Kev Cia Cov Khw Noj Mov Hauv Zej Zos Qhib Ua Zaub Mov Noj Li Qub Ntawd: PG&E Corporation Foundation Muab Cov Nyiaj Pab Rau Kev Thev Taus Rau Kev Saib Xyuas Cov Khw Noj Mov

Cov Khw Noj Mov Uas Nyob Rau Hauv Tej Qub Zej Qub Zos Muaj Peev Xwm Ua Ntawv Thov rau Cov Nyiaj Pab Ntau Tshaj 200 Qhov Chaw ntawm $5,000 Txhua Qhov Uas Pib Txij Li Lub Rau Hlis Ntuj 1 Mus

Nroog Oakland, Xeev Calif. — Nyob rau xyoo thib rau sib lawv lig no, koom haum PG&E Corporation Foundation (Koom haum PG&E Foundation) yuav muab cov nyiaj pab los mus txhawb nqa cov tswv ntawm lub khw noj mov ntiag tug thiab lawv cov neeg ua hauj lwm los ntawm California Restaurant Foundation’s (CRF) Restaurants Care Resilience Fund. Cov nyiaj pab nod yuav mus pab txhawb nqa ntau cov khw noj mov nyob rau Sab Qaum Teb thiab Nruab Nrab Teb ntawm Xeev California nyob rau xyoo no.

Qhov lus tshaj tawm yuav tshwm sim nyob rau lub sij hawm ua cov kev zoo siab rau Lub Lim Tiam Ua Lag Luam Me Thoob Teb Chaws, Lub Tsib Hlis Ntuj 3-9.

Cov ntawv tso npe thov nyiaj pab ntawm Resilience Fund yuav raug lees txais nyob rau ntawm www.restaurantscare.org/resilience Lub Rau Hli Ntuj 1 mus txog rau Lub Rau Hli Ntuj 30, 2026.

Koom Haum PG&E Foundation tab tom muab nyiaj pab ze li $1.3 million (lab daus las) los mus pab rau qhov txheej txheem pab cuam no nyob rau xyoo no — uas ntau tshaj txhua xyoo. Cov nyiaj pab zaum no yuav pab tsim cov ntaub lag luam hauv qub zej qub zos uas nyob taus kom ntau ntxiv rau ncua sij hawm ntev. Xam tag nrho muaj txog 213 cov khw noj mov thiab cov khw lag luam nyob rau hauv cheeb tsam uas muaj kev siv hluav taws xob ntawm Pacific Gas and Electric Company’s (PG&E) yuav tau txais cov nyiaj pab li $5,000. Tus lej tau nce siab tshaj 188 cov neeg uas tau txais qhov nyiaj pab piv rau xyoo dhau los.

Txij li xyoo 2021 los, koom haum PG&E thiab PG&E Foundation tau pab nyiaj ze li $5.6 million (lab daus las) rau CRF’s Restaurants Care Resilience Fund lawm. Qhov no tau muab cov nyiaj pab rau 863 cov khw noj mov hauv lub zej zos uas nyob rau hauv cheeb tsam muab kev pab cuam ntawm PG&E lawm. Nrog rau qhov kev pab nyiaj nyob rau xyoo no, qhov xam tag nrho ntawm cov nyiaj pab rau khw noj mov uas tau muab nyob rau hauv cheeb tsam muab kev pab cuam ntawm PG&E yuav ntau tshaj 1,000.

“Peb cov khw noj mov uas nyob rau hauv tej qub zej qub zos — uas ntau lub yog cov uas tsev neeg ua tus tswv thiab tuav tswj hauj lwm — yog cov qauv muaj tseeb ntawm cov hauj lwm hnyav thiab kev ua siab ntev. Lawv yog cov chaw uas ua cov sib sau nyob ua ke rau kev zoo siab thiab cov chaw uas peb sib txuas nrog rau cov phooj ywg thiab tsev neeg txhawm rau tsim tej yam zoo ua kev nco tseg. Peb zoo siab yuav ua cov khub koom lag luam txuas ntxiv mus nyob rau hauv qhov txheej txheem pab cuam no nrog rau CRF rau hauv feem kev pab txhawb nqa ntawm cov khw noj mov nyob rau hauv cheeb tsam zej zos thaum lawv tsav xyuas cov kev nyuaj nyob rau hauv cov sij hawm ntawm kev tsis paub qhov tseeb txog fab kev khwv nyiaj txiag lag luam. Peb cov cheeb tsam zej zos muaj zog dua qub tuaj thaum peb cov lag luam me vam meej lawm,” Carla Peterman, Tus Thawj Tswj Hwm, PG&E Corporation, thiab Tus Lwm Thawj Tswj Hwm Ntawm Feem Feem Saib Xyuas Hauj Lwm Rau Tus Neeg Siv Hluav Taws Xob thiab Txhua Fab Ntawm Tuam Txhab thiab Tus Thawj Coj ntawm Pawg Thawj Coj ntawm The PG&E Corporation Foundation tau hais li ntawd.

Kev Muab Hauv Lub Zej Zos, Uas Muaj Txiaj Ntsig Zoo Rau Peb Cov Qub Zej Qub Zos

Cov nyiaj pab nod muaj peev xwm muab siv rau cov kev xav tau ntawm lub lag luam tseem ceeb, muaj xam nrog rau cov kev hloov kho fab tev naus laus zis (technology) thiab khoom cuab yeej siv kom zoo dua qub tuaj. Tsis tas li ntawd lawv kuj tseem muaj peev xwm pab rau kev cob qhia thiab kev tuav tseg tus neeg ua hauj lwm thiab cov kev nyuaj siab ntsig txog tej yam uas ntsia tsis pom tom ntej tib si.

Ib ntawm cov neeg txais cov nyiaj pab ntawm xyoo dhau los nod yog Town’s End Brunch nyob rau hauv San Francisco. Lub khw noj mov uas tsev neeg yog tus tswv uas txawj tshwj xeeb rau cov phaj khoom noj hom Neeg Mes Kas qub thiab zoo heev.

“Nws yog ib qhov kev pab loj nyob rau lub sij hawm yog lawm,” Sam Elbandak, uas khiav lub khw noj mov nrog rau nws tus poj niam Nazeira tau hais li ntawd.

Qhov nyiaj pab ntawd tau hloov pauv tshiab ib lub tub txias qub txog 30 xyoo uas twb to qab lawm, noj hluav taws xob loj heev li, thiab yuav tsum tau kho poob nyiaj tas li.

Nrog rau ib lub tub txias tshiab no, Elbandak tau hais tias nws muaj peev xwm ua zoo xav txog yam uas tseem ceeb tshaj plaws rau nws — nws cov neeg ua hauj lwm thiab nws cov neeg tuaj noj mov: “Peb saib xyuas lawv thiab lawv ho saib xyuas peb…peb zoo li ib tsev neeg.”

Saib ib qho vis dis aus txog ib ntawm peb cov neeg txais nyiaj pab tsis ntev los no, Cov Teb Taws nyob rau hauv Petaluma.

CRF tau pib muab qhov Resilience Fund nyob rau xyoo 2021 los mus pab txhawb nqa cov khw noj mov txhim kho kom rov qab zoo los ntawm cov kev tshwm sim tsis zoo rau rau fab kev khwv nyiaj txiag lag luam ntawm kev sib kis mob los ntawm Tus Kab Mob Khaus Viv-19 (COVID-19). Txij thaum ntawd los, qhov chaw pab nyiaj nod thiaj li tau muaj ntau tshaj $11 million (lab daus las) hauv cov nyiaj pab los mus pab rau cov khw noj mov thiab cov neeg ua zaub mov noj nyob thoob plaws hauv xeev California.

PG&E thiab The PG&E Corporation Foundation tau pab txhawb nqa qhov txheej txheem pab cuam no txij li thaum nws pib los lawm. Lub tuam txhawb nod tau tswj xyuas nws txoj kev pab txhawb nqa nyob rau thaum cov khw noj mov ntsib cov kev nyuaj txog fab kev khwv nyiaj txiag lag luam mus raws huab cua txuas ntxiv mus.

“Nyob rau hauv rau lub xyoos, qhov chaw Resilience Fund tau pab cov khw noj mov ntiag tug hauv xeev California tsav xyuas cov kev nyuaj tam sim ntawd ua ke nrog rau kuj tseem soj ntsuam xyuas txog cov chaw tuav tswj kev ua hauj lwm uas muaj zog tshaj qub tib si txhawm rau los mus tsim kom muaj cov lag luam uas ruaj khov dua qub,” Alycia Harshfield, Tus Tuam Thawj ntawm California Restaurant Foundation tau hais li ntawd. “Nrog rau PG&E txoj kev sib koom tes txuas ntxiv mus, peb tuaj yeem nthuav dav qhov kev tshwm sim ntawd mus ntxiv, txhawm rau ua kom paub tseeb hais tias cov khw noj mov hauv xeev California muaj cov chaw muab kev pab cuam uas lawv xav tau txhawm rau los mus hloov raws, loj hlob thiab muab kev pab cuam txuas ntxiv mus tam li yog cov ncej txheem tseem ceeb ntawm lawv cov cheeb tsam zej zos.”

Koom haum PG&E Foundation qhov kev pab nyiaj rau qhov chaw pab dawb rau kev txom nyem nod yog los ntawm PG&E cov khub koom lag luam ua ke, tsis yog los ntawm PG&E cov neeg siv hluav taws xob.

Kev Muaj Cai Tsim Nyog Tau Txais Nyiaj Pab

Cov tswv ntawm lub khw noj mov uas nyob rau hauv xeev California thiab cov khw lag luam uas nyob rau hauv cheeb tsam muab kev pab cuam ntawm PG&E muaj peev xwm ua ntawv thov tau.

Cov neeg tso npe thov kev pab muaj peev xwm muaj tau txog tsib cov chaw (tab txawm hais tias muaj ib lub chaw nkaus xwb los yeej muaj peev xwm ua ntawv thov tau tib yam). Qhov nyiaj khwv tau ib xyoos puag ncig tsis pub dhau $3 million (lab daus las) rau qhov chaw ntawd. Lub khw noj mov ntawd yuav tsum yog twb ua hauj lwm los tau li ib xyoo txwm nkaus lawm mas thiaj li muaj cai tsim nyog tau txais kev pab, thiab cov neeg txais nyiaj pab dhau los muaj cai ua ntawv thov rau ib qho chaw los sis lub tswv yim uas sib txawv. Cov lag luam khoom noj uas twb muaj lawm ntawd uas tab tom nthuav dav mus rau hauv ib qho chaw tsim ua av ci thiab av nplaum los yeej puav leej muaj cai los mus ua ntawv thov kev pab tau tib yam nkaus.

Rau kev paub ntau ntxiv txog California Restaurant Foundation, Restaurants Care, los sis Restaurants Care Resilience Fund, mus saib tau rau ntawm restaurantscare.org.

Kev Pab Cov Khw Noj Mob thiab Cov Lag Luam Me thiab Pes Nrab

PG&E tseem cog lus yuav los muab kev pab rau nws cov neeg siv hluav taws xob uas yog lub chaw lag luam me thiab nruab nrab kom txuag tau hluav taws xob thiab nyiaj txiag, tshwj xeeb mas nyob rau cov sij hawm muaj kev nyuaj kev txom nyem rau fab kev khwv nyiaj txiag lag luam. Ntawm no yog qee cov hau kev uas PG&E tab tom yuav pab nws cov neeg siv hluav taws xob:

Hais Txog Fab Nyiaj Txiag Ntawm Daim Ntawv Sau Nqi. PG&E muab cov nyiaj txais uas xam paj ntsig 0% rau kev hloov tshiab cov khoom siv uas qub thiab yaig tag lawm nrog rau cov qauv pab kom hluav taws xob-kom ua hauj lwm tau zoo ntau ntxiv. Saib qhov vis dis aus no txhawm rau tshawb nrhiav kom paub txog tias hluav taws xob rov qab nqis peev rov qab rau hauv koj lub lag luam txhawm rau los mus pab txhim kho koj lub hauv paus lag luam tau li cas.
Cov nyiaj tau txais rov qab rau cov cuab yeej kev pab cuam khoom noj khoom haus. PG&E muab ntau txov txheej txheem pab cuam uas tau txais nyiaj rov qab uas yuav pab koj txuag tau nyiaj thiab txhim kho kev tsim khoom lag luam thaum koj hloov pauv koj cov cuab yeej muab kev pab cuam khoom noj khoom haus tshiab.
Food Service Technology Center. Nkag cuag tau rau cov txheej txheem pab cuam muab kev cob qhia tseem ceeb, cov neeg pab sab laj tawm tswv yim ntsig txog kev tawm qauv thiab cov kev npaj ntsig txog chaw ua mov noj rau kev xeem ntawv txhawm rau txhim kho koj cov kev ua hauj lwm thiab kev ua hauj lwm tau zoo ntawm hluav taws xob.
Kev Npaj Pob Peev Nyiaj Tseg Them Nqi Hluav Taws Xob. Yog hais tias koj yog ib tus tswv lag luam me, koj muaj peev xwm siv tau ib daim ntawv sau nqi uas tuaj yeem kwv yees tseg tau txhua hli los ntawm kev sau npe rau hauv qhov Kev Npaj Pob Peev Nyiaj Tseg Them Nqi Hluav Taws Xob. Qhov txheej txheem pab cuam no yuav xyuas txog feem nrab ntawm koj daim ntawv sau nqi txhua hli txhawm rau txiav txim siab txog kev them nyiaj txhua hli, es tsis txhob siv cov ntawv sau nqi lub caij ntuj sov uas tsis tuaj yeem kwv yees tseg tau ntawd.
Cov Txheej Txheem Pab Cuam Kom Muaj Kev Ua Hauj Lwm Tau Zoo Ntawm Feem Hluav Taws Xob. PG&E cog lus nrog cov tuam txhab sab nraum los mus muab ib qho kev hais daws teeb meem kom haum raws siab nyiam rau cov feem lag luam uas sib txawv.
Tshawb Nrhiav Koj Qhov Phiaj Xwm Kev Npaj Txog Ntawm Tus Nqi Uas Zoo Tshaj Plaws. Cov neeg siv hluav taws xob muaj peev xwm siv qhov cuab yeej oos lais (online) no los mus ua kev tshuaj ntsuam xyuas txog tus nqi kom paub tau tias lawv puas nyob rau qhov phiaj xwm kev npaj txog ntawm tus nqi uas zoo tshaj plaws rau lawv cov chaw ua hauj lwm. Qhov cuab yeej no yog npaj los mus pab cov neeg siv hluav taws xob txuag kom tau nyiaj txog $5 million (lab daus las) nyob rau xyoo no.
Tus Neeg Pab Tawm Tswv Yim Txog Hluav Taws Xob Hauv Lub Zej Zos. Tiv tauj rau koj tus neeg pab tawm tswv yim txog hluav taws xob siv rau lub lag luam me hauv lub zej zos txhawm rau sib tham txog cov kev hais daws teeb meem ntsig txog cov kev txuag nyiaj rau kev them nqi.

Rau kev paub ntau ntxiv txog PG&E qhov kev pab txhawb nqa tus neeg qhua siv hluav taws xob ntawm Lub Lag Luam Me thiab Pes Nrab, mus saib tau rau ntawm pge.com/smbsupport.