Crossings TV Asian Television – Home to Asian Americans
Tsis Tas Li Ntawd PG&E’s Employee Resource/Engineering Groups Kuj Tseem Muab Cov Nyiaj Pab Rau Kev Kawm Ntawv Qib Siab rau Xam Tag Nrho li ntawm $650,000 Nyob Rau Xyoo No Tib Si
Nroog Oakland, Calif. — Koom Haum PG&E Corporation Foundation (PG&E Foundation) tab tom caw cov tub ntxhais kawm ntawv tuaj mus tso npe thov kev pab los ntawm nws qhov Txheej Txheem Pab Cuam Ntsig Txog Nyiaj Pab Rau Kev Kawm Ntawv Ntawm STEM Ua Ke Uas Zoo Dua Qub (Better Together STEM Scholarship Program) txhua xyoo. Cov nyiaj pab rau kev kawm ntawv nod yog muab rau cov tub ntxhais kawm ntawv uas muaj txoj kev ntshaw txog kev tsim lub neej rau yav pem suab los ntawm cov qauv qhia ntawv feem Kev Kawm Qhia Txog Txuj Ci Fab Kev Txawj Ntse, Tev Naus Laus Zis, Kev Tawm Qauv thiab Kev Kawm Txog Kev Xam Lej (Science, Technology, Engineering and Math, STEM).
Koom Haum PG&E Foundation yuav muab las vas pab $350,000 rau hauv cov nyiaj pab rau kev kawm ntawv txhawm rau los mus pab rau cov tub ntxhais kawm ntawv kom tau txog li 60 leej. Cov tub ntxhais kawm ntawv uas muaj cai tsim nyog tau txais kev pab cuam muaj peev xwm tau txais cov las vas pab li ntawm $10,000, $5,000 los sis $2,500. Kev pab nyiaj rau cov nyiaj pab rau cov txom nyem no yog tau los ntawm cov tswv cuab koom tes ntawm PG&E, tsis yog los ntawm cov neeg siv hluav taws xob ntawm PG&E.
Cov thawj coj Pej Xeem Hauv Xeev Kas Lis Faus Nias (Californian) uas saib xyuas lub neej yav pem suab rau tus neeg muaj yeej rau Cov Nyiaj Pab Rau Kev Kawm Ntawv Ntsig Txog Feem STEM Ua Ke Uas Zoo Dua Qub (Better Together STEM Scholarships), uas txhawb lub dag zog rau lawv kom kawm tau zoo tshaj plaws thiab ua tau raws li lawv cov hom phiaj fab kev kawm ntawv qib siab.
Samiksha Lingan ntawm Hayward yog ib tus neeg txais qhov nyiaj pab rau kev kawm ntawv xyoo 2025 nod.
“Qhov Nyiaj Pab Rau Kev Kawm Ntawv Ntsig Txog Feem STEM Ua Ke Uas Zoo Dua Qub (Better Together STEM Scholarship) sawv cev rau ib qho kev tshwj tseg txhawm rau los mus txhawb nqa cov neeg hluas. Nws pab xyuas kom paub tseeb tias peb muaj peev xwm nco tau peb cov kev npau suav thiab muab rov qab rau cov neeg nyob ib puag ncig ntawm peb yam tsis muaj kev khuam dab tsi los ntawm cov kev sib cov nyom hlo li,” Lingan, uas yog ib tus neeg kawm vib xas kev txawj ntse rau fab ntaub ntawv ua qhov tseeb nyob rau ntawm Tsev Kev Ntawm Txuj Siab Xeev California, Berkeley tau hais li ntawd.
“Peb zoo siab los mus pab lwm pab pawg ntawm cov tub ntxhais kawm ntawv uas zoo kawg nkaus nyob rau xyoo no. Los tau ntev tshaj ib ncua caij nyoog kaum tawm xyoo nod, peb tau pab muab kev pab txhawb nqa rau peb cov thawj coj phaum neeg tshiab tom ntej nod lawm. Peb npaj siab ntsoov tos cov kws kawm xaij (txuj ci fab kev txawj ntse), cov kws tsim qauv thiab cov kws tsim tswv yim tshiab no uas yuav los pab txhawb dag zog rau xeev California lub neej yav pem suab uas muaj lub zog huv si. Nws yog ib lub sij hawm zoo heev li. Peb muaj cai tshwj xeeb tuaj yeem los mus pab cov tub ntxhais kawm ntawv nod caum kom cuag lawv cov kev npau suav ntsig txog fab kev kawm ntawv,” Carla Peterman, Tus Thawj Tswj Hwm, PG&E Corporation, thiab Tus Lwm Thawj Tswj Hwm Ntawm Feem Saib Xyuas Txoj Cai (Executive Vice President), Feem Saib Xyuas Hauj Lwm Rau Tus Neeg Siv Hluav Taws Xob thiab Txhua Fab Ntawm Tuam Txhab tau hais li ntawd.
Lub khoos kas pab cuam Ntsig Txog Nyiaj Pab Rau Kev Kawm Ntawv Ntawm STEM Ua Ke Uas Zoo Dua Qub (Better Together STEM Scholarship program) tau loj hlob nyob rau ntau xyoo los lawm txhawm rau los mus pab cov tub ntxhais kawm ntawv thiab cov tsev neeg kom tau coob tshaj qub ntxiv.
Nyob rau xyoo 2023, Koom Haum PG&E Foundation tau ntxiv ib qho nyiaj pab rau kev kawm ntawv tshiab li $5,000 uas tau nthuav dav qhov txheej txheem pab cuam nod txhawm rau xam nrog rau cov neeg txais kev pab ntau ntxiv. Nyob rau xyoo 2022, cov tub ntxhais kawm ntawv uas mus koom Cov Tsev Kawm Ntawv Qib Siab thiab Cov Tsev Kawm Ntawv Txuj Siab Rau Cov Neeg Mes Kas Tawv Dub Rau Hauv Keeb Kwm (Historically Black Colleges and Universities, HBCUs) nyob thoob plaws hauv Teb Chaws Mes Kas nod tau muaj cai tsim nyog tau txais kev pab cuam mus raws li ntau cov tub ntxhais kawm ntawv uas coob tshaj qub uas ua ntawv thov nyiaj pab uas npaj siab yuav mus kawm rau ntawm cov tsev kawm ntawv HBCUs.
Txij li xyoo 2012 los, lub Khoos Kas Pab Cuam Ntsig Txog Nyiaj Pab Rau Kev Kawm Ntawv Ntawm STEM Ua Ke Uas Zoo Dua Qub (Better Together STEM Scholarship Program) tau muab nyiaj pab rau fab kev kawm ntawv txog li $7.8 lab daus las rau cov tub ntxhais kawm ntawv uas muaj peev xwm lawm. Saib cov vis dis aus hais txog cov neeg tau txais qhov nyiaj pab rau kev kawm ntawv ntawm STEM ua ntej ntawd.
Lub caij nyoog (kas nuv) thiab cov qauv
Cov neeg tso npe thov kev pab uas nyiam muaj peev xwm kawm paub ntau ntxiv thiab tso npe tau nyob rau ntawm no. Lub caij nyoog (kas nuv) tso npe yog Lub Peb Hlis Tim 12, 2026. Cov nyiaj pab rau kev kawm ntawv nod yuav raug muab rau sawv daws nyob rau Lub Yim Hlis.
Cov nyiaj pab rau kev kawm ntawv nod yog muab raws li kev ua tiav ntawm fab kev kawm ntawv, kev koom tes thiab kev ua thawj coj uas ua tau zoo qauv qhia nyob rau hauv cov dej num (hauj lwm los sis kiv cab kas) ntawm tsev kawm ntawv thiab cheeb tsam zej zos. Tsis tas li ntawd lawv kuj tseem saib raws kev muaj yeej ntawm ntiag tug thiab kev xav tau kev pab fab nyiaj txiag tib si. Cov tub ntxhais kawm ntawv yuav tsum caum kom cuag cov qib kawm uas tsim nyog tau txais kev pab hauv cov qauv qhia ntawv ntawm STEM. Cov qauv qhia ntawv nod muaj xam nrog rau kev tawm qauv (engineering), koos pis tawj (computer), kev kawm qhia txog txuj ci fab kev txawj ntse (science)/cov lab npauv lus qhia paub (information systems), kev ruaj ntseg saum xais npawj (cybersecurity), cov kev kawm qhia txog txuj ci fab kev txawj ntse tsig txog ib puag ncig (environmental sciences), kev kawm txog kev xam zauv (math) thiab kev kawm txog fis xiv (phisics).
Cov kev tso npe thov kawm ntawv nod yog qhib rau:
- Cov tub ntxhais kawm ntawv ze rau qhov yuav tiav lawm los sis cov neeg kawm ntawv tiav ntawm tsev kawm ntawv qib cuaj txog qib kaum ob
- Cov tub ntxhais kawm ntawv uas tau txais ib daim ntawv pov thawj GED
- Cov tub ntxhais kawm tiav qib siab uas kawm tiav qib siab tam sim no
- Cov tub ntxhais kawm ntawv uas tsis yog kawm raws li kev cai ib txwm los sis cov qub tub rog uas rov qab mus kawm ntawv los sis tab tom raws kom cuag lawv qhov qib kawm ntawv nyob rau qib siab thib ib
- Cov uas nyob rau hauv PG&E li cheeb tsam uas muaj kev siv hluav taws xob hauv xeev California Sab Qaum Teb los sis Sab Nruab Nrab Teb los sis ib tus neeg nyob nrog ntawm ib tus pej xeem hauv cheeb tsam uas muaj kev siv hluav taws xob ntawd
- Cov tub ntxhais kawm ntawv uas tab tom npaj rau kev sau npe ntawm tus tub ntxhais kawm tiav qib siab txwm sij hawm rau xyoo 2026-2027
- Cov uas tab tom nrhiav lawv li qib kawm ntawv nyob rau qib siab thib ib nyob rau ntawm ib lub tsev kawm ntawv lab npauv plaub xyoos uas raug cai hauv xeev California los sis HBCU
Cov nyiaj pab rau kev kawm ntawv Rau Pab Pawg Feeem Saib Xyuas Peev Txheej Neeg Ua Hauj Lwm Ntawm PG&E
Dhau ntawm qhov Txheej Txheem Pab Cuam Ntsig Txog Nyiaj Pab Rau Kev Kawm Ntawv Ntawm STEM Ua Ke Uas Zoo Dua Qub (Better Together STEM Scholarship Program) lawm, PG&E 11 cov pab pawg feem saib xyuas peev txheej neeg ua hauj lwm (employee resource groups, ERGs) thiab ob cov pab pawg koom lag luam uas feem saib xyuas kev tawm qauv (engineering networking groups, ENGs) kuj tseem muab cov nyiaj pab rau kev kawm ntawv ntau tshaj $300,000 txhawm rau los mus pab rau tej qho tsis txaus them nqi ntawm kev kawm ntawv qib siab tib si. Cov nyiaj pab nod puav leej yog tau txais los ntawm cov kev pab nyiaj pub dawb ntawm tus neeg ua hauj lwm ua ke, cov koob tsheej nqua hu kev pab nyiaj ntawm tus neeg ua hauj lwm ua ke thiab lub tuam txhab lub khoos kas pab cuam muab los ntawm tus neeg ua hauj lwm ua ke. Txij li xyoo 1989 los, tau muab ntau tshaj $6 lab daus las hauv cov nyiaj pab rau kev kawm ntawv ntawm ERG/ENG los mus pab rau ntau txhiab cov tub ntxhais kawm ntawv lawm Ua ntawv thov tau nyob rau ntawm no.