Kev Cia Cov Khw Noj Mov Qhib Ua Zaub Mov Noj Txuas Ntxiv: 240 Cov Khw Noj Mov Tau Txais Cov Nyiaj Pab Txhawb Kom Muaj Zog Rau Fab Kev Lag Luam Uas Yog Muab los ntawm PG&E Corporation Foundation

Cov Nyiaj Pab $5,000 No Yuav Pab Cov Khw Noj Mov Hauv Zej Zos, Cov Chaw Ua Noj Ua Haus Lag Luam kom Ua Tau Huaj Vam Mus Ntev

Oakland, Calif.—Muaj ntau cov khw noj mov thiab cov chaw ua noj ua haus lag luam thoob plaws Sab Nruab Nrab Teb thiab Sab Qaum Teb Xeev California tsis ntev tom ntej no yuav raug teeb tsim los mus ua cov phiaj xwm kev npaj tshiab rau kev loj hlob mus ua ke nrog cov nyiaj pab uas muab tuaj ntawm California Restaurant Foundation thiab PG&E Corporation Foundation.

Ob lub koom haum no tau sib koom tes txhawm rau muab cov nyiaj pab $5,000 rau ntau tshaj 239 cov khw noj mov nyob rau hauv 30 cov nroog thoob plaws cheeb tsam muab kev pab cuam ntawm PG&E. Cov nyiaj pab dawb xam tag nrho yog $1.4 million (sawm) daus las. Qhov coob tsawg ntawm cov neeg tau txais nyiaj pab thiab qhov nyiaj daus las xam tag nrho ob feem tib si yog cov ntaub ntawv teev tseg txog rau kev sib koom tes suav txij li thaum nws tau pib nyob rau xyoo 2021 los lawm.

“Cov khw noj mov hauv zej zos yog ib qho tseem ceeb rau peb cov cheeb tsam zej zos heev li,” Carla Peterman, Tus Lwm Thawj Tswj Hwm Ntawm Feem Saib Xyuas Txoj Cai (Executive Vice President), Feem Saib Xyuas Hauj Lwm Txhua Fab Ntawm Tuam Txhab, PG&E Corporation, thiab Tus Thawj Coj ntawm Pawg Thawj Coj, ntawm koom haum PG&E Corporation Foundation tau hais li ntawd. “Lawv ua hauj lwm zoo tam li cov tshuab tswj xyuas kev lag luam, cov chaw rau kev sib sau ua ke thiab cov chaw rau kev ruaj ntseg fab kab lis kev cai. Lawv pab txhawb nqa cov liaj teb thiab lwm cov chaw tsim khoom noj khoom haus thiab cov lag luam me nyob thoob plaws hauv zej zos thiab ib cheeb tsam. Lawv muaj ib qho kev tshwm sim ntau npaug fab kev lag luam zoo tshaj plaws uas coj tau ntau cov txiaj ntsig los rau peb cov nroog. Peb zoo siab heev uas tau los mus pab txhawb nqa cov hauv paus tseem ceeb ntawm peb cov cheeb tsam zej zos uas peb ua hauj lwm rau no txuas ntxiv mus tom ntej.”

Cov neeg tau txais nyiaj pab yog cov tswv khw noj mov uas yog neeg nyob hauv xeev California uas muaj tsawg dua tsib cov chaw thiab tsawg dua $3 million (sawm) daus las hauv qhov nyiaj khwv tau los txhua xyoo.

Cov neeg tau txais nyiaj pab muaj peev xwm siv cov nyiaj pab no los mus nqis peev rau hauv cov kev hloov kho fab cuab yeej khoom siv thiab tev naus laus zis, cov txheej txheem pab cuam ntsig txog kev cob qhia rau cov neeg ua hauj lwm thiab kev khaws cia thiab cov kev nyuaj siab uas ntsia tsis pom tom ntej. Cov nyiaj pab no phiaj yeeg rau pom txog ib qho kev mob siab rau txog rau kev ua kom cov khw noj mov hauv zej zos muaj lub zog loj tuaj rau fab kev huaj vam ncua sij hawm ntev es kom lawv thiaj li muaj peev xwm pab tau cov lag luam hauv zej zos thiab kev loj hlob ntawm cheeb tsam zej zos txuas ntxiv mus.

Koom haum PG&E Foundation tau muab cov nyiaj pab no thiab tau muab peev nyiaj txiag pab rau California Restaurant Foundation txhawm rau khiav qhov txheej txheem pab cuam muab nyiaj pab nod nyob rau hauv nws Pob Peev Nyiaj Pab Txhawb Kom Muaj Zog Rau Feem Kev Saib Xyuas Cov Khw Noj Mov.

Pob peev nyiaj pab rau cov nyiaj pab no yog tuaj ntawm cov neeg sib koom lag luam ntawm PG&E, tsis yog cov neeg siv hluav taws xob.

“Peb ua tsaug ntau heev rau The PG&E Corporation Foundation rau lawv txoj kev siab dawb siab zoo thiab kev cog lus txhawb nqa cov tsev noj mov uas khiav los ntawm tus kheej (independent restaurants) hauv California,” hais los ntawm Alycia Harshfield, Tus Thawj Coj ntawm California Restaurant Foundation. “Lawv cov nyiaj pab rau Restaurants Care Resilience Fund muaj txiaj ntsig zoo heev; nws muab kev txhawb nqa nyiaj txiag uas cov tswv tsev noj mov xav tau los nqis peev rau hauv lawv txoj kev lag luam, txhawb zog rau lawv cov neeg ua haujlwm, thiab daws cov teeb meem uas tshwm sim yam tsis tau xav txog. Kev koom tes nrog lawv nyob rau rau lub xyoo dhau los no tau pab peb ncav cuag ntau tshaj 1,100 lub tsev noj mov thiab yuav tsim kom muaj txiaj ntsig ntev rau cov zej zog thoob plaws California.”

Koom haum California Restaurant Foundation tau pib muab nws Pob Peev Nyiaj Pab Txhawb Kom Muaj Zog nyob rau xyoo 2021 lawm txhawm rau los mus pab txhawb nqa cov khw noj mov txhim kho kom rov qab zoo los ntawm cov kev tshwm sim rau fab kev lag luam ntawm kev sib kis kab mob ntawm Tus Kab Mob Khaus Viv-19 (COVID-19). Kev poob lag luam nyob rau lub sij hawm muaj kev sib kis kab mob ntawd tau ua rau muaj ntau cov khwv noj mov kaw lawv cov qhov rooj mus ib ntus los sis mus tag ib txhis li lawm.

PG&E thiab koom haum PG&E Foundation tau pab txhawb nqa qhov txheej txheem pab cuam no txij li thaum nws tau pib los lawm. Lub tuam txhab tau tswj xyuas nws txoj kev pab txhawb nqa yam tsis tu ncua vim hais tias cov khw noj mov yeej tseem ntsib teeb meem ntsig txog cov kev hloov pauv hauv kev lag luam txuas ntxiv mus.

Txij li thaum qhov txheej txheem pab cuam no tau pib los, PG&E thiab PG&E Foundation tau pab nyiaj txog $5.7 million (sawm) daus las rau fab kev pab nyiaj mus rau Pob Peev Nyiaj Pab Txhawb Kom Muaj Zog Rau Feem Kev Saib Xyuas Cov Khw Noj Mov, nrog rau cov nyiaj pab txij li $3,000 mus txog $5,000 lawm. (Txhawm rau mus saib cov neeg tau txais nyiaj pab nyob rau hauv cheeb tsam muab kev pab cuam ntawm PG&E, mus saib tau rau ntawm peb cov vis dis aus hais txog “Ntawm Chav Ua Mov Noj mus rau Cheeb Tsam Zej Zos”.) Nrog rau qhov kev pab nyiaj nyob rau xyoo no, tam sim no PG&E tau muab cov nyiaj pab rau 1,102 cov khwv noj mov thiab cov chaw ua noj ua haus lag luam thoob plaws Sab Qaum Teb thiab Sab Nruab Nrab Teb Xeev California lawm.

Kev Pab Cov Khw Noj Mob thiab Cov Lag Luam Me thiab Pes Nrab

PG&E tseem cog lus yuav los muab cov hauv kev rau nws cov neeg siv hluav taws xob uas yog lub chaw lag luam me thiab nruab nrab kom txuag tau hluav taws xob thiab nyiaj txiag, tshwj xeeb mas nyob rau cov sij hawm muaj kev nyuaj kev txom nyem rau fab kev khwv nyiaj txiag lag luam. Ntawm no yog qee cov hau kev uas PG&E tab tom yuav pab nws cov neeg siv hluav taws xob:

Hais Txog Fab Nyiaj Txiag Ntawm Daim Ntawv Sau Nqi. PG&E muab cov nyiaj txais uas xam paj ntsig 0% rau kev hloov tshiab cov khoom siv uas qub thiab yaig tag lawm nrog rau cov qauv pab kom hluav taws xob-kom ua hauj lwm tau zoo ntau ntxiv. Saib qhov vis dis aus no txhawm rau tshawb nrhiav kom paub txog tias hluav taws xob rov qab nqis peev rov qab rau hauv koj lub lag luam txhawm rau los mus pab txhim kho koj lub hauv paus lag luam tau li cas.
Cov nyiaj tau txais rov qab rau cov cuab yeej kev pab cuam khoom noj khoom haus. PG&E muab ntau txov txheej txheem pab cuam uas tau txais nyiaj rov qab uas yuav pab koj txuag tau nyiaj thiab txhim kho kev tsim khoom lag luam thaum koj hloov pauv koj cov cuab yeej muab kev pab cuam khoom noj khoom haus tshiab.
Food Service Technology Center. Nkag cuag tau rau cov txheej txheem pab cuam muab kev cob qhia tseem ceeb, cov neeg pab sab laj tawm tswv yim ntsig txog kev tawm qauv thiab cov kev npaj ntsig txog chaw ua mov noj rau kev xeem ntawv txhawm rau txhim kho koj cov kev ua hauj lwm thiab kev ua hauj lwm tau zoo ntawm hluav taws xob.
Kev Npaj Pob Peev Nyiaj Tseg Them Nqi Hluav Taws Xob. Yog hais tias koj yog ib tus tswv lag luam me, koj muaj peev xwm siv tau ib daim ntawv sau nqi uas tuaj yeem kwv yees tseg tau txhua hli los ntawm kev sau npe rau hauv qhov Kev Npaj Pob Peev Nyiaj Tseg Them Nqi Hluav Taws Xob. Qhov txheej txheem pab cuam no yuav xyuas txog feem nrab ntawm koj daim ntawv sau nqi txhua hli txhawm rau txiav txim siab txog koj li kev them nyiaj txhua hli, es tsis txhob siv cov ntawv sau nqi lub caij ntuj sov uas tsis tuaj yeem kwv yees tseg tau ntawd.
Cov Txheej Txheem Pab Cuam Kom Muaj Kev Ua Hauj Lwm Tau Zoo Ntawm Feem Hluav Taws Xob. PG&E cog lus nrog cov tuam txhab sab nraum los mus muab ib qho kev hais daws teeb meem kom haum raws siab nyiam rau cov feem lag luam uas sib txawv.
Tshawb Nrhiav Koj Qhov Phiaj Xwm Kev Npaj Txog Ntawm Tus Nqi Uas Zoo Tshaj Plaws. Cov neeg siv hluav taws xob muaj peev xwm siv tau qhov cuab yeej oos lais no los mus ua ib qho kev tshuaj ntsuam xyuas txog tus nqi kom paub seb lawv puas nyob rau qhov phiaj xwm kev npaj txog ntawm tus nqi uas zoo tshaj plaws rau lawv cov kev khiav hauj lwm. Xyoo tas los no, peb tuaj yeem txuag tau nyiaj rau cov neeg siv hluav taws xob txog $5.4 Million duas las.
Tus Nqi Ntawm Feem Kev Txhim Kho Rau Fab Kev Lag Luam. Qhov no muab lub cib fim rau cov neeg siv hluav taws xob hauv lub lag luam uas muaj cai tsim nyog tau txais kev pab cuam los mus txo cov nqi los ntawm ib ntawm cov kev xaiv ntsig txog tus nqi hluav taws xob uas raug txo ntawd. PG&E tau tsim tus nqi no los mus pab rau cov lag luam kom loj hlob los sis tswj xyaus tau cov hauj lwm nyob rau hauv xeev California. Tus qauv cai hais txog tus nqi 12% nod yog muaj nyob thoob plaws hauv peb qhov chaw muab kev pab cuam nod.

Tsis tas li ntawd cov tswv lag luam me thiab pes nrab kuj tseem muaj peev xwm txuas tau ncaj qha nrog rau ib tus thawj saib xyuas tus as khauj nyob rau hauv lawv cheeb tsam zej zos tib si: Paub Txog Koj Tus Thawj Saib Xyuas Kev Sib Raug Zoo Ntawm Feem Lag Luam Me | PG&E

Rau kev paub ntau ntxiv txog PG&E qhov kev pab txhawb nqa tus neeg qhua siv hluav taws xob ntawm Lub Lag Luam Me thiab Pes Nrab, mus saib tau rau ntawm pge.com/smbsupport.