Cov Txiaj Ntsig Pab Uas Dav Dua Qub: PG&E Nce Ntxiv Kev Pab Them Nqi Hluav Taws Xob thiab Nthuav Dav Qhov Txheej Txheem Pab Cuam REACH txhawm rau Pab Cov Neeg Qhua Siv Hluav Taws Xob Kom Ntau Ntxiv

Cov Neeg Qhua Siv Hluav Taws Xob Uas Muaj Cai Tsim Nyob Tau Txais Kev Pab Ntau Ntxiv Yuav Tau Txais Nyiaj Them Nqi Hluav Taws Xob Ntau Txog $2,000 Raws Li Cov Lus Qhia Tshiab

Nroog Oakland, Xeev Calif. — Txhawm rau muab kev pab fab nyiaj txiag ntxiv rau cov yim neeg uas tseem tshuav nqi hluav taws xob yav dhau los uas them tsis tau tas kom ntau ntxiv, Pacific Gas and Electric Company (PG&E) tab tom hloov kho cov lus taw qhia hauv nrab xyoo rau qhov txheej txheem pab cuam Relief for Energy Assistance through Community Help (REACH). REACH thiab REACH Triple Match pab cov neeg qhua siv hluav taws xob uas muaj nyiaj khwv tau los tsawg- txog rau ntau pes nrab uas raug rau tus qauv kev muaj cai tsim nyog tau txais kev pab them taus lawv cov nqi hluav taws xob uas tseem tshuav tsis tau them yav dhau los thiab pab tiv thaiv kom tsis txhob raug txiav kev txuas hluav taws xob.

“Peb xav kom paub tseeb tau tias cov neeg qhuav siv hluav taws xob uas tau txais kev txhawb nqa raws li lawv xav tau kom ua rau lawv cov nqi hluav taws xob rov qab los nyob li qub,” Vincent Davis, Tus Lwm Thawj Loj, Feem Kev Paub Zoo Txog Neeg Qhua Siv Hluav Taws Xob ntawm PG&E tau hais li ntawd. “Nrog rau cov nyiaj them nuj nqis zoo dua qub tuaj thiab kev muaj cai tsim nyog tau txais nyiaj tau los uas nthuav dav dua qub, peb thiaj tuaj yeem muab kev pab nyiaj txiag ntau dua rau cov yim neeg uas xav tau tshaj plaws.”

“Kuv nkag siab txog qhov kev nyuaj siab tam sim no uas tab tom cuam tshuam rau ntau tus neeg nyob hauv vaj tsev uas nyuaj yuav los them lawv cov nqi hluav taws xob,” Jerry Dyer Tus Tswv Nroog Fresno tau hais li ntawd.  “Kuv txhawb nqa txhua cov kev txuag nyiaj cia uas tuaj yeem xa mus rau cov neeg nyob hauv vaj tsev uas tau ntsib kev nyuaj fab nyiaj txiag thiab tshuav tsis tau them lawv cov nqi hluav taws xob ntawm PG&E.  Kuv vam thiab cia siab tias qhov txheej txheem pab cuam REACH tuaj yeem muab kev pab them nqi hluav taws xob rau cov neeg nyob hauv vaj tsev ntawd tau, thiab cov neeg teev txoj cai tswj yuav ua los ceev cov nqi hluav taws xob kom muaj kev khov.”

Raws li hauv cov ntaub ntawv qhia txog neeg qhov siv hluav taws xob tsis ntev los no, PG&E cia siab tias yuav muaj kwv yees li 65,000 tus neeg qhuav siv hluav taws xob ntxiv yuav tsim nyog tau txais kev pab ntawm REACH thiab REACH Triple Match raws li cov lus taw qhia tshiab. Txij li thaum Lub Ib Hlis Ntuj, tau pom zoo rau ntau tshaj 3,500 daim ntawv thov nyob hauv Lub Nroog Fresno, ua rau muaj kev pab fab nyiaj txiag ntau dua $2 lab nyiaj duas las, uas yog tus lej siab tshaj plaws hauv thaj chaw muab kev pab cuam hluav taws xob ntawm PG&E.

“Cov neeg nyob hauv vaj tsev coob leej ntawm nroog Fresno tau ntsib teeb meem ntsig txog cov nqi hluav taws xob uas tseem tshuav tsis tau them thiab tsis tuaj yeem them nqi hluav taws xob tau raws sij hawm. Qhov txheej txheem pab cuam REACH muab kev pab cuam uas tseem ceeb heev, uas lav tau tias yuav ua kom cov tsev neeg nyob hauv qee cov cheeb tsam uas txom nyem tshaj plaws hauv lub teb chaws tuaj yeem nyob tau yam tsis muaj kev kub ntxhov thiab nyob nyab xeeb yam tsis tas yuav tso tseg lawv cov kev xav tau rau lub hauv paus kev ua neej nyob,” Annalisa Perea Tus Thawj Xab Phas Ntawm Lub Nroog Fresno tau hais li ntawd.

PG&E tau muab kev pab fab nyiaj txiag ntau tshaj $17.2 lab duas las rau ntau tshaj 25,000 cov neeg qhuav siv hluav taws xob uas tsim nyog tau txais nyiaj tau los uas los ntawm txheej txheem pab cuam REACH thiab REACH Triple Match txij li thaum Lub Ib Hlis Ntuj.

Cov Txiaj Ntsig Pab Ntxiv thiab Yuav Thov Tau Li Cas

• Nyiaj Them Nuj Nqis Nce Ntxiv Ob Npaug: Qhov nyiaj them nuj nqis ntawm tus neeg qhua siv hluav taws xob uas siab tshaj plaws uas tuaj yeem siv tau rau qhov nyiaj tshuav tsis tau them yav dhau los tau nce los ntawm $1,000 mus txog $2,000 rau qhov txheej txheem pab cuam REACH thiab REACH Triple Match (tag nrho tsis pub siab tshaj li cov nyiaj tshuav tsis tau them ntawm tus neeg qhua siv hluav taws xob).
• Nce Ntxiv Qhov Ciaj Ciam Txwv Ntawm Cov Nyiaj Khwv Tau Los: Tam sim no pab pawg neeg qhua siv hluav taws xob uas muaj cai tsim nyog tau txais nyiaj tau los uas tsim nyog rau REACH Triple Match, uas muab nyiaj sib tw ua 3-toj-1 rau kev them nyiaj ntawm tus neeg qhua siv hluav taws xob txij li $50 los sis ntau dua ntawd los txo qhov nyiaj nqi hluav taws xob uas tseem tshuav tsis tau them ntau ntxiv. Piv txwv li, ib tsev neeg muaj plaub leeg uas khwv tau nyiaj ntau txog $156,000/xyoo tej zaum yuav tsim nyog tau txais kev pab.
  • Cov ciaj ciam txwv ntawm cov nyiaj khwv tau los rau REACH thiab REACH Triple Match yog tau teeb rau cov qauv sib txawv thiab ob tus qauv tib si siv federal income guidelines (cov kev taw qhia txog nyiaj khwv tau los ntawm tsoom fwv teb chaws).
• Cov Nyiaj Tseem Tshuav Tsis Tau Them Yav Dhau Los: Cov neeg qhua siv hluav taws xob uas muaj cai tsim nyog tuaj yeem koom nrog hauv qhov txheej txheem tam sim no yam tsis tas hais txog lawv qhov nyiaj tshuav yav dhau los, uas yav dhau los tau raug them li ntawm $2,000, thiab cov neeg qhua siv hluav taws xob uas siv qhov phiaj xwm kev them nyiaj tam sim no kuj muaj cai tsim nyog tau txais kev pab tib yam nkaus.
• Muaj Cov Txiaj Ntsig Pab Ntxiv rau Cov Neeg Txais Nyob Rau Xyoo 2024: Cov neeg qhua siv hluav taws xob uas muaj cai tsim nyog uas twb tau koom nrog hauv qhov txheej txheem pab cuam REACH los sis REACH Triple Match lawm yuav tau txais lub cib fim los koom nrog ua zaum thib ob raws li cov lus qhia tshiab, uas muaj qhov txiaj ntsig pab tag nrho ntau txog $2,000 nyob rau xyoo 2024.

Tus qauv uas tau hloov kho tshiab yog muaj lub hom phiaj los pab cov neeg qhua siv hluav taws xob coob leej hais daws cov nyiaj uas tseem tshuav tsis tau them yav dhau los uas ntau tshaj plaws, tshwj xeeb tshaj yog nyob rau cov hli thaum lub caij ntuj sov muaj huab cua kub feem ntau lawm yog thaum kev siv hluav taws xob nce mus txog qhov siab tshaj nplaws. Cov ntaub ntawv qhia paub txog ntawm kev yuav ua ntawv thov tau li cas yog muaj nyob rau hauv oos lais (online) ntawm no.

Dollar Energy Fund

Tsis ntev los no PG&E tau pab nyiaj txog li $55 sawm daus las los mus pab txhawb nqa lub koom haum ua hauj lwm tsis vam nyiaj paj ntsig Dollar Energy Fund (DEF), ua ib qho kev cim txog kev nthuav dav ntawm qhov txheej txheem pab cuam REACH. Qhov kev pab nyiaj no yog pab los ntawm PG&E thiab nws tsis yog cov kev ntaus nqi ntawm cov neeg qhua. DEF ua hauj lwm cais tawm los ntawm PG&E.

DEF, yog ib lub chaw ua hauj lwm uas tsis vam nyiaj paj ntsig, tuav tswj qhov kev pab nyiaj rau qhov txheej txheem pab cuam REACH, tsav coj 170 cov chaw ua hauj lwm thoob plaws Sab Qaum Teb thiab Nruab Nrab Teb ntawm Xeev California. Cov neeg siv hluav taws xob ntawm PG&E, muaj xam nrog rau cov uas nyob rau qhov kev xav tau kev pab txhawb nqa ntsig txog hom lus los sis kev pab nrog rau lawv cov ntawv tso npe thov kev pab, muaj peev xwm tiv tauj tau rau ib lub chaw ua hauj lwm nyob rau hauv lawv zos los sis ua ntawv thov haus oos lais (online) ntawm tau ntawm www.hardshiptools.org/MyApp. Tsis tas li ntawd cov neeg tso npe thov kev pab kuj tseem muaj peev xwm hu rau 1-800-933-9677 rau kev pab tau tib si.

Lwm Cov Txheej Txheem Pab Cuam Uas Muaj Cai Tsim Nyog Tau Txais Kev Pab Raws Li Qhov Nyiaj Khwv Tau Los

PG&E muaj lwm cov txheej txheem muab kev pab cuam txhawm rau pab cov neeg siv hluav taws xob uas muaj cai tsim nyog tau txais kev pab cuam raws qhov nyiaj khwv tau los them lawv cov ntawv sau nqi hluav taws xob:

• California Alternate Rates for Energy: muab ib qho kev txo nqi txhua hli li 20% los sis ntau dua ntawd txog ntawm cov ntawv sau nqi roj nkev (gas) thiab hluav taws xob. Siv tau cov lus qhia txog qhov muaj cai tsim nyog tau txais kev pab uas saib raws cov nyiaj khwv tau los ntawm tsoom fwv tshiab.
• Family Electric Rate Assistance (FERA): muab ib qho kev txo nqi txhua hli txog li 18% rau cov nqi hluav taws xob rau cov yim neeg uas muaj txog li ntawm peb tus neeg los sis coob dua ntawd. Siv tau cov lus qhia txog qhov muaj cai tsim nyog tau txais kev pab uas saib raws cov nyiaj khwv tau los ntawm tsoom fwv tshiab.
• Energy Savings Assistance (ESA): muab cov kev txhim kho ntsig txog cov kev txuag hluav taws xob yam tsis tau them nqi dab tsi li. Siv tau cov lus qhia txog qhov muaj cai tsim nyog tau txais kev pab uas saib raws cov nyiaj khwv tau los ntawm tsoom fwv tshiab.
• Low Income Energy Assistance Program (LIHEAP): yog ib qho txheej txheem muab kev pab uas tau txais kev pab nyiaj los ntawm tsoom fwv uas saib xyuas los ntawm lub xeev uas muab ib qho kev them nqi ib zaug txog li $1,000 rau cov ntawv sau nqi hluav taws xob uas tseem tsis tau them nyob rau yav dhau los txhawm rau pab cov tsev neeg uas muaj nyiaj khwv tau los nyob rau theem qis them rau cov nqi cua sov los sis cua txias nyob rau hauv lawv tej vaj tsev. 

Lwm cov txheej txheem pab cuam muaj xws li Medical Baseline, uas muab tus nqi txhua hli qis dua rau cov neeg qhua siv hluav taws xob uas muaj qee yam kev mob nkeeg.

Hais Txog PG&E

Pacific Gas and Electric Company, ib lub tuam txhab me ncau los ntawm koom haum PG&E Corporation (NYSE:PCG), yog ib lub chaw tsim roj nkev (gas) tha mab xaj thiab hluav taws xob ob yam tib si uas xa mus rau ntau tshaj kaum rau sawm (million) leej neeg nyob thoob plaws 70,000 mais puag ncig nyob rau hauv Sab Qaum Teb thiab Sab Nruab Nrab Teb ntawm Xeev California. Rau lus qhia paub ntau ntxiv, mus saib tau rau ntawm pge.com thiab pge.com/news