Tam Li Txog Lub Caij Nyoog uas Nquag Muaj Hluav Taws Kub Hav Zoov Siab Tshaj Plaws, PG&E Yuav Tau Txo Qis thiab Ua Kom Txoj Hauj Lwm Muaj Kev Nyab Xeeb Txuas Txiv Mus Txhawm rau Ua Kom Cov Neeg Siv Hluav Taws Xob Muaj Kev Nyab Xeeb Nyob Rau Cov Hli ntawm Lub Caij Nyoog Uas Cua Hlob Heev

PG&E Muab Cov Hauv Paus Kev Pab Cuam rau Cov Neeg Siv Hloov Taws Xob Ua Ntej, Thaum Lub Sij Hawm thiab Tom Qab Kev Tua Hluav Taws Xob PSPS

OAKLAND, Calif.— Vim yog ib qho keeb kwm dhau los ntawm lub caij ntuj sov, nrog rau ntaub ntawv teev tseg txog qov kub txias 130 xyoos ntawm kev teeb tsim Lub Rau Hlis Ntuj-Lub Yim Hlis Ntuj 2024 hauv xeev California, thiab cov zwj ceeb sov thiab qhuav nyob rau Lub Kaum Hlis Ntuj, yuav muaj kev pheej hmoo ua rau muaj hluav taws kub hnyav kom txog ntua rau thaum huab cua rov zoo li qub.

PG&E ua hauj lwm yam khov kho, ib xyoos ib zaug, ntau fab meem txheej txheem pab cuam tiv thaiv txo hluav taws kub txhawm rau los tiv thaiv cov kev puas tsuaj loj ntawm hluav taws kub, suav nrog cov kev txhawb pab ntxiv los daws teeb meem hluav taws kub nyob rau xyoo no. Ntxiv nrog rau PG&E txoj hauj lwm tiv thaiv txo hluav taws kub, ces tej zaum yuav tsim nyog Tua Hluav Taws Xob Kom Muaj Kev Nyab Xeeb Rau Zej Tsoom Sawv Daws (Public Safety Power Shutoffs, (PSPS) nyob rau lub caij nplooj zeeg no txhawm rau tiv thaiv kev nyab xeeb ntawm PG&E cov neeg siv hluav taws xob thiab cov zej zos.

Thaum nws muab los kev npaj kom txhij, ces kev tua hluav taws xob PSPS feem ntau muaj keeb kwm tshwm sim heev tshaj plaws nyob rau lub caij nplooj zeeg. Thaum muaj cua hlob heev los ua ke nrog kev uas tej nroj tsuag qhuav heev thiab qhon noo qis heev, ces tej ntoo, tej ceg ntoo thiab tej khaub tsuag muaj peev xwm txais taws tau rau cov khoom siv uas muaj hluav taws xob khiav hauj lwm. Thaum muaj kev khwv yees tias yuav muaj cua hlob heev nyob rau cov thaj chaw uas nquag muaj kev pheej hmoo hluav taws kub siab heev ntawd, ces tej zaum PG&E yuav tsum tau tua hluav taws xob kom muaj kev nyab xeeb. Qhov no hu tau tias kev tua hluav taws xob PSPS.

PG&E tab tom faib qhia cov tswv yim pab coj los pab rau cov neeg siv hluav taws xob kom npaj txhij rau hluav taws kub los sis lwm yam kev liam sim raws li xeeb txawm ntawm lub ntiaj teb thaum nyob tom tsev, ua hauj lwm, los sis taug kev.

PG&E lub Safety Action Center (safetyactioncenter.pge.com) muab cov hauv paus ntaub ntawv pab cuam hais txog kev npaj kom txhoj rau cov neeg siv hluav taws xob thiab suav xam nrog rau cov ntaub ntawv hais txog txoj hauv kev tias seb yuav ua li cas es cov neeg siv hluav taws xob thiaj tuaj yeem ua kom lawv tsev neeg, tej vaj tsev thiab tej chaw lag luam muaj kev nyab xeeb thaum lub caij nyoog muaj hluav taws kub thiab nyob hauv qhov xwm txheej uas tsim nyog tua hluav taws xob PSPS.

“PG&E yuav tsis kav xyeem lub hwv tsam nrog rau kev nyab xeeb ntawm cov neeg siv hluav taws xob,” tau hais tseg los ntawm Mark Quinlan, Tus Lwm Thawj Coj ntawm Feem Tswj Xyuas Hluav Taws Kub, Xwm Txheej Ceev & Kev Lis Hauj Lwm. “Peb tau ua hauj lwm hnyav heev los txo cov kev pheej hmoo ntawm hluav taws kub thiab daws cov teeb meem uas muaj hluav taws kub ntau zaus ntxiv tuaj nyob rau xyoo no ntawm xeev California. Yog thaum kawg hauv kev lawm, ces yuav tau siv cov xwm txheej kev tua hluav taws xob PSPS txhawm rau tswj kev peb cov neeg siv hluav taws xob muaj kev nyab xeeb.”

Xeev California lub caij nyoog muaj hluav taws kub nyob rau xyoo 2024 hnyav tshaj li xyoo 2023. Raws li Lub Cuaj Hlis 25, CAL FIRE tau tshaj tawm txog 6,378 zaus hluav taws kub thiab 995,974 ev khawj uas raug kub yog muab xyoo no piv rau tib lub caij nyog ntawm xyoo tas los no tsuas yog muaj li 5,180 zaus hluav taws kub thiab 255,697 ev khawj uas raug kub xwb. 

PG&E yog qhov peb tseem ua ntau ntxiv nyob rau xyoo no txhawm rau los pab cov qhua thiab cov zej zog ua ntej, thaum lub sij hawm thiab tom qab kev tua hluav taws xob PSPS.

“Peb paub tias kev tsis muaj hluav taws xob siv nws cuam tshuam txog rau kev ua neej nyob, tshwj xeeb tshaj yog rau cov neeg uas vam khom rau hluav taws xob los siv cov khoom siv kho mob los sis cov tshuaj. Yog vim ntawd peb thiaj li mloog peb cov neeg siv hluav taws xob hais thiab nrhiav cov hauv kev los txo qhov kev cuam tshuam ntawm kev tua hluav taws xob PSPS kom qis, yam tsis muaj kev cuam tshuam txog kev nyab xeeb,” tau hais tseg los ntawm Vincent Davis, Tus Lwm Thawj Coj ntawm Kev Paub Txog Cov Neeg Siv Hloov Taws Xob.

Txhawm rau txo qhov kev tshwm sim tsis zoo txog ntawm cov kev tua hluav taws xob PSPS, peb yuav:

  • Koom tes nrog cov koom haum hauv zej zog (CBOs) los muab cov roj sam hluav taws xob uas nqa mus los yooj yim thiab cov kev so hauv tsev tos qhua pub rau ntau haiv neeg ntawm cov pej xeem, suav nrog cov neeg khwv tau nyiaj tsawg, cov neeg laus, cov neeg xiam oob qhab los sis cov uas vam khom hluav taws xob siv rau qee yam kev xav tau fab kev kho mob.
  • Muab ib cov roj hluav taws xob ntau txhiab lub (khwv yees txog li 4,715 lub nyob rau xyoo 2023), uas tuaj yeem pab duav roos tau rau tag nrho cov neeg siv hluav taws xob ntawm feem Medical Baseline hauv cov cheeb tsam muaj teeb meem hluav taws kub tas li.
  • Qhib cov chaw Community Resource Center (CRC) thiab txhim kho cov hauv paus pab cuam uas muaj nyob rau thaum muaj cov xwm txheej kev tua hluav taws xob PSPS
  • Muab ib qho kev xaiv rau cov neeg us tsis yog tus tswv ntawm tus as khauj kom lawv tau txais ib qho kev ceeb toom paub ncaj qha ua ntej thiab nyob rau lub sij hawm uas yuav muaj qhov xwm txheej PSPS rau txhua cov chaw nyob uas muaj feem xyuam.
  • Muab cov ntaub ntawv qhia paub txog xwm txheej ceev sau ua 16 hom lus thiab kev koom tes nrog CBOs txhawm rau coj uas kev nthuav dav hais ua ntau hom lus.
  • Txhawb kom cov neeg siv hluav taws xob tuaj yeem lees paub tau tus kheej tam li yog Cov Neeg Raug Teeb Meem Yooj Yim rau cov kev ceeb toom ntxiv.

Txhawm rau xyuas kom paub tseeb tias seb cov neeg siv hluav taws xob puas tau txais cov ntaub ntawv qhia paub raws li qhov lawv xav tau coj los npaj rau xwm txheej kev tua hluav taws xob PSPS, ces peb yuav xa cov ntawv ceeb toom yam av tas naus mav raws kev hu xov tooj, kev sau ntawv xov tooj thiab cov kev xa emails. Cov ntawv ceeb toom no yuav qhia rau cov neeg siv hluav taws xob paub tau thaum hluav taws xob yuav raug muab tua thiab yuav rov qab qhib siv. Peb lub hom phiaj yog, thaum twg uas kev kwv yees txog tus kee huab cua tau txais kev tso cai, muab cov kev ceeb toom qhia paub rau cov neeg siv hluav taws xob nyob rau ib rau ob hnub ua ntej muaj xwm txheej Kev Tua Hluav Taws Xob Kom Muaj Kev Nyab Xeeb Rau Zej Tsoom Sawv Daws (PSPS), ib hnub ua ntej, ua ntej kiag thaum tua hluav taws xob, thaum hluav taws xob raug tua lawm thiab txhua txhia hnub kom txog ntua rau thaum rov tso hluav taws xob rov qab tuaj.

Txawm rau pab cuam rau cov neeg uas Lag ntseg los sis hnov lus tsis zoo, ces peb kuj tseem npaj sau teev cov tsab lus ceeb toom ua Lus Piav Tes Mes Kas. Peb kuj muab kev nthuav qhia ntxiv rau cov neeg uas vam khom hluav taws xob ntau tshaj plaws. Yog tias cov neeg siv hloov taws xob ntawm Medical Baseline los sis Self-Identified Vulnerable tsis tau txais cov ntawv ceeb toom hais txog kev tua hluav taws xob PSPS, ces peb yuav ceeb toom rau lawv yam mus ntsib kiag ntawm tus kheej ua ntej yuav tshwm sim muaj qhov kev tua hluav taws xob.

Txhawm rau pab cov zej zog kom nyob nyab xeeb thiab paub txog cov kev tua hluav taws xob PSPS, ces peb tau tsim qhov cuab yeej Address Alerts. PG&E xa cov ntawv ceeb toom qhia txog kev tua hluav taws xob PSPS yam av tas naus mav rau tom cov neeg siv hluav taws xob lub tsev los sis lub chaw lag luam uas tau muab tso npe nyob rau hauv lawv tus as qhauj. Address Alerts kuj tseem yuav ceeb toom rau txhua tus neeg paub txog qhov xwm txheej PSPS ntawm txhua qhov chaw nyob uas tseem ceeb rau lawv los sis tus neeg uas lawv hlub.

Cov Kev Ceeb Toom Txog Chaw Nyob yog ib qho cuab yeej uas muaj txiaj ntsig rau cov neeg uas xav paub txog kev tua hluav taws xob PSPS ntawm lawv lub tsev, chaw ua hauj lwm, tsev kawm ntawv los sis lwm qhov chaw uas tseem ceeb. Cov Address Alerts no kuj muaj txiaj ntsig rau cov neeg xauj tsev uas tsis muaj tus as qhauj PG&E, cov neeg uas xav tau kev paub txog kev cuam tshuam ntawm kev tua hluav taws xob PSPS rau ib tug phooj ywg los sis ib tus neeg uas lawv hlub thiab cov tsev neeg uas muaj ntau leej neeg.

Txhua tus tuaj yeem tso npe nkag tau raws kev mus saib rau ntawm pge.com/addressalerts.

Thaum lub sij hawm muaj kev tua hluav taws xob PSPS, peb yuav qhib cov CRCs uas yog qhov chaw cov tswv cuab hauv zej zog tuaj yeem nkag mus rau qhov chaw uas nyab xeeb kom ncav cuag lawv cov kev xav tau hluav taws xob, xws li tshaj cov cuab yeej siv kho mob thiab cov khoom siv fab hluav taws xob.Dej, cov khoom noj txom ncauj, cov pam vov, cov chav dej-ADA thiab lwm yam khoom tseem ceeb los txo cov kev nyuaj siab rau peb cov neeg siv hluav taws xob.

Peb muaj cov chaw muab kev pab cuam los pab peb cov neeg siv hluav taws xob kom npaj txhij rau cov kev tua hluav taws xob thiab kom lawv nyob nyab xeeb, xws li:

  • Qhov Generator and Battery Rebate Program uas muab kev pab fab nyiaj txiag rau kev yuav lub tshuab tsim hluav taws xob los sis lub roj sam hluav taws xob uas tsim nyog.
  • Qhov Portable Battery Program, uas muab cov roj sam hluav taws xob rau cov neeg siv hluav taws xob uas muaj cai tsim nyog tus uas vam khom rau cov khoom siv kho mob.

Kom txhawb cov neeg siv hluav taws xob rau cov kev xav tau fab kho mob thiab fab kev nyob yam ywj pheej ua ntej, nyob rau thaum thiab tom qab xwm txheej PSPS, peb koom tes nrog cov koom haum txum nyob rau hauv zej zos (CBO). Peb cov kev muab siab sib zog muaj xam nrog rau:

  • Koom tes nrog California Foundation for Independent Living Centers (CFILC) los muab kev txhawb pab raws qhov txheej txheem pab cuam Disability Disaster Access and Resources Program (DDAR) Program.
  • Kev nthuav dav cov ntaub ntawv qhia paub uas muaj ua Lus Piav Tes Mes Kas (American Sign Language, ASL) thiab muab cov hauv kev xaiv rau cov neeg siv hluav taws xob los hu rau 1-800-743-5000 kom tau txais kev sib txuas lus ua Ntawv Su Uas Cov Neeg Tsis Pom Kev Siv Tau (Braille), ntawv luam tus niam ntawv loj thiab cov suab lus kaw.
  • Muab cov ntaub ntawv qhia paub txog xwm txheej ceev sau ua 16 hom lus.
  • Koom tes nrog cov koom haum hauv zej zos los muab kev thauj mus los uas nkag cuag tau-ADA thiab los ntawm Community Resource Centers (CRCs).
  • Koom tes nrog Meals on Wheels thiab cov txhab khoom noj hauv zos los pab cov neeg siv hluav taws xob kom nkag cuag tau rau cov khoom noj thaum lub sij hawm muaj kev tua hluav taws xob PSPS.
  • Muab cov chav so hauv tsev tos qhua thiab kev txo tus nqi tsev tos qhua pub rau cov neeg siv hluav taws xob thaum muaj kev tua hluav taws xob PSPS.
  • Tsim kom muaj ib pab pawg neeg tawm tswv yim hauv Cheeb Tsam thiab Xeev los pab tsim cov kev daws teeb meem rau kev npaj txhij thaum muaj xwm txheej ceev thiab rov ua kom rov zoo rau cov neeg siv hluav taws xob uas xav tau fab kev kho mob.
  • Cov ntaub ntawv qhia paub tshwj xeeb thiab kev txhawb pab ntawm lub nroog muaj nyob rau ntawm pge.com/ddar.

PG&E li Medical Baseline Program yog ib qho txheej txheem muab kev pab cuam rau cov neeg siv hluav taws xob uas vam khom hluav taws xob siv rau qee yam kev xav tau ntawm fab kev kho mob. Qhov txheej txheem pab cuam suav nrog kev faib hluav taws xob los sis kev txo nqi txhua hli, yog nyob ntawm qib theem ntawm tus neeg siv hluav taws xob ntawd, thiab ntxiv rau cov ntawv ceeb toom kev tua hluav taws xob PSPS.

Cov neeg siv hluav taws xob uas vam khom rau peb cov kev pab cuam rau qee yam kev xav tau fab kev kho mob tab sis tsis tsim nyog rau  Medical Baseline Program tuaj yeem ua pov thawj rau tus kheej rau Vulnerable Customer Status. Kev txhawb pab yuav suav nrog: cov ntawv ceeb toom ntxiv ua ntej qhov xwm txheej kev tua hluav taws xob PSPS, xws li kev mus nias lub tswb qhov rooj los sis khob lub dai qhov rooj yog tias tus neeg siv hluav taws xob ntawd tsis teb cov lus ceeb toom txog PSPS yav dhau los, kev ceeb toom los sis kev mus ntsib ua ntej los sis thaum lub sij hawm muaj tiv tauj tsis tau ntawd yuav tsis tau them nyiaj.

Kawm paub ntau ntxiv hais txog cov chaw muab kev pab cuam ntawm pge.com/pspsresources

PG&E koom tes nrog California Foundation for Independent Living Centers (CFILC) raws txheej txheem pab cuam Disability Disaster Access and Resources (DDAR) los muab kev txhawb pab rau cov neeg laus, cov neeg xiam oob qhab thiab cov muaj tus mob ncua ntev tsis txawj zoo uas tseev kom tau hluav taws xob los ua kom nyob tau yam ywj pheej. Qhov kev txhawb pab no muaj ua ntej, thaum lub sij hawm thiab tom qab qhov kev tua hluav taws xob PSPS thiab lwm yam kev tua hluav taws xob rau kev nyab xeeb ntawm hluav taws kub thiab xwm txheej ceev. Txheej Txheem Pab Cuam DDAR tuaj yeem pab rau kev tso npe rau Medical Baseline Program. Tau txais kev siv tsheb thauj mus los uas nkag cuag tau rau-ADA thiab cov kev nyob hauv tsev tos qhua thaum lub sij hawm muaj kev tua hluav taws xob PSPS thiab tau txais kev hloov khoom noj thaum lub sij hawm muaj kev tua hluav taws xob PSPS.

Txog rau ntawm cov lus qhia txog txoj hauv kev thov qhov kev pab cuam, ces cov neeg siv hluav taws xob tuaj yeem mus saib tau rau ntawm pge.com/ddar.

PG&E koom tes nrog California 211 Providers Network los txhawb, npaj thiab ua kom peb cov neeg siv hluav taws xob nyab xeeb.211 yog ib qho kev pab cuam pub dawb thiab tsis pub lwm tus paub uas pab tib neeg nrhiav kev pab cuam hauv zos, xws li chaw pw, ADA- tsheb thauj mus los, kev pab cuam hluav taws xob thiab lwm yam. Cov neeg siv hluav taws xob tuaj yeem ncav cuag tau txais kev pab npaj rau qhov hluav taws xob hluav taws xob, los sis lwm yam xwm txheej ceev.

Cov peev txheej no muaj 24/7 hauv ntau dua 150 yam lus. Thaum 211 muab kev tshaj tawm rau txhua tus neeg siv hluav taws xob PG&E, nws yog thawj qhov chaw sib cuag rau cov neeg uas xav tau kev nkag mus thiab ua hauj lwm (AFN) ua ntej, thaum lub sij hawm thiab tom qab PSPS.

Yog xav paub ntxiv, cov neeg siv hluav taws xob tuaj yeem hu rau 211, sau lo tias ‘Prepare’ xa rau 211-211 los sis mus saib rau ntawm 211.org txhawm rau nrhiav lawv lub zos qhov 211.

 

Pacific Gas and Electric Company, ib lub tuam txhab me ncau los ntawm koom haum PG&E Corporation (NYSE: PCG), yog ib lub chaw tsim roj nkev (gas) xeeb txawm thiab hluav taws xob ob yam tib si uas xa mus rau ntau tshaj 16 sawm leej neeg nyob thoob plaws 70,000 mais puag ncig nyob rau hauv Sab Qaum Teb thiab Sab Nruab Nrab Teb ntawm Xeev California. Rau lus qhia paub ntau ntxiv, mus saib tau rau ntawm pge.com thiab pge.com/news

Translate »