Tam Sim No PG&E Muaj Cov Nyiaj Pab Rau Kev Kawm Ntawv Qib Siab Ntau Tshaj $250,000 rau Cov Tub Ntxhais Kawm Ntawv nyob rau Sab Qaum Teb thiab Nruab Nrab Teb ntawm Xeev California

Tam Sim No PG&E Muaj Cov Nyiaj Pab Rau Kev Kawm Ntawv Qib Siab Ntau Tshaj $250,000 rau Cov Tub Ntxhais Kawm Ntawv nyob rau Sab Qaum Teb thiab Nruab Nrab Teb ntawm Xeev California

Lub Caij Nyoog Kawg Rau Kev Xa Daim Ntawv Tso Npe Thov Kawm Ntawv yog Lub Peb Hlis Hnub Timj 22, 2025

Nroog Oakland, Xeev Calif. — Pacific Gas and Electric Company (PG&E) tau tshaj tawm hnub no tias tam sim no tab tom txais cov ntawm tso npe thov nyiaj pab rau kev kawm ntawv rau cov neeg kawm ntawv qib siab thiab ua ke nrog rau cov tub ntxhais kawm ntawm uas tseem tab tom kawm nyob rau tsev kawm ntawv qib siab thiab tab tom kawm ua ntu zus nyob rau lub sij hawm no uas muaj ib qho chaw nyob xub thawj nyob rau Sab Qaum Teb thiab Nruab Nrab Teb ntawm Xeev California.

Ntau tshaj $250,000 yog muaj los ntawm cov nyiaj pab rau kev kawm ntawv uas yog tsim pab los ntawm 11 leej ntawm PG&E cov pab pawg feem saib xyuas peev txheej neeg ua hauj lwm (ERGs) thiab ob cov pab pawg sib koom tes ua ke txog fab kev tawm qauv tsim ua ub no (ENGs). Cov pab pawg no pab ua rau tej kab ke ua hauj lwm nce lawm ib qib nyob rau ntawm PG&E uas tag nrho cov neeg ua hauj lwm ua ke tau txais kev saib siab, suav xam nrog rau thiab tau txais kev pab txhawb nqa. Cov nyiaj pab nod puav leej yog tau txais tag nrho los ntawm cov kev pab nyiaj pub dawb ntawm tus neeg ua hauj lwm ua ke, cov koob tsheej nqua hu kev pab nyiaj ntawm tus neeg ua hauj lwm ua ke thiab lub tuam txhab qhov txheej txheem pab cuam muab los ntawm tus neeg ua hauj lwm ua ke.

Cov nyiaj pab rau kev kawm no yog muaj pab txhua xyoo txhawm rau pab them tus nqi kev kawm ntawv uas raug siab dua ntawd. Txhua cov neeg muaj yeej rau qhov nyiaj pab rau kev kawm ntawm pab pawg ERG thiab ENG yuav tau txais cov nyiaj khoom plig txij li ntawm $1,000 txog rau $6,000 rau qhov tau txais nyiaj pab rau kev kawm ntawv thiab kev tsav coj ntawm cheeb tsam zej zos.

Lus qhia paub txog qhov nyiaj pab rau kev kawm ntawv ntawm PG&E thiab ENG, muaj xam nrog rau cov qauv thiab cov ntawv tso npe thov kev pab tib si, los puav leej muaj nyob rau ntawm PG&E lub vas sab (website). Txhawm rau kom raug xaiv rau ib qho nyiaj pab rau kev kawm ntawv, tag nrho cov ntaub ntawv uas tso npe thov kev kawm ntawv yuav tsum raug muab xa mus tsis pub dhau Lub Peb Hlis Hnub Tim 22, 2025 nod.

“Peb cov nyiaj pab kev kawm ntawm ERG thiab ENG yog qhov qhib qhov rooj txhawm rau txhim kho cov thawj coj thiab cov kws txawj xav txog kev vam meej rau lub neej yav pem suab. Cov nyiaj khoom plig no pab txhawb nqa cov neeg hluas hauv peb cov zej zos tej kev ntshaw thiab tej kev npau suav. Qhov kev pab no yog ib feem ntawm kev peb ua neej nyob mus raws li peb lub hom phiaj nyob rau ntawm PG&E—uas muab rau peb cov qub zej qub zog, pab rau peb lub ntiaj teb, thiab tsav coj mus nrog rau txoj kev hlub,” Deb Sinta, Tus Lwm Thawj Tswj Hwm Txheej Siab Ntawm PG&E, Uas Saib Xyuas Txog Tus Neeg Muaj Zoo Txuj Ci, Kab Ke Ua Hauj Lwm thiab Cov Neeg tau hais li ntawd.

Cov lus xam pom los ntawm cov neeg txais kev pab yav dhau los

“Kuv ris txiaj ntsig txog rau cov nyiaj khoom plig no, vim tiastej nqi kawm ntawv nyob rau sab nraum lub xeev yeej yog ib qho kev nyuaj. Qhov nyiaj pab rau kev kawm ntawv no yuav pab txo tau ntau yam heev rau kuv tus nqi kawm ntawv qib siab thiab ua kom muaj kev xav tau tsawg rau cov nyiaj txais rau tub ntxhais kawm ntawv,” tus neeg tau txais qhov nyiaj pab rau kev kawm ntawv ntawm pab pawg ERG xyoo 2024 hu ua Donovan Jones, uas yuav mus kawm txog kev cai lij choj ua kev paub ua ntej thiab kev kawm qhia txog txuj ci fab kev txawj ntse feem koos pis tawj (computer science) nyob rau ntawm Tsev Kawm Ntawv Txuj Siab ntawm Oregon tau hais li ntawd.

“Kuv nyiam siv tej keeb kwm uas tsis txaus ntseeg hlo li ntawd coj los mus taw qhia txog lub neej yav pem suab. Kuv vam thiab cia siab hais tias nws yuav tuaj yeem ua rau muaj kev hloov pauv nyob rau hauv lub ntiaj teb ib puag ncig ntawm kuv los ntawm kev kawm paub txog yam uas tshwm sim los ua ntej kuv ntawd,” tus neeg tau txais qhov nyiaj pab rau kev kawm ntawv ntawm pab pawg ERG xyoo 2024 hu ua Katherine Lopes, uas yog ib tus kawm paub txog keeb kwm ua qhov tseem ceeb nyob rau ntawm Tsev Kawm Ntawv Qib Siab ntawm California ntawm San Diego tau hais li ntawd.

Ib qho keeb kwm ntawm kev muab pab

Txij xyoo 1989 los, PG&E cov pab pawg ERGs thiab ENGs tau muab nyiaj khoom plig ntau tshaj $6 lab ua nyiaj pab kev kawm ntawv rau ntau txhiab tus neeg. Muaj coob tshaj 6,500 leej ntawm 28,000 cov neeg ua hauj lwm ua ke ntawm PG&E yog cov tau txais kev pab los ntawm cov pab pawg ERGs thiab ENGs. Txhua pab pawg pab txhawb lub tuam txhab qhov lus cog tseg txog kev pab nws cov zej zos thiab kev txhawb kom muaj kev koom tes los ntawm tus neeg ua hauj lwm ua ke.

PG&E pab pawg ERG thiab ENG cov nyiaj pab rau kev kawm ntawv yog muaj pab los ntawm 13 cov pab pawg no:

Access Network (cov tib neeg uas muaj kev xiam oob qhab)
AAPI (Cov Neeg Mes Kas Uas Yog Neeg As Xis, Neeg Nyob Pov Txwv Pacific)
Neeg Tawv Dub
Neeg Las Tis Naum (Latino)
Legacy (cov ua hauj lwm ua ke uas sib raug zoo)
MEENA (Sab Hnub Tuaj Nruab Nrab Teb, Sab Europe, thiab Sab Africa Qaum Teb)
National Society of Black Engineers (Cov neeg ua hauj lwm ua ke feem STEM)
NuEnergy (cov neeg ua hauj lwm ua ke tshiab)
PrideNetwork (LGBTQ+ cov neeg ua hauj lwm ua ke)
Samahan (Neeg Filipino)
Society for Hispanic Professional Engineers (Cov neeg ua hauj lwm ua ke ntawm feem STEM)
Cov qub tub rog
Women’s Network (Pab Pawg Sib Koom Tes Ua Ke Ntawm Cov Poj Niam)

Lwm cov cib fim ntsig txog nyiaj pab rau kev kawm ntawv

Dhau ntawm PG&E pab pawg ERG thiab ENG cov nyiaj pab rau kev kawm ntawv lawm, Pacific Service Employees Association (PSEA), ib lub koom haum ua tsim txiaj ntsig rau ob tog uas tsis vam nyiaj tshaj thawj uas pab PG&E cov neeg ua hauj lwm ua ke thiab cov neeg so hauj lwm, los kuj tseem muab cov nyiaj pab rau kev kawm ntawv rau cov neeg uas yog cov neeg ua hauj lwm ua ke ntawm lub tuam txhab ntawd tib si. Dhau ntawd, PG&E Corporation tab tom muab nws cov nyiaj pab rau kev kawm ntawv ntawm STEM los ntawm nws qhov txheej txheem pab cuam muab cov nyiaj pab rau kev kawm ntawv Ntsig Txog Feem STEM Ua Ke Uas Zoo Dua Qub (Better Together STEM Scholarships).

Hais Txog PG&E

Pacific Gas and Electric Company, ib lub tuam txhab me ncau los ntawm koom haum PG&E Corporation (NYSE:PCG), yog ib lub chaw tsim cua (gas) xeeb txawm thiab hluav taws xob ob yam tib si uas xa mus rau ntau tshaj 16 sawm leej neeg nyob thoob plaws 70,000 mais puag ncig nyob rau hauv Sab Qaum Teb thiab Sab Nruab Nrab Teb ntawm Xeev California. Rau lus qhia paub ntau ntxiv, mus saib tau rau ntawm pge.com thiab pge.com/news