PG&E Corporation Foundation Pab Tawm Tsam Xwm Txheej Muaj Zaub Mov Noj Xwm Tsis Txaus nrog Kev Koom Tes rau Cov Tsev Txhab Khoom Noj Hauv Zos, Cov Koom Haum Faib Zaub Mov Noj

Kev Pub Dawb Pub Dawb los Txhawb Pab 52 Lub Koom Haum Hauv Zos

Dhau Ntawd Lawm PG&E Tseem Pab Nyiaj los Txhawb Pab Cov Txhab Khoom Noj Li Kev Npaj Kom Txhij rau Thaum Muaj Xwm Txheej Ceev

Nroog Oakland, Xeev Calif. — PG&E Corporation Foundation (PG&E Foundation) muab li $1.3 sawm (lab) rau cov txhab khoom noj khoom haus hauv zos, cov txhab khoom noj khoom haus ntawm haiv neeg tsawg thiab cov txheej txheem pab cuam pluas mov noj rau cov neeg laus txhawm rau pab yug zaub mov kom cov tib neeg thiab cov tsev neeg tawm tsam xwm txheej muaj zaub mov noj xwm tsis txaus.

Cov nyiaj pab yog muaj khwv yees txog li ntawm 2.67 sawm (lab) pluas mov noj rau cov tib neeg thiab cov tsev neeg uas xav tau. Cov peev nyiaj pab yuav txhawb pab rau 52 lub koom haum faib zaub mov noj uas sawv cev rau 45 lub nroog hauv tuam txhab Pacific Gas and Electric Company’s (PG&E) li cheeb tsam muab kev pab cuam.

Cov nyiaj pab yog tuaj nyob rau Hunger Action Month, muab kev siv txhawb pab thoob teb chaws los ua kom muaj kev paub txog ntau tuaj rau txoj kev tshaib nqhis hauv Teb Chaws Mes Kas thiab txhawb kev nqis tes los tawm tsam nws. Raws li California California Association of Food Banks tau hais tseg, lub xeev California tau tsim cov txiv hmab txiv ntoo thiab txhiam laj txhiam xws yog ib nrab kiag ntawm lub teb chaws, raws li qhov xam nrab lawm, ib ntawm tsib leej pej xeem yuav tsis paub tias pluas noj txuas ntxiv yuav yog los qhov twg los. Cov zej zos muaj cov neeg txawv cev nqaij daim tawv nyob yuav tau ntsib theem kev tshaib nqhis uas siab dua.

“PG&E tau ua tus txhawb pab tseem ceeb yam tsis tu ncua ntawm Community Action’s North State Food Bank los tau ib nrab ntawm kaum lub xyoo dhau los no. Raws lawv txoj kev txhawb pab yam siab dawb paug rau North State Food Bank tau nce nws lub peev xwm khaws khoom txias tau ntau tuaj thiab muab tau cov khoom noj uas tshiab thiab muaj cov zaub mov noj xwm yeem yam txaus faib rau thoob plaws hauv peb li cheeb tsam muab kev pab cuam 8,000 mais puag ncig no. Lawv txoj kev txhawb pab tau txais kev ua tau zoo rau fab kev nce lub txhab khoom noj khoom haus li kev yuav hluav taws xob thiab rau ntau pua tsev neeg uas tau txais zaub mov, fab kev tsim kom muaj kev sib koom tes zoo dua rau peb cov zej zos,” tau hais tseg los ntawm Timothy Hawkins, tus CEO, Community Action of Butte County.

“Peb ua tsaug ntau rau peb txoj kev koom tes yam tsis tu ncua nrog cov txhab khoom noj khoom haus thiab cov koom haum faib zaub mov noj uas muab lab npauv kev nyab xeeb tseem ceeb rau cov tsev neeg los tawm tsam kom ua tau yam tiav log nyob rau thaum kawg. Cov koom haum txhawb pab zaub mov noj hauv zos no tau lub luag hauj lwm tseem ceeb yam tiav log nyob rau txoj kev xyuas kom paub tseeb tias seb cov tib neeg thiab tsev neeg puas tau noj tau haus, puas tuaj yeem tau txais lub neej yam noj qab haus huv thiab puas ncav cuag tau lawv lub peev xwm,” tau hais tseg los ntawm Carla Peterman, Tus Lwm Thawj Coj, Tuam Txhab Corporate Affairs, PG&E Corporation thiab Pab Thawj Coj Chari ntawm PG&E Corporation Foundation.

Cov nyiaj pab cuam yuav muab txheeb xam mus yam siab raws qib kev txom nyem hauv lub nroog thiab cov qib kev poob hauj lwm, yam siv tus qauv tshau ntawm California Department of Social Services, los txhawb kev ncaj ncees rau cov nroog uas muaj kev xav tau ntau dua.

Kev Txhawb Kev Npaj Txhij Thaum Muaj Xwm Txheej Ceev

Ntxiv rau qhov kev txhawb pab rau cov txhab khoom noj khoom haus hauv zos thoob plaws PG&E cheeb tsam chaw muab pab cuam, lub tuam txhab muaj kev pom zoo nrog 25 lub txhab khoom noj khoom haus hauv zos uas nyob rau cov cheeb tsam chaw muaj hluav taws kub tas li los muab kev pauv cov zaub mov noj thaum lub sij hawm thiab txog li peb hnub tom qab xwm txheej Public Safety Power Shutoff (PSPS). Cov xwm txheej PSPS no tuaj yeem muab siv thaum muaj kev khwv yees tias yuav muaj huab cua qhuav, muaj cua daj cua dub, thiab tej zaum PG&E yuav tsum tau tua hluav taws xob hauv qee thaj chaw txhawm rau tiv thaiv hluav taws kub thiab ua kom cov neeg siv hluav taws xob muaj kev nyab xeeb.

Koj tuaj yeem nrhiav lub txhab khoom noj hauv zos hauv koj lub nroog ntawm no. Kuaj xyuas nrog rau koj lub txhab khoom noj khoom haus hauv zos kom paub seb lawv puas muaj cov ncua kev txwv rau qhov nyiaj khwv tau los. Yuav muaj khoom noj rau pauv vim tias cov khoom siv tseem tshuav.

Meals on Wheels muab cov pluas mov noj rau cov neeg laus uas tau muaj npe hauv qhov txheej txheem pab cuam. Cov neeg laus uas tau tso npe nkag thiab tau ntsib xwm txheej PSPS yuav tau txais pluas mov noj tshaj ntxiv rau txhua hnub thaum muaj kev tua hluav taws xob rau xwm txheej PSPS. Koj tuaj yeem tso npe nkag rau hauv Meals on Wheels tau nyob rau hauv koj cheeb tsam zej zos.

PG&E tseem qhib Cov Chaw Saib Xyuas Kev Pab Cuam Hauv Lub Zej Zos (Community Resource Centers) nyob rau thaum lub sij hawm muaj cov xwm txheej PSPS txhawm rau muab cov khoom siv yooj yim, chaw tshaj hluav taws xob thiab cov ntaub ntawv qhia paub rau cov neeg siv hluav taws xob. Kev txhawb pab tsheb thauj mus los thiab cov kev pab cuam tsev so thiab cov kev txo nqi kuj tseem muaj siv tau. Koj tuaj yeem kawm pau ntau ntxiv tau ntawm no thiab tso npe nkag siv rau cov kev ceeb toom tua hluav taws xob.

Hais Txog PG&E

Pacific Gas and Electric Company, ib lub tuam txhab me ncau los ntawm koom haum PG&E Corporation (NYSE: PCG), yog ib lub chaw tsim roj nkev (gas) tha mab xaj thiab hluav taws xob ob yam tib si uas xa mus rau ntau tshaj kaum rau sawm (million) leej neeg nyob thoob plaws 70,000 mais puag ncig nyob rau hauv Sab Qaum Teb thiab Sab Nruab Nrab Teb ntawm Xeev California. Rau lus qhia paub ntau ntxiv, mus saib tau rau ntawm pge.com thiab pge.com/news

Translate »