Crossings TV Asian Television – Home to Asian Americans
Tau Muab 55 Cov Nyiaj Pab Xam Tag Nrho Yog $750,000 rau Cov Tuam Tsev Hauj Lwm Saib Xyuas Txoj Hauj Lwm Hluav Taws Kub Hnyiab Hauv Zej Zos, Cov Chaw Saib Xyuas Hluav Taws Kub Hnyiab thiab Cov Pab Pawg Cheeb Tsam Zej Zos
SACRAMENTO, Calif. — Thaum Xeev California nkag mus rau lub caij nyoog uas muaj hluav taws kub hav zoov ntau tshaj, California lub Koom Haum Pab Tua Hluav Taws (California Fire Foundation (CFF))”, nrog rau kev pab txhawb nqa los ntawm PG&E Corporation Foundation (PG&E Foundation), tau muab cov nyiaj pab $750,000 rau hauj lwm saib xyuas kev nyab xeeb ntawm hluav taws kub hav zoov rau 55 cov thawj saib xyuas hauj lwm tua hluav taws kub hav zoov hauv zej zos, cov chaw saib xyuas hluav taws kub hnyiab thiab cov pab pawg cheeb tsam zej zos nyob rau Sab Qaum Teb thiab Nruab Nrab Teb ntawm Xeev California. Qhov no yog xyoo thib xya lawm uas CFF thiab PG&E Foundation muab cov nyiaj pab dawb los mus pab rau cov cheeb tsam zej zos txhawb pab lawv cov txheej txheem pab cuam ntsig txog kev npaj kom txhij thiab hais daws tau rau kev puas tsuaj (disaster).
Tom qab dhau lub ncua sij hawm ua ntawv thov kev pab los tau ntev ib lub hlis, CFF tau xaiv thiab tau faib cov nyiaj pab dawb rau fab kev nyab xeeb los ntawm hluav taws kub hav zoov hauv lub xyoo puag ncig rau cov koom haum hauv thaj chaw muaj kev pheej hmoo hluav taws kub hav zoov siab nrog lub hom phiaj ntawm kev ntxiv dag zog rau lawv cov kev npaj kom txhij thiab kev hais daws rau kev puas tsuaj. Kev tshaj tawm txog cov nyiaj pab yuav muaj nyob rau Lub Hli Ua Kev Npaj Thoob Teb Chaws, soj xyuas txhua Lub Cuaj Hlis Ntuj txhawm rau txhawb siab kom muaj kev paub txog ntawm kev npaj rau cov kev liam sim (disasters) thiab cov xwm txheej kub ntxhov ceev.
Cov nyiaj pab dawb ntawd yuav raug muab siv los mus yuav cov khoom siv pov thaiv tus kheej thiab cov khoom tshwj xeeb rau cov neeg tua hluav taws, ua kom tiav qhov chaw tiv thaiv thiab cov hauj lwm tswj xyuas nroj tsuag, kev txo cov roj thiab cov kev phom sij kom muaj tsawg, thiab muab kev kawm paub thiab kev nthuav dav txog kev nyab xeeb ntsig txog kev hluav taws kub hnyiab rau zej tsoom sawv daws. Saib cov npe ntawm cov neeg tau txais nyiaj pab.
PG&E Foundation thiab Pacific Gas and Electric Company (PG&E) pab txhawb nqa CFF qhov “Khoos Kas Npaj Rau Kev Hluav Taws Kub Hav Zoov Kom Nyab Xeeb (Wildfire Safety and Preparedness Program” (WSPP)) Xyoo 2024 uas loj tshaj qub nrog rau nyiaj pab txog $1.4 million (sawm) hauv kev pab nyiaj pub dawb. Qhov txheej txheem pab cuam lub hom phiaj yog los mus muab kev paub txog kev nyab xeeb ntawm hluav taws kub hav zoov rau hauv cov cheeb tsam hauv xeev California kom ntau dua qub thiab coj cov chaw muab kev pab cuam los mus rau cov cheeb tsam zej zos uas tab tom tau txais kev pab cuam hauv cov cheeb tsam muaj hluav taws kub hnyiab txaus ntshai heev. Cov nyiaj pab mus rau cov koom haum hauv zej zos yog ib feem tseem ceeb ntawm WSPP.
“Kev sib koom tes ntawm Lub Khoom Haum (Foundation) thiab PG&E los tau ntev txog xya lub xyoo qhov ntawd yog ib lub luag hauj lwm tseem ceeb hauv kev pov thaiv peb cov zej zog thiab qhia kev paub rau cov neeg nyob hauv vaj tsev paub txog qhov kev phom sij ntawm cov kev puas tsuaj uas tshwm sim los ntawm hluav taws kub hav zoov los ntawm qhov Txheej Txheem Pab Cuam Fab Kev Nyab Xeeb thiab Kev Npaj Kom Txhij Rau Thaum Muaj Hluav Taws Kub Hav Zoov (Wildfire Safety and Preparedness Program),” yawg Rick Martinez, Tus Thawj Coj ntawm California Fire Foundation tau hais li ntawd. “Vim tias muaj qhov Khoos Kas Npaj Rau Kev Hluav Taws Kub Hav Zoov Kom Nyab Xeeb (Wildfire Safety and Preparedness Program), es Cov Neeg Hauv California thiaj li npaj tau rau cov hluav taws kub hav zoov thiab lwm yam kev puas tsuaj ntuj tsim tam sim no tau zoo dua qub. Cov neeg tau txais nyiaj pab zoo siab tshaj plaws uas tau txais kev txhawb nqa uas peb muab uas pab nyiaj thiab ua ntau cov khoos kas suav txij li kev txo kev siv roj kom tsawg thiab kev kawm hauv zej zog, kom tau txais cov cuab yeej tshiab los pov thaiv cov neeg nyob hauv vaj tsev, thiab cov zej zog uas lawv muab kev pab rau. Lub Koom Haum (Foundation) tau mob siab rau yuav tsim kev paub txog kev npaj kom txhij rau kev puas tsuaj vim tias, raws li peb tau pom nyob rau xyoo tas los no, hluav taws kub hav zoov tau tshwm sim yam tsis tau xav txog thiab kis tau sai heev, thiab peb yuav tsum ua txhua yam kom nws tsis txhob tshwm sim.”
Txij li xyoo 2018 los, muaj txog li 368 cov thawj fab saib xyuas hauj lwm hluav taws kub hnyiab thiab cov chaw saib xyuas hluav taws kub hnyiab nyob thoob plaws hauv lub xeev tau txais nyiaj pab txog li $4.5 million (sawm) hauv feem kev pab nyiaj ncaj qha los ntawm qhov txheej txheem pab cuam uas muab nyiaj pab dawb tam li yog ib feem ntawm WSPP, thiab txhua xyoo qhov txheej txheem pab cuam nod tau txais cov ntaub ntawv thov kev pab ntau tshaj xyoo dhau los. Kev pab nyiaj tso hom phiaj rau cov cheeb tsam zej zos tshwj xeeb uas muaj kev phom sij ntsig txog hluav taws kub hnyiab loj heev los sis siab heev raws li tau txheeb xyuas los ntawm California Public Utilities Commission daim duab qhia chaw (map) txog High Fire-Threat District.
“Kev pheej hmoo yuav muaj hluav taws kub hav zoov ntawm xeev California yuav nce siab heev nyob rau xyoo no vim muaj cov roj txeej los ntawm ob lub caij ntuj nag. Qhov huab cua kub heev thaum Lub Xya Hli tau ua kom qhuav ntawm cov hluav taws kub hav zoov, ua rau muaj hluav taws kub hav zoov ntau dua thoob plaws lub xeev nyob rau xyoo 2024 yog piv rau ntau xyoo dhau los. Peb txoj kev koom tes yam tsis tu ncua nrog California Fire Foundation yog qhov tseem ceeb rau kev ua tiav peb lub hom phiaj ntawm kev tiv thaiv hluav taws kub hav zoov thiab kev ceev kom cov zej zog muaj kev nyab xeeb. Kev siv zog tiv thaiv hluav taws kub hav zoov yog tsim tau zoo tshaj plaws nyob rau hauv zej zog nrog kev kawm paub, kev paub thiab cov chaw muab kev pab zoo li cov uas tau muab los ntawm qhov Khoos Kas Npaj Rau Kev Hluav Taws Kub Hav Zoov Kom Nyab Xeeb (Wildfire Safety and Preparedness Program). Peb zoo siab heev uas tuaj yeem pab nyiaj rau ntau lub koom haum hauv zos los ua txoj hauj lwm tseem ceeb no, ” Yawg Mark Quinlan, PG&E Tus Lwm Thawj Coj ntawm Fab Kev Saib Xyuas Hluav Taws Kub Hav Zoov, Xwm Txheej Kub Ceev thiab Cov Kev Nqis Tes Ua tau hais li ntawd.
WSPP tsi ntsees rau ob qho tseem ceeb los mus pab txuag cov cheeb tsam zej zos kom nyab xeeb:
- Ib pab pawg thawj tswj xyuas kev nyab xeeb ntawm hluav taws kub hav zoov uas tsav coj kev kawm paub txog kev nyab xeeb ntawm hluav taws kub hnyiab, uas tsim los ntawm CFF, uas sau ua Lus As Kiv, Lus Xab Pees Niv, Lus Suav, Lus Nyab Laj, thiab Lus Hmoob txhawm rau txhawb kev kawm paub nyob rau ncua sij hawm nrav ntxov thaum muaj cov hluav taws kub hnyiab. WSPP tau ua hauj lwm yam mob siab rau los mus hais daws cov teeb meem ntsig txog hom lus los ntawm kev tsim thiab kev muab sau ua tsab lus qhia txog kev nyab xeeb ntawm feem hluav taws kub hnyiab. Pab pawg no muaj xam nrog rau kev tshaj tawm rau saum xov tooj cua, cov kev tshaj tawm rau saum this vis thiab tshuab dis ntsis tauj (digital), ua ke nrog rau cov txiag ntawv tshaj xov rau ntawm lub chaw rau kev ua si sab nraum zoov uas nyob rau hauv cov cheeb tsam muaj hluav taws kub hnyiab txaus ntshai heev.
- Ib qho txheej txheem pab cuam uas muab nyiaj pab uas muab los ntawm CFF uas ua raws txheej txheem kev ua ntawv thov kev pab. CFF muab cov nyiaj pab mus rau cov thawj fab saib xyuas hauj lwm hluav taws kub hnyiab rau tus neeg txais, cov chaw saib xyuas huaj lwm thiab cov pab pawg cheeb tsam hauv feem kev pab txhawb nqa cov khoos kas thiab cov txheej txheem pab cuam thiab/los sis kev pab cuam thiab kev pab txhim kho kom rov zoo li qub tuaj.
WSPP Pab Cov Cheeb Tsam Zej Zos Tau Li Cas
Cov neeg tau txais nyiaj pab cuam nyob rau xyoo no tau siv qhov nyiaj pab dawb rau cov tshwm sim tseem ceeb raws li nram qab no:
- 7,560 yam ntawm cov khoom siv uas pov thaiv tus kheej (personal protective equipment, PPE) uas ruaj khov, muaj xam nrog rau cov kaus mom hlau, cov khau raj, cov hnab looj tes, cov iav thaiv qhov muag, tiab cov tsev pheeb suab thaiv hluav taws kub hnyiab.
- Cov kev txo cov roj kom tsawg/kev tswj xyuas nroj tsuag
- Muaj txog li 21 acres ntawm cov ntoo uas phom sij thiab kev muab tej nyuag nplauv txhuam tshem tawm
- Muaj ntau tshaj ntawm 1.5 million phaus (pounds) ntawm cov caj hlab los ceg, cov ceg xyoob ceg ntoo thiab lwm yam uas kub hnyiab yooj yim zom kom mos thiab muab thauj mus pov tseg
- Muaj txog 22 cov hluav taws kub nhyiab raws li sau qhia los sis cov chaw kub hnyiab ua tej pawg
- Kev kawm paub txog kev nyab xeeb fab hluav taws kub hnyiab tau muab rau thoob plaws Cov Cheeb Nroog xws li Alameda, Butte, Fresno, Humboldt, Kern, Lake, Marin, Mendocino, Monterey, Nevada, Plumas, San Francisco, San Luis Obispo, Shasta, Siskiyou, Sonoma, thiab Yuba, tej zaum yuav muaj txiaj ntsig zoo rau cov neeg nyob hauv vaj tsev coob tshaj 1.8 million leej neeg.
Muaj txog 657 yam ntawm cov khoom siv tshwj xeeb, uas muaj xam nrog rau:
- Cov Tham Ntim Dej tau txog 5,000 gall
- Cov Xov Tooj Cua Uas Nqa Mus Los Tau Yooj Yim
- Cov teeb tsom khiab saum taub hau
- Cov Hlua Dej (Xaim Yas)/Cov Thi/Cov Huam Xij Dej
- Cov Kaw
- Xuv Kias
Kev Tshwm Sim Raws Li Kws Yees Tseg Xam Tag Nrho:
- Cov Neeg Nyob Hauv Vaj Tsev 1,269,224 Leej Neeg
Muaj 217 daim ntawv thov kev pab thiab cov ntawv thov nyiaj ntau txog $4.6 million los ntawm cov koom haum hauv California thaum lub sij hawm thov nyiaj pab kev nyab xeeb los ntawm hluav taws kub hav zoov xyoo 2024.
Cov ntawv thov nyiaj muaj rau:
- Cov khoos kas Fab Kev Kawm Paub/Kev Nthuav Qhia ntau txog 37%
- Kev yuav Cov Khoom Pov Thaiv Tus Kheej (PPE) ntau txog 23%
- Kev yuav Cov Cuab Yeej Tshwj Xeeb ntau txog 21%
- Cov khoos kas fab Kev Txo Tej Roj/Kev Tswj Tej Nroj Tsuag ntau txog 19%
PG&E thiab PG&E Foundation tau muab nyiaj pab txhawb nqa xam tag nrho yog $8.8 million (sawm) rau qhia kom muaj kev paub zoo txog kev nyab xeeb fab hluav taws los ntawm qhov WSPP suav pib txij li thaum tau koom tes ua ke los. Qhov nyiaj pab rau cov txom nyem nod yog pab los ntawm cov neeg sib koom tes ua ke, tsis yog them rau los ntawm cov neeg siv hluav taws xob ntawm PG&E.
CFF, ib lub koom haum ua hauj lwm tsis vam nyiaj paj ntsig 501(c)(3), pab cov neeg tua hluav taws, lawv cov tsev neeg thiab cov cheeb tsam zej zos uas lawv pov thaiv. CFF qhov khoos kas CFF Firefighters on Your Side, uas tau txais kev pab txhawb nqa los ntawm PG&E tib yam nkaus, muab zaj lus qhia paub txog kev nyab xeeb fab hluav taws sau ua ntau yam lus, haum raws li kab lis kev cai rau hauv tshuab koos pis tawj thiab luam tawm ob tib si, txhawm rau los mus pab zej tsoom sawv daws kom nyob nyab xeeb.
Hais txog PG&E Corporation Foundation
PG&E Corporation Foundation yog ib lub koom haum ywj pheej 501(c)(3) uas tsis vam nyiaj paj ntsig, cais los ntawm PG&E thiab txhawb nqa los ntawm PG&E Corporation.
Hais Txog PG&E
Pacific Gas and Electric Company, ib lub tuam txhab me ncau los ntawm koom haum PG&E Corporation (NYSE: PCG), yog ib lub chaw tsim roj nkev (gas) tha mab xaj thiab hluav taws xob ob yam tib si uas xa mus rau ntau tshaj 16 sawm (million) leej neeg nyob thoob plaws 70,000 mais puag ncig nyob rau hauv Sab Qaum Teb thiab Sab Nruab Nrab Teb ntawm Xeev California. Rau lus qhia paub ntau ntxiv, mus saib tau rau ntawm pge.com thiab pge.com/news.
Hais txog California Fire Foundation
California Fire Foundation, yog ib lub koom haum uas tsis vam nyiaj tshaj thawj 501 (c)(3), uas muab kev pab fab siab ntsws kev xav thiab fab nyiaj txiag rau cov tsev neeg ntawm cov neeg tua hluav taws uas poob raug mob, cov neeg tua hluav taws thiab cov cheeb tsam zej zos uas lawv pov thaiv. Tau teeb tsa nyob rau xyoo 1987 los ntawm California Professional Firefighters, koom haum California Fire Foundation txoj cai txiav txim muaj xam nrog rau kev teeb txheeb tus neeg dim ntawm kev tuag thiab cov khoos kas pab tus neeg raug kev ua phem kev puas tsuaj thiab cov thawj kauj ruam hauv cheeb tsam zej zos. cafirefoundation.org