koj li kev them nyiaj txhua hli, es tsis txhob siv cov ntawv sau nqi lub caij ntuj sov uas tsis tuaj yeem kwv yees tseg tau ntawd.
• Cov Txheej Txheem Pab Cuam Kom Muaj Kev Ua Hauj Lwm Tau Zoo Ntawm Feem Hluav Taws Xob. PG&E cog lus nrog cov tuam txhab sab nraum los mus muab ib qho kev hais daws teeb meem kom haum raws siab nyiam rau cov feem lag luam uas sib txawv.
• Tshawb Nrhiav Koj Qhov Phiaj Xwm Kev Npaj Txog Ntawm Tus Nqi Uas Zoo Tshaj Plaws. Cov neeg siv hluav taws xob muaj peev xwm siv qhov cuab yeej oos lais no los mus ua kev tshuaj ntsuam xyuas txog tus nqi kom paub tau tias lawv puas nyob rau qhov phiaj xwm kev npaj txog ntawm tus nqi uas zoo tshaj plaws rau lawv cov chaw ua hauj lwm. Qhov cuab yeej no yog npaj los mus pab cov neeg siv hluav taws xob txuag kom tau nyiaj txog $9.5 sawm daus las nyob rau xyoo no.
• Tus Nqi Ntawm Feem Kev Txhim Kho Rau Fab Kev Lag Luam. Qhov no muab lub cib fim rau cov neeg siv hluav taws xob hauv lub lag luam uas muaj cai tsim nyog tau txais kev pab cuam los mus txo cov nqi los ntawm ib ntawm cov kev xaiv ntsig txog tus nqi hluav taws xob uas raug txo ntawd. PG&E tau tsim tus nqi no los mus pab rau cov lag luam kom loj hlob los sis tswj xyaus tau cov hauj lwm nyob rau hauv xeev California. Tus qauv cai hais txog tus nqi 12% nod yog muaj nyob thoob plaws hauv peb qhov chaw muab kev pab cuam nod.

Rau kev paub ntau ntxiv txog PG&E qhov kev pab txhawb nqa tus neeg qhua siv hluav taws xob ntawm Lub Lag Luam Me thiab Pes Nrab, mus saib tau rau ntawm pge.com/smbsupport.

Hais Txog PG&E Corporation Foundation

PG&E Corporation Foundation yog ib lub koom haum ywj pheej 501(c)(3) uas tsis vam nyiaj paj ntsig, cais los ntawm PG&E thiab txhawb nqa los ntawm PG&E Corporation.