Crossings TV Asian Television – Home to Asian Americans
Smart Tools, Myth-busting Tips, thiab Assistance Programs Tuaj Yeem Pab Tau Cov Tsev Neeg thiab Cov Lag Luam Tswj Tau Cov Nqi Cua Txias Hauv Lub Caij
Nroog Oakland, Xeev Calif. — Thaum huab cua sov tuaj yuav ua rau kev siv hluav taws siab dua tuaj, Pacific Gas and Electric Company (PG&E) yuav txuas cov neeg siv hluav taws xob nrog rau cov chaw muaj kev pab uas lawv xav tau kom nyob nyab xeeb, txias, thiab kom tus nqi them hluav taws qis rau lub caij ntuj sov no.
Txoj kev tswj cov nqi cua txias yog ib qho tseem ceeb lub caij ntuj sov no, PG&E cov Meteorology Operations xam pom tias cua sov yuav nce tuaj tom ntej thiab kev siv tshuab ntaus cua txias yuav nce tuaj. Lub U.S. Department of Energy khwv yees tias cov tswv tsev yuav siv nyiaj txog $29 billion txhua txhua xyoo los khiav lawv cov tshuab ntaus cua txias.
“Peb paub tias huab cua sov tuaj yuav ua rau cov tsev neeg cov nqi hluav taws nce siab, thiab peb xav kom cov neeg siv hluav taws xob paub tias lawv tsis yog cov tswj cov hlis lub caij ntuj sov lawv tus kheej,” Vincent Davis, PG&E Senior Vice President, Customer Experience, hais li ntawd. “Qhov ua kom yooj yim dua qub rau cov tsev neeg los nrhiav tau cov nqi txo, cov cuab yeej siv kom txuag tau hluav taws thiab muab kev pab txhawb, peb yuav pab tau cov neeg siv hluav taws xob los siv cov kauj ruam ua tau hauj lwm thiab txog cov nqi siv hluav taws lawv lub caij ntuj sov kom qis dua.”
Txhawm rau kom pab tau cov neeg siv hluav taws xob nyob dhau lub caij ntuj kub, PG&E yuav qhia ib cov kauj ruam yooj yim uas tuaj yeem txo tau txoj kev siv hluav taws thiab tus nqi kom qis dua, uas yog qhia txog cov kev ntseeg li ib txwm thiab cov kev muaj tseeb xwv kom cov neeg siv hluav taws xob thiaj tuaj yeem muab tau cov kev xaiv uas lawv paub zoo.
Cov Kev Ntseeg Li Ib Txwm vs. Cov Kev Muaj Tseeb Hais Txog Hluav Taws
| Kev Ntseeg Li Ib Txwm | Kev Muaj Tseem |
|---|---|
| Txo lub thermostat kom qis rau 60º ua rau koj lub tsev txias sai dua | Tig lub thermostat rau 60º yuav tsis ua rau koj lub tsev txias sai dua thiaj tuaj yeem ua rau txoj kev siv hluav taws nce siab tuaj. ENERGY STAR® smart thermostats tuaj yeem txuag tau ib tus neeg siv hluav taws xob hauv California thaj tsam $50-$78 toj xyoo thaum muab xam rau qhov nruab nnrab, thiab PG&E qhov kev pab cuam Automated Response Technology (ART) yuav hloov txoj kev siv hluav taws nws tus kheej thaum lub sij hawm muaj kev siv ntau heev. |
| Cov kiv cua saum qab nthab yuav ua rau cov chav nyob txias tuaj | Cov kiv cua ua rau neeg hnov txias, tsis yog cov chav nyob Siv ib lub kiv cua saum qab nthab txhawm rau los mus tsim cov cua yam tsis tas yuav tsum tau tso hluav taws xob khiav tawm ntawm koj lub AC. |
| Cov cuab yeej uas tsis siv tab si cia nws nyob ntsia hluav taws xob tsis ua rau kev siv hluav taws nce siab tuaj | Cov cuab yeej uas muaj teeb pom kev, ua rau pom, los yog caws sij hawm cia yuav siv hluav taws xob tab txawm thaum nws “tuag (off)” lawm. Muab cov cuab yeej uas tsis siv lawm rho fais fab, xws li cov chargers, cov laptops, thiab cov qhov cub me hauv chav ua noj. |
| Kom txuag tau kev siv hluav taws xob yuav tsum tau siv nyiaj ntau kho | Ntau cov kev kho kuj tsis siv nyiaj ntau, xws li kev lo tej qhov rooj qhov rais kom txhob tshaus cua, kev siv cov ntsaws fais fab (power strips), thiab hloov cov lim cua. Cov neeg siv hluav taws xob tuaj yeem txuag tau ntau pua daus las hauv ib xyoos ntawm lawv cov nqi hluav taws xob los ntawm kev tsim ib qho Energy Efficiency DIY Tool Kit. |
Cov Chaw Muaj Kev Pab Caij Ntuj Sov
Peb nqua hu cov neeg siv hluav taws xob kom kuaj xyuas seb lawv puas nyob hauv daim phiaj txo kom tus nqi qis kawg nkaus (lowest-cost rate plan) rau lawv tsev neeg. Cov neeg siv hluav taws xob muaj peev xwm nrhiav lawv tus nqi qis tshaj plaws los ntawm kev nkag mus rau hauv lawv tus as khauj online ntawm PG&E thiab kev siv lub cuab yeej Kev Sib Piv Tus Nqi (Rate Comparison). Cov kev txuag nyiaj tseg yuav sib txawv mus raws li hom ntawm tus neeg siv hluav taws xob thiab kev siv hluav taws xob.
Cov neeg siv hluav taws xob kuj tseem tuaj yeem txo kev poob siab rau daim nqi hluav taws xob tau los ntawm kev sau npe rau hauv qhov txheej txheem pab cuam Budget Billing thiab kev sau npe nkag rau Bill Forecast Alerts – ob qho no puav leej tsis tau them nqi. Qhov Budget Billing yuav faib cov nqi fais fab kom koob pheej sib npaug zos hauv lub xyoo, hos qhov Bill Forecast Alerts yuav sau email, ntaus ntawv hauv xov tooj (text), los yog hu xov tooj tuaj qhia rau cov neeg siv hluav taws xob kom paub yog tias yuav muaj ib daim nqi ntau tshaj qhov nyiaj uas tus neeg siv hluav taws xob teeb cia.
Qhov kev pab cuam HomeIntel muab ib qho kev pab dawb ib leeg-tauj-ib leeg los ntawm ib tus neeg cob qhia txog kev siv hluav taws, thiab cov neeg siv hluav taws xob tuaj yeem txuag tau nyiaj muab xam rau qhov nruab nrab ntau txog li ntawm $350 tauj xyoos. Cov neeg siv hluav taws xob kuj tseem tuaj yeem sau npe rau qhov PG&E SmartRate™, uas yuav muab ib tus nqi txo qis rau txoj kev siv fais fab tsawg dua nyob rau lub sij hawm 4-9 p.m. thaum muab hu ua “SmartDays”.
Yog xav tau daim ntawv kuaj xyuas kev siv hluav taws thaum yuav tawm mus so ncig ua si (vacation) thiab cov hau kev ntxiv los siv hluav taws kom txuag tau zoo dua qub, mus saib pge.com/summer.
Cov Txheej Txheem Pab Cuam Uas Pab Txhawb Nqa Kom Hluav Taws Xob Ua Hauj Lwm Tau Zoo
- Lub Xab Viv Qhib Lawm: Ib lub chaw muab kev pab cuam hauv oos lais thoob plaws lub xeev uas tawm qauv txhawm rau los mus pab cov tswv tsev thia cov neeg xauj tsev uas nyiam kev hloov los ntawm kev siv cua mus siv cov khoom siv hluav taws xob los ntawm kev txuas lawv ua ke nrog rau cov nyiaj txhawb siab uas muaj thiab cov neeg cog lus ua hauj lwm nrog uas muaj cai tsim nyog.
- Fab Nyiaj Txiag Ntsig Txog Vaj Tsev Ntawm GoGreen: ib qho txheej txheem pab cuam thoob plaws lub xeev uas muab kev pab fab nyiaj txiag pheej yig rau cov kev hloov kho kom hluav taws xob ua hauj lwm tau zoo txhawm rau pab cov tswv tsev thiab cov neeg xauj tsev txo lawv txoj kev siv hluav taws xob kom tsawg.
Cov Txheej Txheem Pab Cuam Uas Muaj Cai Tsim Nyog Tau Txais Kev Pab Raws Li Qhov Nyiaj Khwv Tau Los
PG&E muab siab rau kev pab cov neeg siv hluav taws xob uas muaj cai tsim nyog tau txais kev pab cuam raws qhov nyiaj khwv tau los txo tus nqi kom qis thiab tswj xyuas cov ntawv sau nqi hluav taws xob txhua hli:
- California Alternate Rates for Energy Program (CARE): muab ib tus nqi txo txhua hli 20% rau ntawm cov nqi roj (gas) thiab ib qho nyob rau nruab nrab 35% ntawm cov nqi hluav taws xob (yog muab piv rau cov neeg siv hluav taws xob koom ua ke uas tsis muaj CARE).
- Family Electric Rate Assistance Program (FERA): muab ib tus nqi txo txhua hli li ntawm 18% ntawm nqi kev siv hluav taws xob, tsis hais yuav yog rau fab twg ntawm qhov coob los sis tsawg ntawm yim neeg ntawd.
- PG&E Relief for Energy Assistance through Community Help (REACH): muab ib qho nyiaj khes div hluav taws xob ib zaug rau cov neeg siv hluav taws xob uas muaj cai tsim nyog tau txais kev pab cuam raws qhov nyiaj khwv tau los txog li ntawm $800 raws li cov nqi dhau sij hawm tsis tau them nyob rau yav tag los.
- PG&E Match My Payment Program: muab ib qho kev sib dhos kom sib haum raws ib duas las-rau-ib duas las, ntau txog $1,000, pab rau cov neeg siv hluav taws xob uas muaj qhov nyiaj khwv tau los nyob rau theem qis txog rau theem nrab uas muaj ib qho nqi hluav taws xob uas tseem tshuav tsis tau them uas dhau sij hawm lawm.
- Low Income Energy Assistance Program (LIHEAP): yog ib qho txheej txheem muab kev pab uas tau txais kev pab nyiaj los ntawm tsoom fwv uas saib xyuas los ntawm lub xeev uas muab ib qho kev them nqi ib zaug txog li $1,500 rau cov ntawv sau nqi hluav taws xob uas tseem tsis tau them nyob rau yav dhau los txhawm rau pab cov tsev neeg uas muaj nyiaj khwv tau los nyob rau theem qis them rau cov nqi cua sov los sis cua txias nyob rau hauv lawv tej vaj tsev. Tej zaum cov kev them nqi kuj yuav sib txawv raws qhov chaw nyob thiab qhov muaj ntawm peev nyiaj pab.
- Arrearage Management Plan (AMP): qho phiaj xwm kev npaj txog kev zam txim nuj nqi rau cov neeg siv hluav taws xob uas muaj chaw nyob uas muaj cai tsim nyog tau txais kev pab.
- Energy Savings Assistance Program (ESA): muab cov kev txhim kho ntsig txog kev txuag hluav taws xob yam tsis tau them nqi dab tsi.
Cov neeg siv hluav taws xob kuj tseem yuav muaj feem rau qhov Medical Baseline, uas yog muab ib qho hluav taws pab ntxiv nyob rau ntawm tus nqi baseline uas qis dua los yog ib qho nqi txo nyob rau ntawm tus nqi uas tsis muaj baselines, thiab muab kev ceeb toom thaum yuav tua fais fab rau cov uas yuav tau siv rau qee yam kev mob nkeeg. Kev rau npe rau qhov no yuav tsum muaj ntawv pov thawj los ntawm ib tus kws saib xyuas kev kho mob uas paub zoo txog txoj hauj lwm. Txhawm rau kawm paub ntau ntxiv hais txog PG&E cov txheej txheem pab cuam muab kev pab, siv ib lub cuab yeej Savings Finder tshiab los sis mus saib tau rau ntawm pge.com/billhelp.