Crossings TV Asian Television – Home to Asian Americans
Cov Neeg Siv Hluav Taws Xob Uas Yog Cov Lag Luam Me Los Kuj Yuav Tau Txais Qhov Nyiaj Credit Thiab
Oakland, Calif. — Hauv Lub Plaub Hlis Ntuj, muaj txog lab tus neeg siv hluav taws xob ntawm Pacific Gas and Electric Company (PG&E) yuav cia li tau txais California Qhov Nyiaj Credit Huab Cua nyob rau hauv lawv daim ntawv sau nqi hluav taws xob.
Cov tsev neeg muaj ib tus as khauj siv hluav taws xob uas tseem siv tau yuav tau txais ib qho nyiaj credit hluav taws xob li ntawm $58.23. Cov tsev neeg muaj ib tus as khauj siv roj nkev (gas) uas tseem siv tau yuav cia li tau txais ib qho nyiaj credit li ntawm $67.03. Cov neeg uas tau txais roj nkev (gas) thiab hluav taws xob ob yam tib si los ntawm PG&E yuav tau txais ib qho nyiaj khes div lub Plaub Hlis (April) li ntawm $125.26.
Cov neeg siv hluav taws xob uas yog vaj tse thiab lag luam me uas muaj feem tau txais yuav tau cov nyiaj credit hluav taws xob hauv lub Plaub Hlis thiab Kaum Hlis. Cov neeg siv cov roj nkev hav zoov uas yog vaj tse yuav tau txais ib qho nyiaj credit hauv lub Plaub Hlis.
Qhov nyiaj pab California Cov Nyiaj Credit Huab Cua yog tau los ntawm lub xeev qhov kev pab cuam Cap-and-Trade Program. Qhov nyiaj pab no yog PG&E muab faib rau cov neeg siv hluav taws xob raws li cov lus qhia kom ua los ntawm California Public Utilities Commission (CPUC). Qhov kev pab cuam Cap-and-Trade Program hais kom cov tuam txhab yuav tsum them rau [qeev] cov kev tso tawm cov pa kuab lom. Qhov nyiaj tau los ntawm qhov kev pab cuam kuj tseem yuav muab siv los ntawm lub xeev los mus ua kom tsoom neeg sawv daws noj qab haus huv zoo dua qub thiab muab tau cov txiaj ntsig zoo pab rau cov zej zog uas txom nyem. Qhov nyiaj credit pab them nqi yog tsim los mus pab cov neeg siv hluav taws xob nyob rau lub sij hawm muaj kev hloov mus rau lub neej yav pem suab.
“Peb paub tias peb cov neeg siv hluav taws xob coob tus muaj kev nyuaj siab txog cov nqi hluav taws xob uas nce siab tuaj. Peb txhawb nqa qhov kev pab daws tus nqi rau cov tsev neeg thiab pab kom nyob tau lub neej raws huab cua yav pem suab,” hais li ntawd los ntawm Vincent Davis, Senior Vice President, Customer Experience.
Txij xyoo 2014, CPUC muab los xam tias PG&E cov neeg siv hluav taws xob tau txais ze ntawm $1,000 hauv California Climate Credits, tas nrho ntau tshaj $12.9 billion hauv cov nyiaj pab Cap-and-Trade Program thoob plaws lub xeev.
Kom nrhiav tau lwm cov hau kev los mus txuag txoj kev siv hluav taws xob, txo tus nqi them txhua hli, thiab pov thaiv lub ntiaj teb, peb nqua hu kom cov neeg siv hluav tawas xob los siv ib qho Savings Finder tshiab, rau npe rau hauv qhov kev pab cuam Lub khoos kas Peev Nyiaj Nqi Hluav Taws Xob, los yog mus saib Kev Txuas Hluav Taws Xob thiab Txuag Nyiaj.
Cov Txheej Txheem Pab Cuam Uas Muaj Cai Tsim Nyog Tau Txais Kev Pab Raws Li Qhov Nyiaj Khwv Tau Los
- California Txoj Kev Xaiv Cov Nqi rau Cov Hluav Taws Xob: muab qhov kev txo nqi txhua hli ntawm 20% los sis ntau dua nyob rau ntawm cov nqi roj thiab hluav taws xob.
- Family Electric Rate Assistance (FERA): muab ib qho kev txo nqi txhua hli txog li 18% rau cov nqi hluav taws xob rau cov yim neeg uas muaj txog li ntawm peb tus neeg los sis coob dua ntawd.
- Energy Savings Assistance (ESA): muab cov kev txhim kho ntsig txog cov kev txuag hluav taws xob yam tsis tau them nqi dab tsi li.
- Relief for Energy Assistance through Community Help (REACH): muab cov nyiaj credit siv hluav taws xob rau cov neeg siv hluav taws xob uas tau nyiaj los tsawg (income-eligible) ntau txog $300 raws li ib qho nyiaj uas dhau sij hawm lawm tab sis tsis tau them qhov nqi.
- Arrearage Management Plan (AMP): ib qho phiaj xwm kev npaj txog kev zam txim nuj nqi rau cov neeg siv hluav taws xob uas muaj chaw nyob uas muaj cai tsim nyog tau txais kev pab.
Lwm cov kev pab cuam xws li qhov Medical Baseline, uas muab ib qho txo tus nqi rau cov neeg siv hluav taws xob uas yuav tsum tau siv fais fab rau qee qhov kev mob nkeeg.
Twj Cuab Yeej DIY Siv Rau Kom Muaj Kev Ua Hauj Lwm Zoo Ntawm Hluav Taws Xob
Koj puas paub hais tias koj tuaj yeem ua kom cov nqi hluav taws xob qis dua thiab txuag nyiaj tau nrog kev siv khoom cuab yeej DIY kom ua hauj lwm tau zoo txog ntawm hluav taws xob? Nrog rau kev nqis peev $200 rau cov khoom siv txuag hluav taws xob, cov neeg siv hluav taws xob tuaj yeem txuag tau nyiaj ntau pua daus las txhua xyoo.
Hais Txog PG&E
Pacific Gas and Electric Company, ib lub tuam txhab me ncau los ntawm koom haum PG&E Corporation (NYSE: PCG), yog ib lub chaw tsim roj nkev (gas) tha mab xaj thiab hluav taws xob ob yam tib si uas xa mus rau ntau tshaj kaum rau sawm (million) leej neeg nyob thoob plaws 70,000 mais puag ncig nyob rau hauv Sab Qaum Teb thiab Sab Nruab Nrab Teb ntawm Xeev California. Rau lus qhia paub ntau ntxiv, mus saib tau rau ntawm pge.com thiab pge.com/news
