Kev Cia Cov Khw Noj Mov Hauv Zej Zos Qhib Ua Zaub Mov Noj Li Qub Ntawd: Muaj 188 Cov Khw Noj Mov Tau Txais $5,000 Cov Nyiaj Pab Uas Yog Muab los ntawm PG&E Corporation Foundation

Nroog Oakland, Xeev Calif. — Xyoo no, muaj ntau lub khw noj mov thiab khw ua khoom noj xa rau tej koob tsheej hauv California Sab Qaum Teb thiab Ntu Nruab Nrab tau txais peev nyiaj pab los ntawm California Restaurant Foundation (CRF) thiab PG&E Corporation Foundation (PG&E Foundation). Peev nyiaj no tuaj yeem muab siv tau los nqis peev kho tej cuab yeej siv kom ua tau hauj lwm zoo dua qub, cob qhia cov neeg ua hauj lwm thiab ntau yam ntxiv. Cov nyiaj pab no ua rau pom txog ib qho kev mob siab rau los mus ua kom cov khw noj mov hauv zos muaj lub zog loj tuaj es lawv thiaj ua tau nce qib mus sij hawm ntev xwv lawv thiaj tuaj yeem pab tau lub zej zos txoj kev lag luag thiab lub zos txoj kev loj hlob txuas ntxiv mus.

Lub PG&E Foundation peev nyiaj pub dawb $1.1 million xyoo no yog muab txog $5,000 ua nyiaj pab rau 188 lub khw noj mov hauv lub zej zos. Nws muaj cov tau peev nyiaj pab hauv 29 counties hauv Pacific Gas and Electric Company’s (PG&E) cheeb tsam siv hluav taws xob. Qhov kev pab kuj tseem muab kev txhawb khiav hauj lwm rau CRF, uas yog tus tswj hwm peev nyiaj pab cuam. Lub hauv paus nyiaj pab yog tuaj ntawm cov neeg sib koom lag luam ntawm PG&E, tsis yog cov neeg siv hluav taws xob.

Cov tau txais peev nyiaj pab xyoo no yog nce ntxiv los ntawm 154 lub khw xyoo dhau los.  Qhov ntawd txhais tau hais tias CRF peev nyiaj Restaurants Care Resilience Fund yuav pab ntau lub khw noj mov ntxiv. Peev nyiaj no tuaj yeem pab them rau cov kev kho tej cuab yeej siv thiab technology kom ua tau hauj lwm zoo dua qub, tej kev phom sij poob nyiaj uas tsis paub txog, kev ceev cov neeg ua hauj lwm thiab kev cob qhia. Lub hom phiaj yog los pab cov tswv ntawm cov khw noj mov nqi peev hauv txoj kev txhim kho lawv qhov lag luam thiab cov neeg. 

Cov nyiaj pab no yog muaj pab rau cov tswv khw noj mov uas yog neeg nyob hauv xeev California uas muaj tsawg dua tsib cov chaw thiab tsawg dua $3 million hauv qhov nyiaj tau los.

 “Peev nyiaj pab no yog ib qho koob hmoov. Kuv pib kuv lub khw noj mov tsis muaj ib qho nyiaj cia li, tsis muaj kev cob qhia – tsuas yog ib qho muaj lub siab pab neeg kom tau noj thiab ib co neeg hauv tsev meeg ua muaj kev pab txhawb loj heev xwb. Hnub no, peb yog ib lub khw noj mov uas muaj khoom noj puv ntoob nrog ib pab pawg thiab lub zej zos siab dawb siab zoo.  Tab sis vim tej nqis nce tuaj, nws yog ib qho nyuaj dua los mus nqis peev kho tej cuab yeej siv uas peb xav tau kom loj hlob kom zoo dua qub. Qhov kev pab no yuav pab peb dhau los mus ua txoj hauj lwm kom zoo dua qub, nthuav peb cov zaub mov noj kom ntau dua nrog tej khoom qab zib uas yog ua tom tsev. Nws muab qhov dej siab uas peb xav tau kom nyob ruav khov thiab ua qhov peb nyiam mus tom ntej tsis tso tseg,” Dawn Borst, tus tswv ntawm Bayside Café hauv Morro Bay hais li.

Txij li xyoo 2021 los, PG&E thiab PG&E Foundation tau pab nyiaj txog $4.3 million rau fab kev pab nyiaj mus rau CRF’s Restaurants Care Resilience Fund uas muab nyiaj pab txij ntawm $3,000 mus txog $5,000. (Mus saib tau rau ntawm peb qhov vis dis aus “From Kitchen to Community (Los Ntawm Chav Ua Mov mus rau Lub Zej Zog)” uas qhia txog cov neeg tau txais qhov nyiaj pab rau lub khw noj mov nyob rau hauv cheeb tsam muab kev pab cuam ntawm PG&E.)

Nrog rau qhov kev pab nyiaj nyob rau xyoo no, tam sim no PG&E tau pab muab cov nyiaj pab rau tag nrho 863 cov khw noj mov thiab cov khw lag luam nyob rau Sab Qaum Teb thiab Nruab Nrab Teb ntawm Xeev California lawm.

“Cov khw noj mov no, ntau lub yog tsev neeg ua tus tswv, yog cov ua rau peb cov zej zos nyob taus. Cov khw no yog ib qho chaw rau tej phooj ywg thiab cov tsev neeg tuaj mus ua koob tsheej rau hnub yug, kev kawm ntawv tiav thiab tsim muaj tej kev nco cia nruab siab mus ntev. Lawv txog kev huaj vam ua rau peb cov txiaj lag kev luam thiab cov cheeb tsam zej zos hauv lub zej zos muaj zog tuaj,” Carla Peterman, Tus Lwm Thawj Tswj Hwm Ntawm Feem Saib Xyuas Txoj Cai (Executive Vice President), Feem Saib Xyuas Hauj Lwm Txhua Fab Ntawm Tuam Txhab, PG&E Corporation, thiab Tus Thawj Coj ntawm Pawg Thawj Coj, ntawm koom haum PG&E Corporation Foundation tau hais li ntawd.

CRF tau pib peev nyiaj Resilience Fund los mus pab txhawb nqa cov khw noj mov rov qab txhim kho kom rov zoo li qub los ntawm cov kev tshwm sim tsis zoo rau fab kev khwv nyiaj txiag lag luam ntawm kev sib kis Tus Kab Mob COVID-19. Tus kab mob sib kis nod tau ua rau ntau cov khw noj mov raug kaw lawv tej qhov rooj xuaj qhaus (ib ntus) los sis mus ib txhis li lawm. PG&E thiab The PG&E Corporation Foundation tau pab txhawb nqa qhov txheej txheem pab cuam no txij li thaum nws pib los lawm. Lub tuam txhab tau tswj xyuas nws txog kev pab txhawb nqa cov khw noj mov vim muaj cov kev hloov txav fab huab cua txuas ntxiv mus uas cuam tshuam rau fab kev khwv nyiaj txiag lag luam.

“Peb ua tsaug ntau rau PG&E hauv tsib lub xyoos ntawm qhov muab kev pab txhawb nqa peev nyiaj Resilience Fund,” Alycia Harshfield, tus Thawj Tswj ntawm California Restaurant Foundation hais li. “Qhov kev pab no tseem ceeb heev vim yog thaum cov khw noj mov hauv zos mus tau zoo, ces cov neeg thiab cov nyob ze lawv los kuj zoo ib yam thiab. PG&E qhov kev koom tes pab cov tswv uas lawv pab tau lawv tus kheej tawm tau ntawm tej teeb meem, txhim kho lawv txoj kev khiav hauj lwm kom ruaj khov, thiab tsim kom muaj hauj lwm rau sawv daws ua mus tom ntej thiab muab chaw rau sawv daws tau mus sib sau rau hauv.”

Kev Pab Cov Khw Noj Mob thiab Cov Lag Luam Me thiab Pes Nrab

PG&E tseem cog lus yuav los muab cov hauv kev rau nws cov neeg siv hluav taws xob uas yog lub chaw lag luam me thiab nruab nrab kom txuag tau hluav taws xob thiab nyiaj txiag, tshwj xeeb mas nyob rau cov sij hawm muaj kev nyuaj kev txom nyem rau fab kev khwv nyiaj txiag lag luam. Ntawm no yog qee cov hau kev uas PG&E tab tom yuav pab nws cov neeg siv hluav taws xob:

• Hais Txog Fab Nyiaj Txiag Ntawm Daim Ntawv Sau Nqi. PG&E muab cov nyiaj txais uas xam paj ntsig 0% rau kev hloov tshiab cov khoom siv uas qub thiab yaig tag lawm nrog rau cov qauv pab kom hluav taws xob-kom ua hauj lwm tau zoo ntau ntxiv. Saib qhov vis dis aus no txhawm rau tshawb nrhiav kom paub txog tias hluav taws xob rov qab nqis peev rov qab rau hauv koj lub lag luam txhawm rau los mus pab txhim kho koj lub hauv paus lag luam tau li cas.
• Cov nyiaj tau txais rov qab rau cov cuab yeej kev pab cuam khoom noj khoom haus. PG&E muab ntau txov txheej txheem pab cuam uas tau txais nyiaj rov qab uas yuav pab koj txuag tau nyiaj thiab txhim kho kev tsim khoom lag luam thaum koj hloov pauv koj cov cuab yeej muab kev pab cuam khoom noj khoom haus tshiab.
• Food Service Technology Center. Nkag cuag tau rau cov txheej txheem pab cuam muab kev cob qhia tseem ceeb, cov neeg pab sab laj tawm tswv yim ntsig txog kev tawm qauv thiab cov kev npaj ntsig txog chaw ua mov noj rau kev xeem ntawv txhawm rau txhim kho koj cov kev ua hauj lwm thiab kev ua hauj lwm tau zoo ntawm hluav taws xob.
• Kev Npaj Pob Peev Nyiaj Tseg Them Nqi Hluav Taws Xob. Yog hais tias koj yog ib tus tswv lag luam me, koj muaj peev xwm siv tau ib daim ntawv sau nqi uas tuaj yeem kwv yees tseg tau txhua hli los ntawm kev sau npe rau hauv qhov Kev Npaj Pob Peev Nyiaj Tseg Them Nqi Hluav Taws Xob. Qhov txheej txheem pab cuam no yuav xyuas txog feem nrab ntawm koj daim ntawv sau nqi txhua hli txhawm rau txiav txim siab txog koj li kev them nyiaj txhua hli, es tsis txhob siv cov ntawv sau nqi lub caij ntuj sov uas tsis tuaj yeem kwv yees tseg tau ntawd.
• Cov Txheej Txheem Pab Cuam Kom Muaj Kev Ua Hauj Lwm Tau Zoo Ntawm Feem Hluav Taws Xob. PG&E cog lus nrog cov tuam txhab sab nraum los mus muab ib qho kev hais daws teeb meem kom haum raws siab nyiam rau cov feem lag luam uas sib txawv.
• Tshawb Nrhiav Koj Qhov Phiaj Xwm Kev Npaj Txog Ntawm Tus Nqi Uas Zoo Tshaj Plaws. Cov neeg siv hluav taws xob muaj peev xwm siv tau qhov cuab yeej oos lais no los mus ua ib qho kev tshuaj ntsuam xyuas txog tus nqi kom paub seb lawv puas nyob rau qhov phiaj xwm kev npaj txog ntawm tus nqi uas zoo tshaj plaws rau lawv cov kev khiav hauj lwm. Xyoo tas los no, peb tuaj yeem txuag tau nyiaj rau cov neeg siv hluav taws xob txog $5.4 Million duas las.
• Tus Nqi Ntawm Feem Kev Txhim Kho Rau Fab Kev Lag Luam. Qhov no muab lub cib fim rau cov neeg siv hluav taws xob hauv lub lag luam uas muaj cai tsim nyog tau txais kev pab cuam los mus txo cov nqi los ntawm ib ntawm cov kev xaiv ntsig txog tus nqi hluav taws xob uas raug txo ntawd. PG&E tau tsim tus nqi no los mus pab rau cov lag luam kom loj hlob los sis tswj xyaus tau cov hauj lwm nyob rau hauv xeev California. Tus qauv cai hais txog tus nqi 12% nod yog muaj nyob thoob plaws hauv peb qhov chaw muab kev pab cuam nod.

Rau kev paub ntau ntxiv txog PG&E qhov kev pab txhawb nqa tus neeg qhua siv hluav taws xob ntawm Lub Lag Luam Me thiab Pes Nrab, mus saib tau rau ntawm pge.com/smbsupport.

Hais Txog PG&E Corporation Foundation

PG&E Corporation Foundation yog ib lub koom haum ywj pheej 501(c)(3) uas tsis vam nyiaj paj ntsig, cais los ntawm PG&E thiab txhawb nqa los ntawm PG&E Corporation.