Crossings TV Asian Television – Home to Asian Americans
Lub Koom Haum PG&E Corporation Foundation Muab Nyiaj Ntau Txog $350,000 Txhawm Rau Pab Cov Tub Ntxhais Kawm Uas Tab Tom Kawm Txuas Ntxiv Nyob Rau Qib Kev Kawm Theem Siab
Nroog Oakland, Xeev Calif. — Lub Koom Haum PG&E Corporation Foundation muab Peev Nyiaj Pab Rau Kev Kawm Better Together STEM xyoo 2024 rau 60 leej tub ntxhais kawm tuaj ntawm cheeb tsam muab kev pab thoob plaws Pacific Gas thiab Electric Company’s (PG&E).
Lub Koom Haum PG&E Corporation Foundation (PG&E Foundation) muab peev nyiaj rau lub khoos kas Peev Nyiaj Pab Rau Kev Kawm Better Together STEM. Lub xyoo no, PG&E Foundation tab tom pab txhawb nqa 20 pob peev nyiaj pab rau kev kawm uas ib pob peev yog $10,000, 20 pob peev nyiaj pab rau kev kawm uas ib pob peev yog $5,000, thiab 20 pob peev nyiaj pab rau kev kawm ntawv uas ib pob peev yog $2,500, xam tag nrho yog nyob li ntawm $350,000. Cov nyiaj pab pub dawb no yog pab los ntawm PG&E cov tswv koom lag luam, tsis yog PG&E cov neeg siv hluav taws xob.
Cov peev nyiaj pab rau kev kawm ntawv nod yog muab rau cov tub ntxhais kawm ntawv kom raws cuag cov qib kev kawm ntawv hauv cov qauv qhia ntawv feem Kev Kawm Qhia Txog Txuj Ci Fab Kev Txawj Ntse, Tev Naus Laus Zis, Kev Tawm Qauv thiab Kev Kawm Txog Kev Xam Lej (Science, Technology, Engineering and Math, STEM). Kev kawm ntawv txog feem STEM pab tsim kom muaj kev txawj ntse, laj lim tswv yim, thiab kev kawm paub qhov tseeb, kev tsav coj mus rau cov tswv yim tshiab, cov tswv yim tshiab, thiab cov kev vam meej fab tev naus laus zis uas muaj peev xwm tsim tau qhov tshwm sim rau lub ntiaj teb.
Alexis Schoel, tuaj ntawm Yuba City, tuaj ntawm ib lub tsev kawm ntawv me uas muaj tub ntxhais kawm ntawv tsis txog 50 leej uas nws tau kawm txoj kev kawm Advanced Placement nyob rau ntawd. Nws vam thiab cia siab tias yuav yog thawj tug hauv nws tsev neeg uas yuav tau txais daim ntawv pov thawj kawm tiav qib siab nrog kev pab ntawm nws pob peev nyiaj pab kev kawm Better Together STEM.
“Qhov kev kawm tiav no tsis yog tias tsuas muaj rau kuv xwb, tiam sis kuj tseem muaj rau kuv tsev neeg tib si. Pob peev nyiaj pab rau kev kawm no yuav pab rau kuv ua tiav tag nrho kuv cov hom phiaj yav tom ntej ntawm kev ua ib tus kws tshaj lij thiab tej zaum kuj yuav tau ua ib tus thawj coj ntawm kuv tus kheej pab neeg ua hauj lwm nyob rau ib hnub twg los kuj muaj tau,” tus hais yog Schoel, uas yog tus yuav kawm hauv txoj kev kawm tsim tshuab ntawm Cal Poly San Luis Obispo.
Samuel Badilla, tuaj ntawm Reedley, yuav kawm rau cov kev kawm txog ib puag ncig (environmental) nyob rau ntawm lub tsev kawm qib siab University of Southern California.
“Muaj ib tug neeg twg ntawm PG&E uas ntseeg tias kuv tuaj yeem ua tiav hauv tsev kawm qib siab tau thiab tsim kom muaj qhov sib txawv fab zoo rau kev tawm tsam txhawm rau tej nroj tsuag ib puag ncig thiab muaj kev ruaj ntseg ntawm lub ntiaj teb, thiab qhov kev txhawb nqa no pab rau kuv ntseeg kuv tus kheej ib yam nkaus,” Badilla tau hais li ntawd.
Cov peev nyiaj pab rau kev kawm nod yog raws kev ua tiav ntawm fab kev kawm ntawv, kev koom tes thiab kev ua thawj coj uas ua tau zoo qauv qhia nyob rau hauv cov dej num ntawm tsev kawm ntawv thiab cheeb tsam zej zos, thiab kev xav tau kev pab fab nyiaj txiag. Koj tuaj yeem saib tag nrho cov npe uas tau txais peev nyiaj pab rau kev kawm ntawm xyoo no nyob rau ntawm no thiab saib ib daim vis dis aus ntawm ib tus kws tshawb fawb Ella Heimbrodt ua ntej dhau los uas nws lub siab xav nkag siab txog qhov cuam tshuam ntawm kev hloov pauv huab cua coj nws mus rau qhov loj hauv kev tsim ib puag ncig zoo ntawm UC Berkeley.
“Tau ntau tshaj kaum xyoo, lub koom haum PG&E Corporation Foundation tau pab txo kev siv nyiaj txiag rau kev kawm qib siab rau cov tsev neeg, thiab txhawb nqa cov tub ntxhais kawm ntawv thaum lawv nrhiav lawv txoj kev npau suav hauv tsev kawm qib siab thiab STEM-raws li kev kawm — nws yog ib qho kab lis kev cai uas peb ua tsaug uas peb muaj peev xwm mus txuas ntxiv. Cov kws tshawb fawb no yog peb cov neeg ua hauj lwm yav thiab cov neeg xav yav pem suab thiab yuav pab daws cov teeb meem tag kis, los daws cov kev saib xyuas zoo dua rau peb lub ntiaj teb thiab cov zej zog, thiab peb tos tsis taus uas yuav pom txhua yam lawv yuav ua tiav, “Carla Peterman, PG&E Corporation Executive Tus Lwm Thawj Coj, Tus Thawj Coj Saib Xyuas Kev Ua Hauj Lwm thiab Tus Thawj Saib Xyuas Neeg Ua Hauj Lwm, thiab Tus Thawj Coj ntawm Pawg Thawj Coj ntawm PG&E Corporation Foundation tau hais li ntawd.
Cov neeg txais qhov peev nyiaj pab rau kev kawm yuav tsum npaj los mus sau npe rau hauv qhov kev kawm tshawb fawb qib siab uas kawm puv sij hawm rau tag nrho xyoo kawm ntawv 2024-2025 nod thiab yuav tsum tshawb nrhiav lawv qhov qib kawm ntawv nyob rau qib siab thib ib nyob rau ntawm ib lub tsev kawm ntawv lab npauv plaub xyoos uas raug cai hauv xeev California, los sis nyob rau ntawm ib lub Tsev Kawm Ntawv Qib Siab thiab Cov Tsev Kawm Ntawv Txuj Siab Rau Cov Neeg Mes Kas Tawv Dub Rau Hauv Keeb Kwm (Historically Black Colleges and Universities, HBCU) qhov twg los tau nyob rau hauv Teb Chaws Mes Kas. HBCU tau ntxiv kev muaj cai tsim nyog nyob rau ob xyoos dhau los ntawd txhawm rau teb raws li ib lub tswv yim hauv cov kev tso npe nrhiav kev kawm ntawv los ntawm cov tub ntxhais kawm ntawv uas tau raug lees txais tuaj mus kawm rau hauv cov tsev kawm HBCUs, uas tsis muaj nyob rau hauv xeev California.
Kev Pab Txhawb Nqa Cov Tub Ntxhais Kawm Ntawv Hauv Zej Zos
Txij li xyoo 2012, qhov khoos kas Peev Nyiaj Pab Rau Kev Kawm Better Together STEM tau muab nyiaj ze li ntawm $7.5 million rau cov tub ntxhais kawm uas tau kawm tiav — tag nrho cov nyiaj no yog cov nyiaj pub dawb los ntawm PG&E cov neeg koom peev nyiaj, tsis yog los ntawm cov neeg qhua.
Dhau ntawm qhov Txheej Txheem Pab Cuam Ntsig Txog Lub Khoos Kas Peev Nyiaj Pab Rau Kev Kawm Ntawm Better Together STEM lawm, PG&E 11 cov pab pawg feem saib xyuas peev txheej neeg ua hauj lwm (employee resource groups, ERGs) thiab ob cov pab pawg koom lag luam uas feem saib xyuas kev tawm qauv (engineering networking groups, ENGs) kuj tseem muab cov nyiaj pab rau kev kawm ntawv los mus pab rau tej qho tsis txaus them nqi ntawm kev kawm ntawv qib siab tib si. Cov nyiaj pab nod puav leej yog tau txais tag nrho los ntawm cov kev pab nyiaj pub dawb ntawm tus neeg ua hauj lwm, cov koob tsheej nqua hu kev pab nyiaj rau tus neeg ua hauj lwm thiab Cov Pab Pawg Tswj Xyuas txog Cheeb Tsam Zej Zos (Campaign for the Community), lub tuam txhab tus neeg ua hauj lwm uas muab qhov txheej txheem pab cuam. Txij xyoo 1989, muaj ntau tshaj $6 lab ERG/ENG Cov Nyiaj Pab Rau Kev Kawm tau txais los ntawm ntau txhiab tus neeg tau tais kev pab.
Hais Txog PG&E
Pacific Gas and Electric Company, ib lub tuam txhab me ncau los ntawm koom haum PG&E Corporation (NYSE:PCG), yog ib lub chaw tsim roj nkev (gas) tha mab xaj thiab hluav taws xob ob yam tib si uas xa mus rau ntau tshaj 16 sawm leej neeg nyob thoob plaws 70,000 mais puag ncig nyob rau hauv Sab Qaum Teb thiab Sab Nruab Nrab Teb ntawm Xeev California. Txhawm rau kev paub ntau ntxiv, mus saib tau rau ntawm www.pge.com/ thiab http://www.pge.com/about/newsroom/.
Hais txog PG&E Corporation Foundation
PG&E Corporation Foundation yog ib lub koom haum ywj pheej 501(c)(3) uas tsis vam nyiaj paj ntsig, cais los ntawm PG&E thiab txhawb nqa los ntawm PG&E Corporation.
