Crossings TV Asian Television – Home to Asian Americans
Peb Nqua Hu Kom Cov Neeg Siv Hluav Taws Xob los Kuaj Xyuas Qhov Kev Muaj Cai Tsim Nyog Tau Txais Kev Pab (Check Eligibility) thiab Ua Ntawv Thov Qhov Kev Txo Nqi Hluav Taws Xob Txhua Hli
Nroog Oakland, Xeev Calif. — Muaj coob tshaj kwv yees li ntawm 150,000 cov neeg siv hluav taws xob ntawm Pacific Gas and Electric Company (PG&E) muaj cai tsim nyog tau txais qhov kev txo nqi 18% rau ntawm lawv tus nqi hluav taws xob.
Qhov kev pab cuam Family Electric Rate Assistance (FERA) tab tom nthuav dav kom muab ib- thiab ob-tus neeg hauv cov yim neeg tau txais kev pab. Raws li cov lus qhia txog qhov muaj cai tsim nyog tau txais kev pab dhau los, tsuas yog cov yim neeg uas muaj peb leej neeg los sis coob tshaj ntawd xwb thiaj muaj cai tau txais kev pab.
Qhov kev txo nqi no tsis siv rau cov nqi cua sov (gas).
Qhov muaj cai tsim nyog tau txais kev pab ntawd yog muab raws li qhov nyiaj khwv tau los thiab tsev neeg coob npaum li cas. Piv txwv li, ib yim neeg uas muaj ib los sis ob leej neeg uas khwv tau nyiaj txog $52,875 tauj ib lub xyoos tuaj yeem tsim nyog tau txais kev pab. Ib daim ntawv teev npe txhij txhua txog ntawm cov lus qhia txog cov nyiaj khwv tau los thiab cov lus qhia paub txog kev yuav ua ntawv thov rau qhov kev txo nqi txhua hli tau li cas ntawd muaj nyob rau ntawm no. Tsis tas li ntawd cov neeg siv hluav taws xob kuj tseem tuaj yeem hu tau rau qhov kev pab cuam FERA ntawm 1-877-660-6789 los sis xa ib tsab email mus rau CAREandFERA@pge.com.
Nyob rau xyoo 2024, muaj coob tshaj 39,000 cov neeg siv hluav taws xob ntawm PG&E uas tau sau npe nkag rau FERA tau txais cov kev txo nqi xam tag nrho ntau tshaj $21 lab duas las. Cov neeg siv hluav taws xob txuag tau ib qho nyiaj kwv yees li ntau tshaj $45 tauj hli ntawm lawv daim ntawv sau nqi hluav taws xob.
“Kev nthuav dav cov qauv rau cov kev txo nqi ntawm FERA muaj peev xwm muab tau cov kev txuag nyiaj tau yam muaj ntsiab lus rau cov yim neeg coob dua qub tuaj,” Vincent Davis, Tus Lwm Thawj Tswj Hwm Qib Siab Ntawm PG&E , Feem Saib Xyuas Kev Kawm Paub Txog Tus Neeg Siv Hluav Taws Xob tau hais li ntawd. “Peb nqua hu kom peb cov neeg siv hluav taws xob los ua ntawv thov qhov kev pab txhua hli no thiab qhia rau lwm cov uas tej zaum yuav muaj cai tsim nyog tau txais kev pab.”
Tsoom fwv pawg nom tswv tsim cai lij choj ntawm lub xeev California tau poom zoo rau Tsab Cai Senate Bill 1130 nyob rau xyoo 2024 los kho dua cov lus qhia txog kev muaj cai tsim nyog tau txais kev pab, uas tau muab qhov kev cai uas yuav tsum muaj txog peb leej neeg los sis coob tshaj ntawd hauv yim neeg mas thiaj muaj cai tsim nyog tau txais kev pab los ntawm FERA ntawd tshem tawm lawm. Tsis tas li ntawd nws kuj tseem tseev kom PG&E thiab lwm tus neeg nqi peev-uas yog tus tswv ntawm feem kev cov kev siv hluav taws xob dej cua nyob rau hauv xeev California los mus tshaj tawm qhia txog cov kev muab siab sib zog los mus sau npe nkag rau cov neeg siv hluav taws xob rau hauv qhov kev pab cuam no mus rau California Public Utilities Commission.
Cov Txheej Txheem Muab Kev Pab Cuam uas muaj cai tsim nyog tau txais kev pab raws li qhov nyiaj khwv tau los
- California Alternate Rates for Energy (CARE): muab ib qho kev txo nqi txhua hli 20% los sis ntau dua ntawm cov ntawv sau nqi roj nkev (gas) thiab hluav taws xob. Cov theem ntawm qhov nyiaj khwv tau los uasmuaj cai tsim nyog tau txais kev pab ntawd qis dua qhov kev pab cuam ntawm FERA.
- Relief for Energy Assistance through Community Help (REACH): muab ib qho nyiaj khes div hluav taws xob ib zaug rau cov neeg siv hluav taws xob uas muaj cai tsim nyog tau txais kev pab cuam raws qhov nyiaj khwv tau los txog li ntawm $300 raws li cov nqi dhau sij hawm tsis tau them yav tag los.
- Low Income Energy Assistance Program (LIHEAP): yog ib qho kev pab cuam uas tau txais kev pab nyiaj los ntawm tsoom fwv uas saib xyuas los ntawm lub xeev uas muab ib qho kev them nqi ib zaug txog $1,500 rau cov ntawv sau nqi hluav taws xob uas tseem tsis tau them yav dhau los txhawm rau los pab cov tsev neeg uas muaj nyiaj khwv tau los nyob rau theem qis them rau cov nqi cua sov los sis cua txias hauv lawv tej vaj tsev. Tej zaum cov kev them nyiaj kuj yuav sib txawv raws qhov chaw thiab kev muaj nyiaj pab.
- Energy Savings Assistance Program (ESA): muab cov kev txhim kho ntsig txog kev txuag hluav taws xob yam tsis tau them nqi dab tsi.
- Arrearage Management Plan (AMP): qho phiaj xwm kev npaj txog kev zam txim nuj nqi rau cov neeg siv hluav taws xob uas muaj chaw nyob uas muaj cai tsim nyog tau txais kev pab.
Lwm cov kev pab cuam xws li qhov Medical Baseline, uas muab ib qho txo tus nqi rau cov neeg siv hluav taws xob uas yuav tsum tau siv fais fab rau qee qhov kev mob nkeeg.
Cuab Yeej DIY Siv Rau Kom Muaj Kev Ua Hauj Lwm Zoo Ntawm Hluav Taws Xob
Koj puas paub hais tias koj tuaj yeem ua kom cov nqi hluav taws xob qis tau thiab txuag nyiaj tau nrog kev siv Twj Cuab Yeej DIY Siv Rau Kom Muaj Kev Ua Hauj Lwm Zoo Ntawm Hluav Taws Xob? Nrog rau kev nqis peev rau hauv cov khoom siv rau kev ua hauj lwm tau zoo ntawm hluav taws xob, cov neeg siv hluav taws xob muaj peev xwm txuag tau txog pua duas las txhua xyoo.
Txhawm rau los nthuav dav cov hau kev ntau ntxiv los mus tswj xyuas cov ntawv sau nqi txhua hli, peb nqua hu kom cov neeg siv hluav taws xob los mus tshawb nrhiav qhov phiaj xwm kev npaj them nqi uas zoo tshaj plaws rau lawv yim neeg, siv ib lub cuab yeej Savings Finder tshiab, sau npe nkag rau hauv qhov kev pab cuam Budget Billing, los sis mus saib pge.com/billhelp.
Hais Txog PG&E
Pacific Gas and Electric Company, ib lub tuam txhab me ncau los ntawm koom haum PG&E Corporation (NYSE:PCG), yog ib lub chaw tsim roj nkev (gas) tha mab xaj thiab hluav taws xob ob yam tib si uas xa mus rau ntau tshaj kaum rau sawm (million) leej neeg nyob thoob plaws 70,000 mais puag ncig nyob rau hauv Sab Qaum Teb thiab Sab Nruab Nrab Teb ntawm Xeev California. Rau lus qhia paub ntau ntxiv, mus saib tau rau ntawm pge.com thiab pge.com/news
